ព័ត៌មានអន្ដរជាតិ
អាមេរិកអនុញ្ញាតថ្នាំ AstraZeneca ប្រើបន្ទាន់សម្រាប់បុគ្គលមិនអាចចាក់វ៉ាក់សាំងបាន
អាជ្ញាធរសុខាភិបាលសហរដ្ឋអាមេរិកនៅថ្ងៃពុធ ទី៨ ខែធ្នូ បានអនុញ្ញាតជាផ្លូវការឲ្យប្រើអង់ទីគ័រសំយោគដែលត្រូវបានផលិតដោយ AstraZeneca ដើម្បីការពារឆ្លងកូវីដ-១៩ចំពោះមនុស្សដែលមានប្រតិកម្មអាក្រក់វ៉ាក់សាំង។
នេះជាលើកដំបូងហើយដែលរដ្ឋបាលចំណីអាហារ និងឱសថ(FDA)អាមេរិកបានអនុញ្ញាត ប្រើប្រាស់បន្ទាន់សម្រាប់ការព្យាបាលការពារសុទ្ធសាធបែបនេះ។
FDA បានព្រមានថា ថ្នាំ Evusheld «មិនមែនជាការចាក់ជំនួសវ៉ាក់សាំងនោះទេ» ប៉ុន្តែអាចចាក់សម្រាប់តែមនុស្សដែលមានប្រព័ន្ធភាពស៊ាំចុះខ្សោយ ឬអ្នកដែលមិនអាចចាក់វ៉ាក់សាំងបានដោយហេតុផលវេជ្ជសាស្ត្រដូចជាប្រតិកម្មអាឡែស៊ីខ្លាំងជាដើម។
ក្នុងករណីទាំងនោះ ថ្នាំនេះអាចចាក់ដល់មនុស្សចាប់ពីអាយុ១២ឆ្នាំឡើង។
ថ្នាំ Evusheld បានលាយបញ្ចូលគ្នាអង់ទីគ័រសំយោគពីរប្រភេទ (tixagevimab និង cilgavimab) និងត្រូវចាក់នៅលើសាច់ដុំពីរ។ អង់ទីគ័រទាំងនោះនឹងជួយប្រព័ន្ធភាពស៊ាំឲ្យប្រយុទ្ធនឹងវីរុសតាមរយៈប្រូតេអ៉ីន spike ដែលអនុញ្ញាតឲ្យវាចូលទៅក្នុងកោសិកា និងការឆ្លងពួកវា។
រដ្ឋបាលចំណីអាហារ និងឱសថ បាននិយាយថា ការព្យាបាលប្រហែលជាមានប្រសិទ្ធភាពសម្រាប់ការពារមុនពេលប៉ះពាល់រយៈពេល៦ខែ។ ថ្នាំនេះមិនចាក់ដល់មនុស្សដែលធ្លាប់បានឆ្លងកូវីដ-១៩ទេ បើទោះជា AstraZeneca ក៏បានធ្វើតេស្តសម្រាប់ការព្យាបាលមនុស្សប្រភេទនេះដែរ។
ផលរំខានអាចរួមមាន ប្រតិកម្មអាលែហ្សី ហូរឈាមចេញពីកន្លែងចាក់ ឈឺក្បាល និងអស់កម្លាំង។
ការអនុញ្ញារបស់ FDA ត្រូវបានធ្វើឡើងដោយផ្អែកលើការធ្វើតេស្តគ្លីនិកសាស្ត្រលើមនុស្សដែលមិនបានចាក់វ៉ាក់សាំងអាយុចាប់ពី៥៩ឆ្នាំឡើង ឬមនុស្សដែលមានជំងឺរ៉ាំរ៉ៃ ឬមានហានិភ័យខ្ពស់នៃការឆ្លង៕
ប្រែសម្រួល៖ វីរបុត្រ
ប្រភព៖ AFP
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង