ភាពតានតឹងរវាងរុស្ស៊ីនិងអាមេរិក ជុំវិញបញ្ហាអ៊ុយក្រែន នឹងបង្កសង្គ្រាមនុយក្លេអ៊ែរ

កងកម្លាំង​រុស្ស៊ី​ ​កំពុង​ប្រមូល​ផ្តុំ​​នៅ​ជិត​ព្រំដែន​ប្រទេស​ជាមួយ​អ៊ុយក្រែន ដែលជាហេតុ​បង្កើន​ភាពភ័យ​ខ្លាច​នៃការផ្ទុះ​សង្រ្គាម។

ខណៈដែលសហរដ្ឋអាមេរិកកំពុងតាមដានយ៉ាងដិតដល់នូវភាពចលាចលរវាងប្រទេសជាប់ព្រំដែនគ្នាទាំងពីរនេះ អនុរដ្ឋមន្ត្រីការបរទេសរុស្ស៊ីបានព្រមានថា វិបត្តិមីស៊ីលគុយបាឆ្នាំ១៩៦២ អាចកើតឡើងម្តងទៀតជាមួយនឹងសង្គ្រាមនុយក្លេអ៊ែរដ៏គួរឲ្យភ័យខ្លាច។

លោក Sergei Ryabkov បាននិយាយថា “ប្រសិនបើអ្វីៗនៅតែបន្តដូចនោះ វាអាចទៅរួចទាំងស្រុងនៃព្រឹត្តិការណ៍ដែលផ្ទុះឡើងភ្លាមៗ ហើយឃើញខ្លួនអ្នកនៅក្នុងអ្វីមួយដែលស្រដៀងគ្នា”។

រូបភាពពីផ្កាយរណបបានចាប់យកអ្វីដែលមើលទៅដូចជារថក្រោះរបស់កងទ័ព និងប្រព័ន្ធមីស៊ីលប្រឆាំងយន្តហោះ Buk នៅក្នុងតំបន់ Voronezh ស្របពេលក៏មានភាពតានតឹងផ្នែកកងទ័ពជើងទឹកនៅសមុទ្រខ្មៅផងដែរ។

ក្រុមហ៊ុនអវកាស Maxar Technologies ក៏បានបញ្ចេញផងដែរនូវ រូបភាពកងកម្លាំងរុស្ស៊ី ឈរជើងនៅក្នុងស្រុក Smolensk ដែលមានចម្ងាយតិចជាង ២០០ ម៉ាយល៍ពីព្រំដែនអ៊ុយក្រែន។

របាយការណ៍ចារកម្មបានលាតត្រដាងថា យ៉ាងហោចណាស់មានទាហានរុស្ស៊ី ៩០,០០០នាក់ រួមជាមួយនឹងកាំភ្លើងធំ និងរថក្រោះធុនធ្ងន់ ឥឡូវនេះត្រូវបានដាក់ពង្រាយនៅខាងភាគីរុស្ស៊ី ឬព្រំដែន។ ចំនួនទាហានអាចកើនឡើងដល់ ១៧៥,០០០ នាក់នៅដើមឆ្នាំក្រោយ។

ការបង្កើនកងទ័ពនេះ បានកើតឡើងចំពេលដែលលោក វ្ល៉ាឌីមៀរ ពូទីន ស្តីបន្ទោសអ្នកកាសែតសម្រាប់សំណួរបង្កហេតុនៅពេលពួកគេសួរថា តើគាត់មានបំណងឈ្លានពានអ៊ុយក្រែនឬក៏អត់ ប៉ុន្តែនៅក្នុងចម្លើយរបស់គាត់ មេដឹកនាំរុស្ស៊ីរូបនេះមិនបានច្រានចោលការធ្វើដូច្នេះទេ។

លោកនិយាយថា “រុស្ស៊ីកំពុងបន្តគោលនយោបាយការបរទេសដោយសន្តិវិធី ប៉ុន្តែខ្លួនមានសិទ្ធិធានាសន្តិសុខរបស់ខ្លួន”។

រុស្ស៊ីបានអះអាងម្តងហើយម្តងទៀតថា ការចល័តទ័ព និងគ្រឿងសព្វាវុធយោធានៅក្នុងព្រំដែនរបស់ខ្លួន មិនមែនជាចេតនាឈ្លានពាន ដូចលោកខាងលិចបានចោទប្រកាន់នោះទេ៕

ប្រែសម្រួល៖ Vann Vann

ប្រភព៖ Daily Star

ចុចអាន៖ លោក ពូទីន ថា ជម្លោះ នៅភាគខាងកើត អ៊ុយក្រែន ហាក់ ដូច ជា អំពើ ប្រល័យ ពូជសាសន៍