ព័ត៌មានអន្ដរជាតិ
ដោយសារ Omicron ការកក់សណ្ឋាគារលើលោក មុនថ្ងៃបុណ្យណូអែល ត្រូវលុបចោល
ក្រុមហ៊ុនស្វែងរកសណ្ឋាគារតាមអ៊ីនធឺណិត Trivago បាននិយាយកាលពីថ្ងៃអង្គារថា ការព្រួយបារម្ភអំពីវីរុសបំប្លែងខ្លួន Omicron និងការរឹតត្បិតការធ្វើដំណើរថ្មីៗបាននាំឲ្យមានការកើនឡើងនៃការលុបចោលការកក់សណ្ឋាគារនៅ ទូទាំងពិភពលោក ហើយកំពុងគំរាមកំហែងដល់ការងើបឡើងវិញដ៏ផុយស្រួយនៅ ក្នុងវិស័យទេសចរណ៍ ។
ក្រុមហ៊ុនបាននិយាយថា អត្រាការលុបចោលការកក់សណ្ឋាគារបានកើនឡើងដល់ ៣៥ ភាគរយ ចាប់តាំងពីខែវិច្ឆិកា ហើយផែនការធ្វើដំណើរសម្រាប់ថ្ងៃឈប់សម្រាកបានធ្លាក់ចុះ ១០ ភាគរយ ដោយអ្នកធ្វើដំណើរភាគច្រើនកំពុងជ្រើសរើសគោលដៅ ក្នុងស្រុកជំនួសវិញ ។
ការផ្ទុះឡើងនៃវីរុសបំប្លែងខ្លួន Omicron ដែលត្រូវបានរាយការណ៍ជាលើកដំបូងនៅ អាហ្រ្វិកខាងត្បូង បាននាំឲ្យមានភាពច្របូកច្របល់នៃច្បាប់ធ្វើតេស្តថ្មី និងការបិទព្រំដែន និងបានបង្កើនការព្រួយបារម្ភមុនរដូវកាលធ្វើដំណើរដ៏សំខាន់នៃបុណ្យណូអែល ។
ទន្ទឹមនោះ ព្រឹត្តិការណ៍ជាច្រើនរាប់ចាប់ពីកីឡា និងពិព័រណ៍ពាណិជ្ជកម្ម ក៏ដូចជាសាជីវកម្មនានាត្រូវបានលុបចោល ដែលនាំឲ្យមានការយឺតយ៉ាវក្នុងការកក់សណ្ឋាគារ ។
Trivago បាននិយាយថា សកម្មភាពរួមជុំវិញការរៀបចំផែនការធ្វើដំណើរថ្ងៃឈប់សម្រាកបានថយចុះ ដោយកើនឡើងត្រឹមតែ ៤ ភាគរយប៉ុណ្ណោះ ចាប់តាំងពីវីរុសនេះត្រូវបានរកឃើញ ។ បើតាមការប្រៀបធៀប ការធ្វើដំណើរថ្ងៃបុណ្យណូអែលបានកើនឡើង ៣៤.៧ ភាគរយក្នុងរយៈពេលពីមួយទៅ ពីរសប្តាហ៍ដូចគ្នាក្នុងឆ្នាំ ២០១៩ និងឆ្នាំ ២០២០ ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង