ព័ត៌មានអន្ដរជាតិ
ទីក្រុងបុរាណចិន Xi’an ធ្វើតេស្តមនុស្សរាប់លាននាក់ ខណៈអ្នកឆ្លងកូវីដកើនច្រើន
ទីក្រុង Xi’an របស់ប្រទេសចិនបានចាប់ផ្តើមធ្វើតេស្តមនុស្សរាប់លាននាក់នៅថ្ងៃអង្គារ៍ ទី២១ ខែធ្នូនេះ បន្ទាប់ពីរកឃើញអ្នកឆ្លងថ្មីជាង៤០នាក់ដែលបានក្លាយជាក្តីកង្វល់ថ្មីមុនពេលរដូវកាលធ្វើដំណើរមមាញឹកមកដល់។
ចិនដែលជាកន្លែងរកឃើញកូវីដដំបូងគេមានករណីរាលដាលឆ្លងកូវីដថ្មីតិចតូចប៉ុណ្ណោះចាប់តាំងពីកណ្តាលឆ្នាំមុន ដោយសារការរឹតបន្តឹងព្រំដែន ដាក់បំរាមបិទខ្ទប់ និងធ្វើចត្តាឡីស័ករយៈពេលវែងដើម្បីទប់ស្កាត់។
ប៉ុន្តែប្រទេសសេដ្ឋកិច្ចធំបំផុតលំដាប់ទី២ក្នុងលោកឥឡូវនេះបានផ្ទះឆ្លងក្នុងស្រុកនៅតាមទីក្រុងជាច្រើននោះមានទាំងនៅមជ្ឈមណ្ឌលឧស្សាហកម្មសំខាន់នៅភាគខាងកើត និងខាងត្បូងប្រទេស។
អាជ្ញាធរត្រៀមខ្លួនទុកជាមុនសម្រាប់រដូវកាលឈប់សម្រាកចុងឆ្នាំដែលនឹងមានមនុស្សធ្វើដំណើរមមាញឹក និងពេលត្រូវត្រៀមខ្លួនសម្រាប់ទីក្រុងប៉េកាំងរៀបចំព្រឹត្តិការណ៍ប្រកួតកីឡាអូឡាំពិករដូវរងានាខែកុម្ភៈ។
យោងតាមទិន្នន័យពីគណកម្មការសុខាភិបាលខេត្តបង្ហាញថា Xi’an ដែលជាទីក្រុងបុរាណប្រវត្តិសាស្ត្រមួយនៅភាគខាងជើងប្រទេសមានប្រជាជន១៣លាន់ នៅថ្ងៃអង្គារ៍នេះមានអ្នកឆ្លងថ្មី៤២នាក់ ប៉ុន្តែបើគិតសរុបអ្នកឆ្លងពីថ្ងៃទី៩ ខែធ្នូមកមានអ្នកឆ្លងឡើងដល់៩១នាក់។
តាមសេចក្តីជូនដំណឹងរបស់អាជ្ញាធរក្រុងថា ទីក្រុងនេះក៏បានបិទសាលារៀន និងកន្លែងកន្សាន្តក្នុងអគារធំៗ ហើយបានជំរុញឲ្យប្រជាជនជៀសវាងចេញក្រៅ និងហាមជួបជុំមនុស្សច្រើន។
សារមន្ទីរជាកន្លែងតាំងបង្ហាញសម្ភារៈកងទ័ពដ៏ល្បីល្បាញ Terracotta Army ដែលជាផ្នូរចាស់អាយុកាល២០០០ឆ្នាំនៃអធិរាជដំបូងរបស់ចិនត្រូវបានប្រកាសតាមអនឡាញថា ខ្លួនបានបិទទ្វារកាលពីថ្ងៃអាទិត្យ៕
ប្រែសម្រួល៖ វីរបុត្រ
ប្រភព៖ AFP
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង