ព័ត៌មានអន្ដរជាតិ

UN រកលុយ៦.៥លានដុល្លារជួយដល់ជនរងគ្រោះព្យុះទីហ្វុងនៅហ្វីលីពីន

បានផុស

២ years មុន

នៅ

ថ្ងៃសុក្រ ២៤ ធ្នូ ២០២១

ដោយ

អង្គការសហប្រជាជាតិបានចាប់ផ្តើមយុទ្ធនាការណ៍មួយនៅថ្ងៃសុក្រ ទី២៤ ខែធ្នូនេះដើម្បីរៃអង្គាសប្រាក់ចំនួន៦.៥លានដុល្លារអាមេរិកជាជំនួយដល់ជនរងគ្រោះដោយព្យុះទីហ្វុង Rai ដែលបានវាយប្រហារប្រទេសហ្វីលីពីនកាលពីសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកសម្របសម្រួលក្នុងប្រទេសហ្វីលីពីនរបស់អង្គការសហប្រជាជាតិ លោក Gustavo Gonzalez បាននិយាយថា ៖«ថ្ងៃសុក្រនេះ យើងនឹងចាប់ផ្តើមកម្រិតក្នុងស្រុកជាមួយនឹងសហគមន៍អន្តរជាតិដែលជាតំណាងនៅទីក្រុងម៉ានីល…ការបង្ហាញអំពីតម្រូវការមនុស្សធម៌ និងផែនការអាទិភាព»។

លោកបញ្ជាក់ថា ៖«ស្នើសុំរកលុយចំនួន៦.៥លានដុល្លារអាមេរិក»។ ចំនួនទឹកប្រាក់នេះមានគោលដៅជួយមនុស្ស៥៣០០០០នាក់នៅតំបន់ដែលរងផលប៉ះពាល់ខ្លាំងដែលត្រូវការដឹកជញ្ជូនផលិតផលសុខភាព អាចទទួលបានទឹកប្រើប្រាស់ និងកន្លែងអនាម័យ។

លោក Gonzalez បាននិយាយថា ៖«មានសន្ទុះសម្រាប់ការគាំទ្រពេញលេញ។ ឥឡូវនេះបញ្ហាប្រឈមគឺថា សេចក្តីប្រកាស និងសាមគ្គីទាំងអស់ត្រូវតែចេញសកម្មភាពឲ្យលឿនជាក់ស្តែង»។

ព្យុះទីហ្វុង Rai បានវាយប្រហារផ្នែកជាច្រើននៅប្រទេសហ្វីលីពីនមួយសប្តាហ៍កន្លងទៅហើយដែលបានសម្លាប់មនុស្សហោចណាស់៣៧៥នាក់នៅភាគខាងត្បូង និងភាគកណ្តាលនៃប្រជុំកោះ៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសហ្វីលីពីន