ព័ត៌មានអន្ដរជាតិ
តាលីបង់ហាមស្ត្រីធ្វើដំណើរម្នាក់ឯងផ្លូវឆ្ងាយ
រដ្ឋាភិបាលតាលីបង់បានចេញបំរាមលើស្ត្រីធ្វើដំណើរផ្លូវឆ្ងាយម្នាក់ឯងទាល់តែមានបុរសជាសាច់ញាតិអមដំណើរជាមួយទើបអនុញ្ញាតឲ្យធ្វើដំណើរ។
បំរាមដែលបានចេញកាលពីថ្ងៃអាទិត្យគឺជាបំរាមថ្មីបំផុតមួយទៀតលើសិទ្ធិសេរីភាពរបស់ស្ត្រីអាហ្វហ្គានីស្ថាន ចាប់តាំងពីក្រុមឥស្លាមជ្រុលនិយមបានកាន់កាប់អំណាចកាលពីខែសីហា។
សាលាអនុវិទ្យាល័យភាគច្រើននៅតែបន្តបិទទ្វារសម្រាប់ក្មេងស្រីចូលរៀន ខណៈស្ត្រីភាគច្រើនបំផុតត្រូវបានហាមទៅធ្វើការ។
ក្រុមអង្គការឃ្លាំមើលសិទ្ធិមនុស្ស Human Rights Watch បាននិយាយថា ការរឹតបន្តឹងបន្ថែមទៀតលើស្ត្រីប្រៀបដូចជាស្ត្រីជាអ្នកទោស។
លោក Heather Barr សហនាយកអង្គឃ្លាំមើលសិទ្ធិមនុស្សខាងលើនេះបាននិយាយថា បទបញ្ជានេះគឺបិទឱកាសសម្រាប់ស្ត្រីភេទចំពោះការផ្លាស់ទីដោយសេរី ឬអាចដើម្បីភៀសខ្លួន ប្រសិនបើពួកគេប្រឈមនឹងហិង្សានៅផ្ទះ។
សេចក្តីណែនាំចុងក្រោយបំផុតនេះដែលត្រូវបានចេញដោយក្រសួងលើកកម្ពស់គុណធម៌ និងបង្ការបាបកម្មរបស់តាលីបង់បាននិយាយថា ការធ្វើដំណើររបស់ស្ត្រីដែលមានចម្ងាយចាប់ពី៧២គីឡូម៉ែត្រត្រូវតែមានបុរសជាសាច់ញាតិទៅជាមួយ។
អ្នកស្រី Fatima ជាស្ត្រីមេផ្ទះម្នាក់នៅទីក្រុងកាប៊ុលបាននិយាយថា ៖«ខ្ញុំពិតជាមានអារម្មណ៍ពិបាកចិត្តណាស់។ ខ្ញុំមិនអាចចេញក្រៅដោយឯករាជ្យបាន។ ប្រសិនបើខ្ញុំ ឬកូនខ្ញុំឈឺ ហើយប្តីមិននៅ តើខ្ញុំគួរធ្វើយ៉ាងណា?
អ្នកស្រីបន្ថែមថា ៖«តាលីបង់បានដណ្តើមយកសុភមង្គលពីពួកយើង…ខ្ញុំបានបាត់បង់ទាំងឯករាជ្យភាព និងសេចក្តីសុខ»៕
ប្រែសម្រួល៖ វីរបុត្រ
ប្រភព៖ BBC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ