ព័ត៌មានអន្ដរជាតិ
ចម្លើយសារភាពច្បាស់ៗរបស់ម្តាយចុង ធ្វើទារុណកម្មក្មេងស្រីវៀតណាម ដល់ស្លាប់
រឿងរ៉ាវដែលកំពុងល្បីកក្រើកក្នុងបណ្តាញសង្គមអំពីក្មេងស្រីវៀតណាម ត្រូវម្តាយចុងធ្វើបាបរហូតដល់ស្លាប់ ត្រូវបានមនុស្សជាច្រើនអាណិតអាសូរយ៉ាងខ្លាំង។
កាលពីថ្ងៃអង្គារទី២៨ខែធ្នូ ប៉ូលិសសង្កាត់ Binh Thanh នៃទីក្រុង ហូជីមិញ បានចេញសេចក្តីសម្រេចកាត់ទោសជនជាប់ចោទឈ្មោះ Nguyen Vo Quynh Trang អាយុ២៦ឆ្នាំ ដោយឃុំខ្លួនរយៈពេល២ខែសិន ដើម្បីស៊ើបអង្កេតករណីឧក្រិដ្ឋកម្ម និងការធ្វើទារុណកម្មអ្នកដទៃ។
Trang គឺជាជនជាប់ចោទដែលបានរំលោភបំពាន និងសម្លាប់កុមារីអាយុ៨ឆ្នាំម្នាក់ កាលពីថ្ងៃទី២២ធ្នូ។
យោងតាមចម្លើយសារភាព Trang និយាយថា នាងមានទំនាក់ទំនងស្នេហាជាមួយ ឪពុករបស់ក្មេងស្រី។ អ្នកទាំងបីបានរស់នៅក្នុងផ្ទះល្វែងមួយ ចាប់តាំងពីដើមឆ្នាំ២០២១ មកម្ល៉េះ។
អស់រយៈពេលជាយូរ នាងតែងតែវាយដំក្មេងស្រី ដោយបណ្តាលឲ្យមានស្នាមជាំជាច្រើននៅលើដងខ្លួន។ ជាក់ស្តែង Trang បានប្រើរំពាត់ផ្តៅដើម្បីបង្រៀនកុមារី ហើយបន្តវាយដោយប្រើដំបងឈើ នៅពេលរំពាត់ផ្តៅបាក់។
នៅថ្ងៃទី ២២ ខែធ្នូ ក្មេងស្រីបានរៀនតាមអនឡាញ។ នៅពេលកំពុងរៀន Trang បានវាយក្មេងស្រីម្តងហើយម្តងទៀតដោយសារតែនាងធ្វើកិច្ចការផ្ទះខុស។ នៅថ្ងៃត្រង់ថ្ងៃដដែល ក្មេងស្រីបានត្អូញត្អែរពីការអស់កម្លាំង ហើយបានទៅបន្ទប់សម្រាក ប៉ុន្តែនាងបានក្អួត។ ឃើញដូច្នេះ Trang បានទាក់ទងទៅបុរសជាឪពុកក្មេងស្រី ឲ្យមកផ្ទះដើម្បីមើលកូន។
ពេលបុរសជាឪពុកមកដល់ផ្ទះ គាត់បានឃើញស្ថានភាពកូនមិនស្រួល ហើយក៏បានខលហៅឡានពេទ្យ ប៉ុន្តែក្រោយមក ក្មេងស្រីក៏បានស្លាប់។
យោងតាមប៉ូលិស Binh Thanh បានឲ្យដឹងថា លទ្ធផលធ្វើកោសល្យវិច្ច័យបង្ហាញថា ក្មេងស្រីមានជំងឺរលាកសួតធ្ងន់ធ្ងរ និងមានស្នាមជាំចាស់ និងថ្មីជាច្រើនកន្លែងនៅលើដងខ្លួន។
តាមរយៈការចុះត្រួតពិនិត្យដល់ផ្ទះកើតហេតុ ប៉ូលិសក៏បានរកឃើញអម្បោសដែលបាក់ និងបញ្ជីការងារដែលក្មេងស្រីត្រូវធ្វើប្រចាំថ្ងៃផងដែរ។ អ្នករស់នៅក្បែរផ្ទះល្វែងក៏បាននិយាយដែរថា វេលាមុនពេលកើតហេតុ ពួកគេបានឮសំឡេងកុមារយំដោយសារត្រូវគេវាយ។
ភ្នាក់ងារប៉ូលិសបានកំណត់ថា Trang បានបង្ហាញសញ្ញានៃអំពើហិង្សាប្រឆាំងក្មេងស្រី ហើយបានចេញសេចក្តីសម្រេចចាប់ខ្លួនជាបន្ទាន់នៅថ្ងៃទី២៤ខែធ្នូ។ រហូតមកដល់ពេលនេះ នៅពេលមានភស្តុតាងគ្រប់គ្រាន់ពាក់ព័ន្ធករណីឧក្រិដ្ឋកម្ម ភ្នាក់ងារប៉ូលិសបានចេញសេចក្តីសម្រេចដើម្បីកាត់ទោសនិង ចាប់ខ្លួននាងទៅឃុំឃាំងដើម្បីស៊ើបអង្កេតបន្ត៕
ប្រែសម្រួល៖ Vann Vann
ប្រភព៖ Thanh Nien
ចុចអាន៖ វៀតណាម ជាប់ឈ្មោះជាកន្លែងអាក្រក់បំផុតលើលោក ដោយសារកូវីដ នៅខែធ្នូ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ