ព័ត៌មានអន្ដរជាតិ
មហាអំណាចទាំង៥និយាយថា គ្មាននរណាមួយឈ្នះសង្គ្រាមនុយក្លេអ៊ែរទេ
ប្រទេសចិន រុស្ស៊ី ចក្រភពអង់គ្លេស សហរដ្ឋអាមេរិក និងបារាំងបានឯកភាពគ្នាថា ការរាលដាលអាវុធនុយក្លេអ៊ែរ និងសង្គ្រាមនុយក្លេអ៊ែរគួរតែត្រូវបានជៀសវាង។ នេះបើយោងតាមសេចក្តីថ្លែងការណ៍រួមរបស់មហាអំណាចនុយក្លេអ៊ែរទាំង៥ដែលបានចុះផ្សាយដោយវិមានក្រឹមឡាំងកាលពីថ្ងៃចន្ទ។
សេចក្តីថ្លែងការណ៍បាននិយាយថា ប្រទេសទាំង៥ដែលជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិបានចាត់ទុកថា វាជាទំនួលខុសត្រួវចម្បងរបស់ពួកគេដើម្បីជៀសសង្គ្រាមរវាងរដ្ឋនុយក្លេអ៊ែរ និងកាត់បន្ថយហានិភ័យជាយុទ្ធសាស្ត្រ ខណៈកំពុងមានគោលដៅធ្វើការជាមួយបណ្តាប្រទេសទាំងអស់ដើម្បីបង្កើតសន្តិសុខប្រកបដោយបរិយាកាសល្អ។
សេចក្តីថ្លែងការណ៍ជាភាសាអង់គ្លេសបាននិយាយថា ៖«យើងខ្ញុំសូមបញ្ជាក់ថា សង្គ្រាមនុយក្លេអ៊ែរមិនអាចឈ្នះបានទេ និងមិនត្រូវប្រយុទ្ធគ្នាឡើយ»។
«ដោយសារការប្រើប្រាស់នុយក្លេអ៊ែរមានផលវិបាកយ៉ាងខ្លាំង យើងក៏បញ្ជាក់ដែរថា អាវុធនុយក្លេអ៊ែរ ដរាបណាពួកគេនៅតែមាន គួរតែបម្រើគោលបំណងការពារ ទប់ស្កាត់ការឈ្លានពាន និងទប់ស្កាត់សង្គ្រាម»។
ប្រទេសបារាំងក៏ចេញសេចក្តីថ្លែងការណ៍ដែរថា ប្រទេសមហាអំណាចទាំង៥បានរំលឹកឡើងវិញនូវការប្តេជ្ញាចិត្តរបស់ពួកគេសម្រាប់ការគ្រប់គ្រង និងការរំលាយចោលអាវុធនុយក្លេអ៊ែរ។ ពួកគេនឹងបន្តវិធីសាស្ត្រទ្វេភាគី និងពហុភាគីដើម្បីគ្រប់គ្រងអាវុធនុយក្លេអ៊ែរ។
សេចក្តីថ្លែងការណ៍ពីប្រទេសអំណាចទាំង៥ហៅថា ក្រុម P5 បានកើតមានឡើងនៅពេលទំនាក់ទំនងទ្វេភាគីរវាងសហរដ្ឋអាមេរិក និងរុស្ស៊ីបានធ្លាក់ដល់កម្រិតទាបបំផុតចាប់តាំងពីសង្គ្រាមត្រជាក់មក ខណៈទំនាក់ទំនងអាមេរិក និងចិនក៏ឈានដល់កម្រិតទាបដែរនៅពេលមានការខ្វែងគំនិតគ្នាជាច្រើន។
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore