បារាំងសាងសង់នាវាដឹកយន្តហោះដើរដោយថាមពលនុយក្លេអ៊ែរថ្មី
Connect with us
Helistar Cambodia - Helicopter Charter Services

ព័ត៌មានអន្ដរជាតិ

បារាំងសាងសង់នាវាដឹកយន្តហោះដើរដោយថាមពលនុយក្លេអ៊ែរថ្មី

Published

on

លោកប្រធានាធិបតី Emmanuel Macron បានបង្ហាញផែនការសម្រាប់សាងសង់នាវាដឹកយន្តហោះដើរដោយថាមពលនុយក្លេអ៊ែរថ្មីរបស់ប្រទេសបារាំងដែលនឹងជំនួសនាវាចម្បាំងបច្ចុប្បន្នរបស់ខ្លួនឈ្មោះ Charles de Gaulle នៅឆ្នាំ ២០៣៨ ។

នៅក្នុងដំណើរទស្សនកិច្ចរោងចក្រសំណង់ចង្ក្រានរ៉េអាក់ទ័រនុយក្លេអ៊ែរ Framatome នៅភាគខាងកើតនៃទីក្រុង Le Leususot កាលពីថ្ងៃអង្គារ លោក Macron បាននិយាយថា “ថាមពលនុយក្លេអ៊ែរនឹងនៅតែជាមូលដ្ឋានគ្រឹះនៃស្វ័យភាពយុទ្ធសាស្ត្ររបស់យើង” ។

នាវាដឹកយន្តហោះថ្មីរបស់បារាំងមួយនេះដែលបច្ចុប្បន្នមានចំនួនសរុប ១១ គ្រឿងនឹងមានល្បឿនរហូតដល់ ៥០ គីឡូម៉ែត្រក្នុងមួយម៉ោង ទម្ងន់ប្រហែល ៧៥,០០០ តោន និងដើរប្រវែង ៣០០ ម៉ែត្រដោយលើសប្រហែល ១.៥ ដងនៃនាវា Charles de Gaulle ។

នាវាថ្មីនេះក៏នឹងបំពាក់ប្រព័ន្ធបាញ់បង្ហោះយន្ដហោះអេឡិចត្រូម៉ាញេទិកដែលផលិតដោយក្រុមហ៊ុនការពារជាតិអាមេរិក General Atomics ហើយនឹងអាចផ្ទុកយន្ដហោះចម្បាំង Rafale ជំនាន់ក្រោយប្រមាណ ៣០ គ្រឿងផងដែរ ។

ប្រព័ន្ធផ្សព្វផ្សាយមួយចំនួនបានរាយការណ៍ថា នាវាដឹកយន្តហោះថ្មីនេះនឹងធ្វើប្រតិបត្តិការរហូតដល់ឆ្នាំ ២០៨០ ហើយតម្លៃគម្រោងថ្មីនេះត្រូវបានប៉ាន់ប្រមាណថាប្រហែល ៧ ពាន់លានអឺរ៉ូ (៨.៥ ពាន់លានដុល្លារ) ទោះបីជាមន្ត្រីបារាំងមិនបានបញ្ជាក់ពីការចំណាយសរុបក៏ដោយ ។

រដ្ឋមន្រ្តីក្រសួងកងកម្លាំងប្រដាប់អាវុធបារាំងលោក Florence Parly បាននិយាយថា ការសាងសង់នាវាដឹកយន្តហោះថ្មីនេះនឹងបង្កើតការងារចំនួន ២,០០០ កន្លែង ។

ការអភិវឌ្ឍនាវានេះគឺជាផ្នែកមួយនៃយុទ្ធសាស្ត្រនុយក្លេអ៊ែរទ្រង់ទ្រាយធំដែលលោក Macron បានដាក់ចេញសម្រាប់ប្រទេសបារាំង ។ លោកបាននិយាយកាលពីថ្ងៃអង្គារថា “ថាមពល និងអេកូឡូស៊ីរបស់យើងពឹងផ្អែកលើថាមពលនុយក្លេអ៊ែរ” ។

លោក Macron ក៏បានសន្យាផងដែរថានឹងវិនិយោគប្រាក់ ៥០០ លានអឺរ៉ូ (៦០៥ លានដុល្លារ) ក្នុងវិស័យនុយក្លេអ៊ែរបារាំង ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ លោក Duterte ហ៊ានលាលែងពីតំណែង បើមានភស្តុតាងបង្ហាញពីការសូកប៉ាន់របស់ខ្លួន តែគំរាមសម្លាប់អ្នកចោទប្រកាន់ខុស

ចុចអាន ៖ លោក Trump ចេញបញ្ជាឲ្យផ្តល់វ៉ាក់សាំងកូវីដដល់ជនជាតិអាមេរិកមុនគេ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services