ព័ត៌មានអន្ដរជាតិ
ភ្ញៀវ២,០០០នាក់ត្រូវធ្វើចត្តាឡីស័កបន្ទាប់ពីអ្នកដំណើរម្នាក់តេស្តវិជ្ជមានជំងឺកូវីដ១៩ក្នុងនាវាទេសចរណ៍ សិង្ហបុរី
អ្នកដំណើរម្នាក់នៅលើនាវាទេសចរណ៍របស់ក្រុមហ៊ុន Royal Caribbean មកពីប្រទេសសិង្ហបុរីបានធ្វើតេស្តវិជ្ជមានជំងឺកូវីដ១៩ដែលជាហេតុបង្ខំឲ្យភ្ញៀវប្រហែល២,០០០នាក់ត្រូវធ្វើចត្តាឡីស័កនៅក្នុងកាប៊ីនរបស់ពួកគេហើយនាវា Quantum of the Seas បានវិលត្រឡប់មកគោកវិញនៅថ្ងៃពុធនេះ។
ប្រទេសសិង្ហបុរីកំពុងសាកល្បងការធ្វើដំណើរតាមនាវាដែលបើកសម្រាប់តែប្រជាជនរបស់ខ្លួនប៉ុណ្ណោះពោលគឺធ្វើដំណើរតែក្នុងប្រទេសប៉ុណ្ណោះ។
កាពីទែននាវា Quantum of the Seas បានប្រាប់អ្នកដំណើរថា “ភ្ញៀវម្នាក់មិនស្រួលខ្លួនហើយត្រូវបានធ្វើតេស្តវិជ្ជមានជំងឺកូវីដ១៩”។
លោកនិយាយថា “យើងសូមសំណូមពរដល់ភ្ញៀវទាំងអស់ដែលមានជំងឺដូចជាទឹកនោមផ្អែមនិងជំងឺបេះដូងជាដើមត្រូវទាក់ទងទៅសេវាកម្មភ្ញៀវ”។ លោកបានបន្ថែមថា នាវាបានវិលត្រឡប់ទៅគោកវិញពោលគឺមួយថ្ងៃមុនពេលបញ្ចប់ដំណើរទេសចរណ៍រយៈពេលបួនថ្ងៃតាមការគ្រោងទុករបស់ខ្លួន។
ដំណើរកម្សាន្តរបស់ក្រុមហ៊ុន Royal Caribbean ចេញពីប្រទេសសិង្ហបុរីបានចាប់ផ្តើមកាលពីសប្តាហ៍មុនពោលគឺជាលើកដំបូងរបស់ក្រុមហ៊ុននេះចាប់តាំងពីខ្លួនបានបញ្ឈប់ប្រតិបត្តិការជាសកលនៅក្នុងខែមីនាដោយសារតែជំងឺរាតត្បាតកូវីដ១៩។
ការជិះទូកកម្សាន្តគឺជាផ្នែកមួយនៃផែនការរបស់ប្រទេសសិង្ហបុរីក្នុងការធ្វើឲ្យឧស្សាហកម្មទេសចរណ៍របស់ខ្លួនមានភាពរឹងមាំឡើងវិញបន្ទាប់ពីរងគ្រោះដោយសារវីរុសកូរ៉ូណាដែលបានឆ្លងដល់មនុស្សជាង៦៧.៧២លាននាក់និងបានសម្លាប់មនុស្ស១,៥៤៨,៥៧៥នាក់នៅទូទាំងពិភពលោក។
ប្រទេសសិង្ហបុរីទើបតែមានករណីឆ្លងជាង៥៨,០០០ករណីនិងអ្នកស្លាប់ចំនួន២៩នាក់ប៉ុណ្ណោះ៕
ប្រែសម្រួលដោយ៖ Vann Vann
ប្រភព៖ Reuters
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ