ព័ត៌មានអន្ដរជាតិ
ប្រវត្តិសាស្រ្ត! គ្រូពេទ្យអាមេរិកជោគជ័យ វះកាត់ដាក់បេះដូងជ្រូក ចូលក្នុងខ្លួនមនុស្ស
សាកលវិទ្យាល័យ Maryland Medical School បាននិយាយកាលពីថ្ងៃចន្ទថា គ្រូពេទ្យវះកាត់របស់សហរដ្ឋអាមេរិក បានទទួលជោគជ័យក្នុងការបញ្ចូលបេះដូងជ្រូកដែលបានកែប្រែហ្សែន ទៅក្នុងខ្លួនអ្នកជំងឺម្នាក់ ដែលនេះជាការវះកាត់លើកដំបូងក្នុងប្រវត្តិសាស្រ្ត។
សាកលវិទ្យាល័យបាននិយាយនៅក្នុងសេចក្តីថ្លែងការណ៍មួយថា ការវះកាត់នេះ បានធ្វើឡើងកាលពីថ្ងៃសុក្រទី០៧ខែមករា ហើយបង្ហាញជាលើកដំបូងថា បេះដូងសត្វអាចរស់រានមានជីវិតនៅក្នុងខ្លួនមនុស្សដោយគ្មានការប្រឆាំងភ្លាមៗទេ។
អ្នកជំងឺឈ្មោះ David Bennett អាយុ៥៧ឆ្នាំ រស់នៅរដ្ឋ Maryland កំពុងត្រូវបានត្រួតពិនិត្យយ៉ាងយកចិត្តទុកដាក់ ដើម្បីតាមដានអំពីរបៀបដែលសរីរាង្គថ្មីដំណើរការ។
គាត់បាននិយាយមួយថ្ងៃមុនការវះកាត់ថា “រវាងការស្លាប់និងការវះកាត់។ ខ្ញុំចង់រស់ ខ្ញុំដឹងថាវាជាទីងងឹត ប៉ុន្តែវាជាជម្រើសចុងក្រោយរបស់ខ្ញុំ”។
រដ្ឋបាលចំណីអាហារ និងឱសថ (FDA) បានផ្តល់ការអនុញ្ញាតជាបន្ទាន់សម្រាប់ការវះកាត់នេះនៅថ្ងៃចូលឆ្នាំសកល ដែលជាកិច្ចខិតខំប្រឹងប្រែងចុងក្រោយសម្រាប់អ្នកជំងឺ។
គ្រូពេទ្យ Bartley Griffith ដែលវះកាត់ប្តូរបេះដូងជ្រូកបាននិយាយថា “នេះគឺជាការវះកាត់ដ៏ពិសេស ហើយនាំឲ្យយើងខិតកាន់តែជិតទៅរកការដោះស្រាយវិបត្តិកង្វះសរីរាង្គ”។
បេះដូងជ្រូកនេះ បានឆ្លងកាត់នីតិវិធីកែសម្រួលហ្សែន ដើម្បីកម្ចាត់ហ្សែនដែលផលិតជាតិស្ករ។ ការកែសម្រួលត្រូវបានធ្វើឡើងដោយក្រុមហ៊ុនជីវបច្ចេកវិទ្យា Revivicor។
សរីរាង្គដែលបរិច្ចាគ ត្រូវបានដាក់ក្នុងម៉ាស៊ីនដើម្បីរក្សាវាមុនពេលវះកាត់ ហើយក្រុមនេះក៏បានប្រើប្រាស់ថ្នាំថ្មី រួមជាមួយនឹងថ្នាំប្រឆាំងនឹងការបដិសេផងដែរ ដើម្បីទប់ស្កាត់ប្រព័ន្ធភាពស៊ាំ និងការពារការប្រឆាំងសរីរាង្គ។
យោងតាមតួលេខផ្លូវការបានបង្ហាញថា ជនជាតិអាមេរិកប្រហែល១១០,០០០នាក់ បច្ចុប្បន្នកំពុងរង់ចាំការប្តូរសរីរាង្គ ហើយអ្នកជំងឺជាង៦,០០០នាក់បានស្លាប់ជារៀងរាល់ឆ្នាំមុនពេលទទួលបានការវះកាត់ប្តូរ៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ អាមេរិកធ្វើពិសោធវះកាត់ដាក់ក្រលៀនជ្រូកចូលមនុស្សបានជោគជ័យ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ