ព័ត៌មានអន្ដរជាតិ
WHO ថា ឆាប់ៗនេះ ការព្យាបាលជំងឺកូវីដនឹងដូចជំងឺផ្តាសាយ
អង្គការសុខភាពពិភពលោក (WHO) បាននិយាយនៅថ្ងៃអង្គារ៍ថា វីរុសកូវីដបំប្លែងខ្លួនថ្មី Omicron ស្ថិតនៅលើផ្លូវឆ្លងដល់ប្រជាជនអឺរ៉ុបជាងពាក់កណ្តាល ប៉ុន្តែវាមិនត្រូវបានគេមើលឃើញថាជាជំងឺឆ្លងដូចជំងឺផ្តាសាយនៅឡើយទេ។
នាយកអង្គការសុខភាពពិភពលោកប្រចាំអឺរ៉ុប លោក Hans Kluge បាននិយាយថា ទ្វីបអឺរ៉ុបមានករណីឆ្លងថ្មីជាង៧លាននាក់គ្រាន់តែក្នុងសប្តាហ៍ទី១នៃឆ្នាំ២០២២ ដែលកើនឡើងជាងពីរដងកាលពីពីរសប្តាហ៍មុន។
លោក Kluge បាននិយាយសំដៅលើការស្រាវជ្រាវមួយរបស់សាកលវិទ្យាល័យវ៉ាស៊ីនតោនថា ៖«នៅក្នុងអត្រានេះ វិទ្យាស្ថានសម្រាប់ការវាស់ស្ទង់ និងវាយតម្លៃសុខភាពបានព្យាករថា ជាង៥០%នៃប្រជាជនអឺរ៉ុបនឹងឆ្លងកូវីដដោយវីរុស Omicron ក្នុងពេល៦ទៅ៨សប្តាហ៍ខាងមុខ»។
លោកថា ប្រទេស៥០ក្នុងចំណោមប្រទេសអឺរ៉ុប៥៣ និងអាស៊ីកណ្តាលមានអ្នកឆ្លងច្រើនជាងគេ។
ទោះបីជាយ៉ាងណា ភស្តុតាងកំពុងលេចឡើងថា វីរុស Omicron កំពុងប៉ះពាល់ដល់ផ្លូវដង្ហើមខាងលើច្រើនជាងសួត ដូច្នេះហើយបានជាវាមានអាការរោគសញ្ញាស្រាលជាងវីរុសមុនៗ។ ប៉ុន្តែ WHO បានព្រមានឲ្យមានការសិក្សាបន្ថែមទៀត។
កាលថ្ងៃចន្ទ នាយករដ្ឋមន្ត្រីអេស្ប៉ាញ លោក Pedro Sanchez បាននិយាយថា វាប្រហែលជាដល់ពេលត្រូវផ្លាស់ប្តូរពីរបៀបតាមដានការវីរុសកូវីដ-១៩ដោយប្រើវិធីស្រដៀងនឹងជំងឺផ្តាសាយ ពីព្រោះភាពគ្រោះថ្នាក់បណ្តាលឲ្យស្លាប់របស់វាធ្លាក់ចុះ។
ប្រការនោះបង្កប់ន័យថា ការព្យាបាលមេរោគឆ្លងជាងវីរុសរាតត្បាត មិនចាំបាច់កត់ត្រាគ្រប់ករណីឆ្លង និងដោយគ្មានធ្វើតេស្តគ្រប់មនុស្សទាំងអស់ដែលបង្ហាញពីរោគសញ្ញាឡើយ។
មន្ត្រីអាសន្នជាន់ខ្ពស់របស់ WHO ប្រចាំអឺរ៉ុប លោកស្រី Catherine Smallwood បាននិយាយថា នោះគឺជាផ្លូវមួយ។
លោកស្រីថា ៖«យើងនៅមានចំនួនច្រើននៃភាពមិនប្រាកដប្រជា និងវីរុសដែលកំពុងវិវត្តយ៉ាងលឿន បង្កើតជាបញ្ហាប្រឈមថ្មី។ យើងពិតជាមិនស្ថិតនៅចំណុចដែលយើងអាចហៅថា ជាជំងឺឆ្លងបានទេ»។
«វាអាចនឹងក្លាយជាជំងឺរាតត្បាតមានពេលកំណត់ ប៉ុន្តែការកំណត់ក្នុងឆ្នាំ២០២២គឺពិបាកបន្តិចនៅក្នុងដំណាក់កាលនេះ»៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល