ចិន ធ្វើតេស្តមនុស្សជាង២៥ម៉ឺននាក់រកជំងឺកូវីដ-១៩បន្ទាប់ពីផ្ទុះចង្កោមចម្លងថ្មី

ប្រទេសចិនបានធ្វើតេស្តលើមនុស្សជាង២៥ម៉ឺននាក់រកវីរុសកូរ៉ូណាបន្ទាប់ពីមានករណីថ្មីមួយចំនួនត្រូវបានរកឃើញនៅទីក្រុងភាគខាងត្បូង Chengdu។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្តីប្រពន្ធវ័យចំណាស់មួយគូត្រូវបានគេធ្វើរោគវិនិច្ឆ័យឃើញថាឆ្លងជំងឺកូវីដ១៩កាលពីថ្ងៃចន្ទទី៧ខែធ្នូហើយអាជ្ញាធរបានតាមដានយ៉ាងជិតស្និទ្ធរកអ្នកជាប់ពាក់ព័ន្ធនិងធ្វើតេស្តលើអាហារ។

មន្ត្រីសុខាភិបាលក្នុងតំបន់បាននិយាយថា វីរុសនេះត្រូវបានគេរកឃើញនៅលើអាហារដែលទុកនៅក្នុងទូរទឹកកកនិងនៅលើជ្រញ់ក្នុងផ្ទះល្វែងរបស់ពួកគេ។

គណៈកម្មការសុខាភិបាលក្រុងបាននិយាយថា គិតត្រឹមថ្ងៃអង្គារ ប្រជាជនចំនួន២៥៥,២០០នាក់នៅក្នុងទីក្រុងត្រូវបានធ្វើតេស្តរកជំងឺកូវីដ១៩។

យោងតាមអាជ្ញាធរមូលដ្ឋានបានឲ្យដឹងថា សាលារៀននិងសាលាមតេយ្យក្នុងស្រុក Pidu ដែលជាកន្លែងផ្ទុះវីរុស ត្រូវបានបិទខណៈគ្រូនិងសិស្សត្រូវធ្វើចត្តាឡីស័កនិងធ្វើតេស្តរកវីរុស៕

ប្រែសម្រួលដោយ៖ Vann Vann

ប្រភព៖ AFP