ព័ត៌មានអន្ដរជាតិ
ចិន បើកច្រកព្រំដែនមួយទៀតជាមួយ វៀតណាម ដើម្បីនាំចូលផ្លែឈើស្រស់ មុនចូលឆ្នាំថ្មី (មានវីដេអូ)
បើតាមក្រសួងឧស្សាហកម្ម និងពាណិជ្ជកម្មវៀតណាមបានឲ្យដឹងថា អាជ្ញាធរចិនបានបើកច្រកទ្វារព្រំដែនអន្តរជាតិ Hekou របស់ខ្លួនឡើងវិញដែលភ្ជាប់ជាមួយច្រកព្រំដែន Kim Thanh II ក្នុងខេត្ត Lao Cai ភាគខាងជើងរបស់វៀតណាម ដើម្បីនាំចូលផ្លែឈើស្រស់ រួមទាំងផ្លែស្រកានាគ និងអាហារកកពីប្រទេសវៀតណាម មុនពិធីបុណ្យចូលឆ្នាំថ្មី ។
វិធានការនេះត្រូវបានគេរំពឹងថានឹងកាត់បន្ថយការកកស្ទះនៅច្រកព្រំដែនរួមគ្នារវាងប្រទេសទាំងពីរ ពោលនៅខេត្ត Lang Son និងខេត្ត Quang Ninh បន្ទាប់ពីប្រទេសចិនបានផ្អាកការនាំចូលផ្លែស្រកានាគវៀតណាមតាមច្រកព្រំដែនចិន Youyi Guan ជាមួយច្រក Huu Nghi របស់វៀតណាម និងច្រក Pu Zhai របស់ចិនជាមួយច្រក Tan Thanh នៃប្រទេសវៀតណាម ចាប់តាំងពីថ្ងៃទី ២៩ ខែធ្នូ ឆ្នាំ ២០២១ ។
ទន្ទឹមនោះ ទិន្នន័យរបស់អគ្គនាយកដ្ឋានគយវៀតណាមបង្ហាញថា ជិត ៣៥ ភាគរយនៃការនាំចេញផ្លែស្រកានាគរបស់វៀតណាមទៅប្រទេសចិនបានឆ្លងកាត់ច្រកព្រំដែនក្នុងទីក្រុង Lao Cai ។
ក្រសួងបាននិយាយថា យ៉ាងណាក៏ដោយ ភាគីចិនបានព្រមានពីការថយចុះសមត្ថភាពផ្ទុកទំនិញនៅច្រកព្រំដែន Hekou ខណៈដែលកម្មករជាច្រើននៅទីនោះបានចាកចេញសម្រាប់ថ្ងៃឈប់សម្រាកបុណ្យចូលឆ្នាំថ្មី ហើយក៏បានណែនាំដល់ភាគីវៀតណាមឲ្យគោរពច្បាប់គ្រប់គ្រងជំងឺកូវីដ ១៩ ឲ្យបានម៉ឺងម៉ាត់ និងគ្រប់គ្រងយ៉ាងសកម្មនូវការដឹកជញ្ជូនទំនិញតាមច្រកព្រំដែនដើម្បីទប់ស្កាត់ការកកស្ទះ ។
គួរបញ្ជាក់ថា ប្រទេសចិនបានផ្អាកការនាំចូលផ្លែឈើស្រស់របស់វៀតណាមតាមរយៈច្រកព្រំដែន Hekou ចាប់តាំងពីថ្ងៃទី ១៨ ខែកក្កដា ឆ្នាំ ២០២១ បន្ទាប់ពីបានរកឃើញកូវីដនៅលើការវេចខ្ចប់ផ្លែឈើស្រកានាគដែលដឹកជញ្ជូនពីប្រទេសវៀតណាម ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Vietnam Plus
ចុចអាន ៖ ថៃ ងាកទៅរកការនាំចេញផ្លែឈើស្រស់តាមផ្លូវរថភ្លើង ចិន-ឡាវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ