ព័ត៌មានអន្ដរជាតិ
ចិន ជួបអត្រាកំណើតទាបបំផុតមិនធ្លាប់មានក្នុងរយៈពេលជាង ៧០ ឆ្នាំ
ទិន្នន័យរបស់ការិយាល័យស្ថិតិជាតិបានបង្ហាញនៅថ្ងៃចន្ទ ទី១៧ ខែមករានេះថា អត្រាកំណើតរបស់ចិនដីគោកបានធ្លាក់ចុះដល់កម្រិតទាបបំផុតគឺ ៧.៥២ ក្នុងមនុស្ស ១,០០០ នាក់ក្នុងឆ្នាំ ២០២១ ដោយនាំឲ្យទីក្រុងប៉េកាំងកាលពីឆ្នាំមុនចាប់ផ្តើមអនុញ្ញាតឲ្យគូស្វាមីភរិយាមានកូនរហូតដល់ ៣ នាក់ ។
ទន្ទឹមនោះ អត្រាកំណើតនេះគឺទាបបំផុត ចាប់តាំងពីឆ្នាំ ១៩៤៩ នៅពេលដែលការិយាល័យស្ថិតិបានចាប់ផ្តើមប្រមូលទិន្នន័យ ។ យោងតាមទិន្នន័យបានឲ្យដឹងថា អត្រាកំណើនធម្មជាតិនៃចំនួនប្រជាជនចិន ដែលមិនរាប់បញ្ចូលការធ្វើចំណាកស្រុក គឺមានត្រឹមតែ ០.០៣៤ ភាគរយប៉ុណ្ណោះសម្រាប់ឆ្នាំ ២០២១ ដែលជាកម្រិតទាបបំផុត ចាប់តាំងពីឆ្នាំ ១៩៦០ មក ។
លោក Zhiwei Zhang ប្រធានសេដ្ឋវិទូនៅក្រុមហ៊ុន Pinpoint Asset Management បាននិយាយថា “បញ្ហាប្រឈមប្រជាសាស្រ្តត្រូវបានគេដឹងយ៉ាងច្បាស់ ប៉ុន្តែល្បឿនភាពចាស់នៃចំនួនប្រជាជនគឺពិតជាលឿនជាងការរំពឹងទុក” ។
លោក Zhang បាននិយាយថា “នេះបង្ហាញថា ចំនួនប្រជាជនសរុបរបស់ប្រទេសចិនអាចនឹងឈានដល់កម្រិតកំពូលនៅឆ្នាំ ២០២១ ។ វាក៏បង្ហាញផងដែរថា កំណើនសក្តានុពលរបស់ប្រទេសចិនទំនងជានឹងយឺតជាងការរំពឹងទុកផងដែរ” ។
ទិន្នន័យបានបង្ហាញថា មានកំណើតចំនួន ១០.៦២ លាននាក់ក្នុងឆ្នាំ ២០២១ បើធៀបនឹង ១២ លាននាក់ក្នុងឆ្នាំ ២០២០ ខណៈអត្រាកំណើតនៅឆ្នាំ ២០២០ គឺ ៨.៥២ ក្នុង ១,០០០ នាក់ ។
គួរបញ្ជាក់ថា ប្រទេសចិនបានលុបចោលគោលនយោបាយមានកូនមួយដែលមានអាយុច្រើនទសវត្សរ៍របស់ខ្លួនក្នុងឆ្នាំ ២០១៦ ដោយជំនួសការកំណត់ឲ្យមានកូន ២ នាក់ដើម្បីព្យាយាមចៀសវាងហានិភ័យសេដ្ឋកិច្ចពីចំនួនប្រជាជនដែលមានវ័យចំណាស់ ប៉ុន្តែការចំណាយខ្ពស់ក្នុងការរស់នៅក្នុងទីក្រុងបានរារាំងគូស្វាមីភរិយាពីការមានកូនច្រើន ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ចិន បើកច្រកព្រំដែនមួយទៀតជាមួយ វៀតណាម ដើម្បីនាំចូលផ្លែឈើស្រស់ មុនចូលឆ្នាំថ្មី (មានវីដេអូ)
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង