ព័ត៌មានអន្ដរជាតិ
ថៃ សាងសង់ស្ពានថ្មីកាត់ទន្លេមេគង្គភ្ជាប់ទៅផ្លូវដែក ឡាវ-ចិន
រដ្ឋាភិបាលថៃបានបញ្ជាឲ្យក្រុមហ៊ុនផ្លូវដែករដ្ឋថៃ (SRT) រចនា និងសាងសង់ស្ពានថ្មីមួយពីខេត្ត Nong Khai ទៅកាន់ប្រទេសឡាវ ក្នុងគោលបំណងតភ្ជាប់ប្រទេសទៅកាន់ផ្លូវដែកឡាវ-ចិន ។
កាសែតបាងកកប៉ុស្តិ៍រាយការណ៍ថា លោកឧបនាយករដ្ឋមន្ត្រីថៃ Anutin Charnvirakul បាននិយាយថាគណៈកម្មាធិការរបស់រដ្ឋាភិបាលលើផ្លូវរថភ្លើងថៃ-ឡាវ-ចិន ដែលលោកធ្វើជាប្រធានបានបញ្ជាឲ្យក្រុមហ៊ុន SRT សាងសង់ស្ពានថ្មីឲ្យបានលឿនបំផុតតាមដែលអាចធ្វើទៅបាន ។
ស្ពានថ្មីនេះនឹងឆ្លងកាត់ទន្លេមេគង្គពីខេត្ត Nong Khai ទៅប្រទេសឡាវ ហើយនឹងជួយសម្រួលដល់ការដឹកជញ្ជូនទំនិញឆ្លងកាត់ប្រទេសថៃតាមរយៈប្រទេសឡាវ និងបន្តទៅប្រទេសចិន ។
បើយោងតាមលោក Anutin បានឲ្យដឹងថា ការបើកផ្លូវដែក ឡាវ-ចិន បានធ្វើឲ្យការដឹកជញ្ជូនទំនិញឆ្លងកាត់ព្រំដែនរវាងប្រទេសថៃ និងចិន លឿនជាងមុន ២៤ ម៉ោង ជាមួយនឹងការកាត់បន្ថយការចំណាយ ២៥ ភាគរយ ។
គួរបញ្ជាក់ថា រថភ្លើងដឹកទំនិញដំបូងបានចាប់ផ្តើមដំណើរការរវាងខេត្ត Nong Khai និងទីក្រុងវៀងច័ន្ទន៍ឆ្លងកាត់ស្ពានមិត្តភាពដែលមានស្រាប់ក្នុងខែសីហា ឆ្នាំ ២០១៩ ដោយអនុញ្ញាតឲ្យដឹកទំនិញចេញពីកុងតឺន័រនៅស្ថានីយ៍រថភ្លើង Thanaleng ក្នុងទីក្រុងវៀងចន្ទន៍ ប្រទេសឡាវ និងបន្តដឹកជញ្ជូនតាមរថភ្លើងរហូតដល់កំពង់ផែសមុទ្រ Laem Chaban ក្នុងប្រទេសថៃ ៕
ប្រែសម្រួលដោយ ៖ ជីវ័ន្ត
ប្រភព ៖ Laotian Times
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)