ព័ត៌មានអន្ដរជាតិ
ភ្នំភ្លើងផ្ទុះនៅតុងហ្គា មានកម្លាំងខ្លាំងជាងគ្រាប់បែកនុយក្លេអ៊ែរនៅ ហ៊ីរ៉ូស៊ីម៉ា ដល់ទៅ ៥០០ដងឯណោះ
ក្រុមអ្នកស្រាវជ្រាវមកពីអង្គការណាសាបានប៉ាន់ប្រមាណថា ការផ្ទុះភ្នំភ្លើងនៅប្រទេសតុងហ្គា គឺមានកម្លាំងស្មើនឹងការផ្ទុះ TNT ១០មេហ្គាតោន ពោលគឺខ្លាំងជាងគ្រាប់បែកនុយក្លេអ៊ែរដែលទម្លាក់លើទីក្រុងហ៊ីរ៉ូស៊ីម៉ាក្នុងឆ្នាំ១៩៤៥ រហូតដល់ទៅ ៥០០ដងឯណោះ។
លោក James Garvin ប្រធានអ្នកវិទ្យាសាស្ត្រនៅមជ្ឈមណ្ឌលហោះហើរលំហអាកាស Goddard របស់អង្គការ ណាសា បានប្រាប់កាសែត NPR ថា បើទោះបីជាការផ្ទុះនេះមានសារៈសំខាន់ក៏ដោយ វាទំនងជានឹងមិនមានការផ្ទុះទំហំដូចនេះទៀតនោះទេ ក្នុងរយៈពេលយូរ។
លោកនិយាយថា “តាមគំរូអតីតកាល ប្រសិនបើមានការផ្ទុះភ្នំភ្លើងក្នុងប្រភេទបែបនេះ នោះយើងនឹងមិនមានការផ្ទុះមួយទៀតដូចនេះមួយរយៈ”។
ការផ្ទុះនេះ ត្រូវបានគេឮរហូតដល់រដ្ឋអាឡាស្កា ដែលមានចម្ងាយ៩,៧៤៤គីឡូម៉ែត្រ ពីភ្នំភ្លើងឯណោះ។
ទន្ទឹមនោះ លោក Michael Poland អ្នកជំនាញភូគព្ភសាស្ត្រ នៃទីភ្នាក់ងារស្ទាបស្ទង់ភូមិសាស្ត្រ សហរដ្ឋអាមេរិក បាននិយាយថា ព្រឹត្តិការណ៍នេះអាចជាព្រឹត្តិការណ៍បង្កសំឡេងឮខ្លាំងបំផុត មិនធ្លាប់មាននៅលើភពផែនដីក្នុងរយៈពេលជាងមួយសតវត្សរ៍ចុងក្រោយ។
លោកបានប្រាប់អ្នកកាសែតថា “នេះប្រហែលជាការផ្ទុះខ្លាំងបំផុតចាប់តាំងពីភ្នំភ្លើងឥណ្ឌូណេស៊ី Krakatau ផ្ទុះក្នុងឆ្នាំ១៨៨៣”។
អង្គការសហប្រជាជាតិបានបញ្ជាក់ថា មានមនុស្សស្លាប់៤នាក់ក្នុងគ្រោះមហន្តរាយនៅតុងហ្គា ដោយក្នុងនោះមានជនជាតិរបស់ខ្លួនចំនួន៣នាក់ និងស្ត្រីម្នាក់មកពីចក្រភពអង់គ្លេស៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចំនួនអ្នកស្លាប់ និងទំហំនៃការខូចខាត ក្នុងគ្រោះមហន្តរាយផ្ទុះភ្នំភ្លើង តុងហ្គា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ