ព័ត៌មានអន្ដរជាតិ
កូរ៉េខាងត្បូងបញ្ចេញប្រាក់១២ប៊ីលានដុល្លារទៀតទប់ស្កាត់ផលប៉ះពាល់ពីកូវីដ
ប្រទេសកូរ៉េខាងត្បូងបានបញ្ចេញកញ្ចប់ថវិកាចំនួន១៤ទ្រីលានវ៉ុន (១១.៧៥ប៊ីលានដុល្លារអាមេរិក)បន្ថែមទៀតនៅថ្ងៃសុក្រនេះដើម្បីគាំទ្រដល់អាជីវកម្មខ្នាតតូច និងអាជីវកម្មផ្ទាល់ខ្លួនដែលរងផលប៉ះពាល់ពីការពង្រីកបំរាមកូវីដ-១៩។
រដ្ឋមន្ត្រីក្រសួងហិរញ្ញវត្ថុបាននិយាយថា ទឹកប្រាក់ប្រមាណ១១.៥ទ្រីលានវ៉ុននឹងត្រូវចំណាយដើម្បីជួយដល់ម្ចាស់អាជីវកម្មខ្នាតតូច និងសងសំណងចំពោះការខាតបង់របស់ពួកគេដោយសារតែការពង្រីកវិធានការទប់ស្កាត់កូវីដ។
ទឹកប្រាក់ប្រមាណ១.៥ទ្រីលានវ៉ុនផ្សេងទៀតនឹងចំណាយសម្រាប់ការទិញថ្នាំព្យាបាលកូវីដសម្រាប់មនុស្ស៤០ម៉ឺននាក់និងគ្រែមន្ទីរពេទ្យ២៥ពាន់គ្រែ។ ចំណែកប្រាក់១ទ្រីលានវ៉ុនទៀតនឹងបានប្រើជាទុនបំរ៉ុងដែលអាចកើតមាន ប្រសិនវីរុស Omicron កាន់តែរាលដាល និងត្រូវការគាំទ្របន្ថែម។
ដើម្បីផ្តល់ហិរញ្ញប្បទានដល់ការជំរុញបន្ថែម រដ្ឋាភិបាលកូរ៉េខាងត្បូងនឹងចេញមូលបត្រដែលមានទឹកប្រាក់១១.៣ទ្រីលានវ៉ុន និងប្រើ២.៧ទ្រីលានវ៉ុនពីទុនបំរ៉ុងមូលនិធិសាធារណៈ។
កញ្ចប់ថវិកាបន្ថែមដែលនឹងដាក់ទៅរដ្ឋសភានាថ្ងៃចន្ទកើតឡើងចំពេលគណបក្សប្រជាធិបតេយ្យកំពុងកាន់អំណាចតស៊ូក្នុងការស្តារការគាំទ្រសាធារណៈឡើងវិញប៉ុន្មានសប្តាហ៍មុនពេលការបោះឆ្នោតជ្រើសរើសប្រធានាធិបតីឆ្នាំ២០២២ចូលមកដល់។
ជាមួយនឹងថវិកាបន្ថែមចុងក្រោយបំផុតនេះ ការចំណាយសរុបរបស់រដ្ឋាភិបាលបានកើនឡើងដល់ជាប់កំណត់ត្រាគឺ៦២១.៧ទ្រីលានប៉ុនក្នុងឆ្នាំនេះ បន្ថែមលើការអនុម័តចំណាយ៦០៧.៧ទ្រីលានវ៉ុនរួចទៅហើយ។
ចំនួនទាំងនេះគឺមានន័យថា បានកើនឡើង១១.៤%ពីថវិកាដំបូងកាលពីឆ្នាំ២០២១ ខណៈវាត្រូវបានគេរំពឹងទុកនឹងនាំមកនូវសមាមាត្រនៃបំណុលរដ្ឋាភិបាលទៅនឹងផលិតផលក្នុងសរុបជាប់កំណត់ត្រា ៥០.១%។
សូមបញ្ជាក់ថា កូរ៉េខាងត្បូងបានពង្រីកបំរាមគម្លាតសង្គមបន្ថែមទៀតរយៈពេល៣សប្តាហ៍ហើយ ក្នុងនោះបំរាមគោចរត្រឹមម៉ោង៩យប់សម្រាប់ភោជនីយដ្ឋាន ហាងកាហ្វេ បារ និងកម្រិតការជួបជុំឯកជន ចំពេលវីរុស Omicron កំពុងរាតត្បាតខ្លាំងមុនចូលឆ្នាំថ្មី៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)