ព័ត៌មានអន្ដរជាតិ
អាមេរិក និងរុស្ស៊ីឯកភាពបន្តពិភាក្សាហើយ ក្រោយជួបគ្នាម្សិលមិញ
មន្ត្រីការទូតកំពូលរបស់រុស្ស៊ី និងសហរដ្ឋអាមេរិកមិនបានទម្លាយឲ្យដឹងច្រើនអំពីកិច្ចពិភាក្សារបស់ពួកគេជុំវិញបញ្ហានៅអ៊ុយក្រែនកាលពីថ្ងៃសុក្រទេ ប៉ុន្តែបានយល់ព្រមបន្តពិភាក្សាដើម្បីព្យាយាមដោះស្រាយវិបត្តិដែលធ្វើឲ្យមានការភ័យខ្លាចនៃជម្លោះយោធា។
បន្ទាប់ពីកិច្ចពិភាក្សានៅទីក្រុងហ្សឺណែវ រដ្ឋមន្ត្រីក្រសួងការបរទេសអាមេរិក លោក Antony Blinken បានព្រមានពីការឆ្លើយតបរហ័ស និងធ្ងន់ធ្ងរ ប្រសិនបើរុស្ស៊ីឈ្លានពានអ៊ុយក្រែន ក្រោយពេលដាក់ពង្រាយកងទ័ពរាប់ពាន់នាក់នៅព្រំដែនរបស់ខ្លួន ហើយរដ្ឋមន្ត្រីក្រសួងការបរទេសរុស្ស៊ី លោក Sergei Lavrov បាននិយាយថា ទីក្រុងមូស្គូនៅតែកំពុងរង់ចាំការឆ្លើយតបជាលាយល័ក្ខអក្សរអំពីការទាមទារសម្រាប់ការធានាសន្តិសុខ។
ប៉ុន្តែភាគីទាំងពីរបាននិយាយថា ពួកគេបើកចំហរចំពោះកិច្ចពិភាក្សាបន្ថែមទៀត ហើយលោក Blinken បានមើលឃើញពីមូលដ្ឋានដើម្បីក្តីសង្ឃឹមថា កង្វល់សន្តិសុខទៅវិញទៅមកអាចត្រូវបានដោះស្រាយ។
លោក Blinken បាននិយាយថា ៖«ផ្អែកលើកិច្ចសន្ទនាដែលយើងបានធ្វើជាការសន្ទនាទូលំទូលាយទៅលើសប្តាហ៍មុន និងថ្ងៃនេះ នៅទីក្រុងហ្សឺណែវខ្ញុំគិតថា មានមូលដ្ឋានសម្រាប់ និងអត្ថន័យដើម្បីដោះស្រាយពីកង្វល់ទៅវិញទៅមកមួយចំនួនដែលយើងមានអំពីសន្តិសុខ»។
លោកបានចាត់ទុកកិច្ចសន្ទនាថា«ស្មោះត្រង់ និងសំខាន់» ហើយប្រាប់អ្នកកាសែតថា រុស្ស៊ីឥឡូវនេះបានប្រឈមនឹងជម្រើស។
លោក Blinken មានប្រសាសន៍ថា ៖«វាអាចជ្រើសរើសផ្លូវនៃការទូតដែលអាចនាំទៅរកសន្តិភាព និងសន្តិសុខ ឬផ្លូវទៅរកសង្គ្រាមនឹងទទួលរងផលធ្ងន់ធ្ងរ និងការថ្កោលទោសអន្តរជាតិ»។ លោកបានបន្ថែមថា ការទូតជាជម្រើសល្អ។
លោកបានបន្តថា ៖«យើងឃើញច្បាស់ហើយ បើកម្លាំងរុស្ស៊ីណាមួយឆ្លងបន្ទាត់ព្រំដែនអ៊ុយក្រែន នោះគឺជាការឈ្លានពានថ្មី។ វានឹងឆ្លើយតបរហ័ស ធ្ងន់ធ្ងរ និងរួបរួមពីសហរដ្ឋអាមេរិក និងដៃគូ ព្រមទាំងសម្ព័ន្ធមិត្តរបស់យើង»។
លោក Lavrov បាននិយាយថា បាល់ស្ថិតនៅក្នុងកន្ត្រក់របស់រដ្ឋាភិបាលក្រុងវ៉ាស៊ីនតោន។ រៀបរាប់ពីកិច្ចប្រជុំថាបើកចំហរ និងមានសារសំខាន់ លោកបាននិយាយថា ទីក្រុងមូស្គូនឹងយល់ថាតើកិច្ចពិភាក្សាបានដើរលើផ្លូវត្រូវឬអត់ ដរាបណាខ្លួនទទួលបានការឆ្លើយតបជាលាយល័ក្ខអក្សរចំពោះការទាមទារសន្តិសុខដ៏ធំធេងពីសហរដ្ឋអាមេរិក។
លោក Lavrov មានប្រសាសន៍ថា ៖«យើងខ្ញុំមិនអាចប្រាប់ថា តើយើងស្ថិតនៅផ្លូវត្រូវឬខុសទេ។ យើងខ្ញុំនឹងយល់ចំណុចនេះនៅពេលយើងខ្ញុំទទួលបានការឆ្លើយពីអាមេរិកជាឯកសារចំពោះចំណុចទាំងអស់ដែលជាការស្នើសុំរបស់យើងខ្ញុំ»។
ការទាមទាររបស់រុស្ស៊ីរាប់បញ្ចូលទាំងការបញ្ឈប់ការពង្រីកកម្លាំងរបស់ណាតូទៅភាគខាងកើត និងការសន្យាដែលអ៊ុយក្រែននឹងមិនត្រូវបានអនុញ្ញាតឲ្យចូលរួមជាមួយសម្ព័ន្ធភាពយោធារបស់ប្រទេសលោកខាងលិច៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)