ព័ត៌មានអន្ដរជាតិ
កូរ៉េខាងត្បូងត្រៀមឃ្លាំងក្លាស្សេត្រជាក់បំផុតដើម្បីរក្សាទុកវ៉ាក់សាំងកូវីដរបស់ក្រុមហ៊ុន Pfizer
កូរ៉េខាងត្បូងកំពុងត្រៀមឃ្លាំងក្លាស្សេដ៏ធំមួយជាមួយនឹងសីតុណ្ហភាពត្រជាក់បំផុតដើម្បីស្ដុកទុកវ៉ាក់សាំងកូវីដ ១៩ របស់ក្រុមហ៊ុនយក្សអាមេរិក Pfizer ។
លោក Kim Jin-ha នាយកប្រតិបត្តិក្រុមហ៊ុន Korea Superfreeze បាននិយាយថា ឃ្លាំងក្លាស្សេនេះមានទីតាំងស្ថិតនៅចម្ងាយ ៦៥ គីឡូម៉ែត្រនៃទីក្រុងសេអ៊ូល និងមានសីតុណ្ហភាពត្រជាក់ខ្លាំងជាងរដូវរងារនៅមហាសមុទ្រអង់តាក់ទិកទៅទៀត ហើយវាជម្រើសល្អបំផុតរបស់កូរ៉េខាងត្បូងសម្រាប់ការរក្សាទុកវ៉ាក់សាំងរបស់ក្រុមហ៊ុន Pfizer ។
លោក Kim បានប្រាប់ Reuters ថា “នៅពេលដែលយើងបានដឹងអំពីវ៉ាក់សាំងរបស់ក្រុមហ៊ុន Pfizer យើងបានចាប់ផ្តើមត្រៀមរួចរាល់ហើយ ហើយយើងនឹងប្រើប្រាស់ឃ្លាំងក្លាស្សេស្តុកឧស្ម័នធម្មជាតិ (LNG) ដើម្បីរក្សាសីតុណ្ហភាពត្រជាក់” ។
លោកបាននិយាយថា ឃ្លាំងដែលប្រើប្រាស់ថាមពលអគ្គិសនីនឹងមានការពិបាកក្នុងការរក្សាវ៉ាក់សាំង Pfizer ដែលត្រូវការសីតុណ្ហភាពរក្សាទុក -៧០ អង្សាសេ និងហានិភ័យនៃសីតុណ្ហភាពកើនឡើងអំឡុងពេលដាច់ភ្លើង ។
ប្រទេសកូរ៉េខាងត្បូងបានត្រៀមទិញវ៉ាក់សាំងចំនួន ២០ លានដូសដែលបង្កើតដោយក្រុមហ៊ុនអាមេរិក Pfizer និងដៃគូអាល្លឺម៉ង់ BioNTech ខណៈប្រទេសនេះក៏មានកិច្ចព្រមព្រៀងសម្រាប់វ៉ាក់សាំងចំនួន ២០ លានដូសទៀតពីក្រុមហ៊ុន Moderna និងក្រុមហ៊ុន AstraZeneca Plc/Oxford និង ៤ លានដូសទៀតពីក្រុមហ៊ុន Johnson & Johnson ។ សរុបទៅវានឹងគ្រប់គ្រាន់សម្រាប់ចាក់ដល់ប្រជាជនខ្លួនចំនួន ៣៤ លាននាក់នៃចំនួនប្រជាជនសរុប ៥១.៨ លាននាក់ ហើយការដឹកជញ្ជូនត្រូវបានគេរំពឹងថានឹងចាប់ផ្តើមនៅខែមីនា ។
គួរបញ្ជាក់ថា គិតត្រឹមពេលនេះប្រទេសកូរ៉េខាងត្បូងមានករណីឆ្លងជំងឺកូវីដ ១៩ ចំនួន ៤០,៧៨៦ករណី និងមានអ្នកស្លាប់ចំនួន ៥៧២ នាក់ ខណៈមានអ្នកជាសះស្បើយចំនួន ៣១,១៥៧ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ ក្រុមប្រឹក្សាអាមេរិកយល់ព្រមឲ្យចាក់វ៉ាក់សាំងកូវីដរបស់ក្រុមហ៊ុន Pfizer-BioNTech
ចុចអាន ៖ ក្រុមហ៊ុន Moderna ចាប់ផ្តើមធ្វើតេស្តវ៉ាក់សាំងកូវីដលើកុមារ លទ្ធផលនឹងដឹងនៅនិទាឃរដូវឆ្នាំ២០២១
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ