អាមេរិកចោទថា ចិនស្តុកទឹកទន្លេមេគង្គទុកប្រើខ្លួនឯង ធ្វើឲ្យប៉ះពាល់ដល់ប្រទេសនៅខាងក្រោមរួមទាំងកម្ពុជាផងដែរ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អាមេរិកចោទថា ចិនស្តុកទឹកទន្លេមេគង្គទុកប្រើខ្លួនឯង ធ្វើឲ្យប៉ះពាល់ដល់ប្រទេសនៅខាងក្រោមរួមទាំងកម្ពុជាផងដែរ

Published

on

គម្រោងឧបត្ថម្ភថវិកាដោយសហរដ្ឋអាមេរិកដែលប្រើផ្កាយរណបដើម្បីតាមដាននិងផ្សព្វផ្សាយកម្រិតទឹកនៅទំនប់វារីអគ្គិសនីចិនលើដងទន្លេមេគង្គត្រូវបានប្រកាសនៅថ្ងៃចន្ទនេះ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវទឹកប្រវែង៤,៣៥០គីឡូម៉ែត្រដែលត្រូវបានគេស្គាល់ថា Lancang នៅក្នុងប្រទេសចិននិងហូរកាត់ខាងត្បូងប្រទេសមីយ៉ាន់ម៉ា ឡាវ ថៃ កម្ពុជានិងវៀតណាមបានក្លាយជាចំណុចក្តៅនៃការប្រកួតប្រជែងរវាងមហាអំណាច។

ទីក្រុងប៉េកាំងបានច្រានចោលការស្រាវជ្រាវរបស់សហរដ្ឋអាមេរិកដែលនិយាយថា ទំនប់ចិនបានរក្សាទឹកទុកដែលជាហេតុធ្វើឲ្យអន្តរាយដល់ប្រទេសនៅខ្សែទឹកខាងក្រោមព្រោះមនុស្ស៦០លាននាក់ត្រូវពឹងផ្អែកទឹកទន្លេនេះសម្រាប់ការនេសាទនិងធ្វើកសិកម្ម។

គម្រោងត្រួតពិនិត្យទំនប់មេគង្គដែលផ្តល់ថវិកាដោយក្រសួងការបរទេសអាមេរិកគឺបានប្រើប្រាស់ទិន្នន័យពីផ្កាយរណបទម្លុះពពកដើម្បីតាមដានកម្រិតទំនប់នៅក្នុងប្រទេសចិននិងប្រទេសដទៃទៀត។

លោក Brian Eyler មកពីមជ្ឈមណ្ឌល Stimson ដែលមានមូលដ្ឋាននៅទីក្រុងវ៉ាស៊ីនតោនបាននិយាយថា “ការត្រួតពិនិត្យនេះបានផ្តល់ភស្តុតាងថា ទំនប់ទឹកសំខាន់ៗចំនួន១១របស់ប្រទេសចិនត្រូវបានរៀបចំឡើងយ៉ាងទំនើបនិងដំណើរការក្នុងវិធីមួយដើម្បីបង្កើនផលិតកម្មវារីអគ្គិសនីក្នុងកម្រិតអតិបរមា​តាមដែលអាចធើ្វទៅបានសម្រាប់លក់ទៅឲ្យខេត្តភាគខាងកើតរបស់ខ្លួនដោយមិនគិតពីផលប៉ះពាល់ចំពោះប្រទេសនៅខ្សែទឹកខាងក្រោម។

ទោះបីជាយ៉ាងណាក៏ដោយ ប្រទេសចិនបានរិះគន់យ៉ាងខ្លាំងចំពោះការស្រាវជ្រាវកន្លងមករួមទាំងការសិក្សាមួយដោយអង្គការ Eyes on Earth ដែលជាផ្នែកមួយនៃគម្រោងគម្រោងត្រួតពិនិត្យទំនប់មេគង្គផងដែរដែលបាននិយាយថា ទឹកត្រូវបានរក្សាទុកនៅក្នុងឆ្នាំ២០១៩ស្របពេលប្រទេសដទៃទៀតទទួលរងនូវគ្រោះរាំងស្ងួតយ៉ាងធ្ងន់ធ្ងរ។

វិទ្យាស្ថានវិស្វកម្មថាមពលកកើតឡើងវិញរបស់ចិនដែលគាំទ្រដោយរដ្ឋបាននិយាយនៅក្នុងរបាយការណ៍កាលពីថ្ងៃទី៤ខែធ្នូថា “សហរដ្ឋអាមេរិកមិនអាចផ្តល់ភស្តុតាងល្អគ្រប់គ្រាន់ទេ”៕

ប្រែសម្រួលដោយ៖ Vann Vann

ប្រភព៖ Reuters

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 hours ago

ក្រុម​គ្រូពេទ្យ​រក​ឃើញ​អ្នក​វិជ្ជមាន​កូវីដ១៩ ចំនួន២៩នាក់ នៅ​ខណ្ឌ​ឫស្សីកែវ

ព័ត៌មានជាតិ4 hours ago

រដ្ឋបាល​ខេត្តកណ្តាល​សម្រេច​ផ្អាក​ការលក់​គ្រឿង​ស្រវឹង​គ្រប់​ប្រភេទ​ជា​បណ្ដោះអាសន្ន​

ព័ត៌មានជាតិ5 hours ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ5 hours ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ5 hours ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

Sokha Hotels

ព័ត៌មានពេញនិយម

Helistar Cambodia - Helicopter Charter Services