ព័ត៌មានអន្ដរជាតិ
ឥណ្ឌា ចង់ចៀសពីប្រាក់ ដុល្លារ ដើម្បីបន្តធ្វើពាណិជ្ជកម្មជាមួយ រុស្ស៊ី
ប្រព័ន្ធផ្សព្វផ្សាយឥណ្ឌារាយការណ៍ថា ប្រទេសឥណ្ឌាកំពុងស្វែងរកឧបករណ៍ដ៏មានប្រសិទ្ធភាពដើម្បីបិទទណ្ឌកម្មចុងក្រោយបង្អស់ដែលដាក់លើរុស្ស៊ីជុំវិញជម្លោះក្នុងប្រទេសអ៊ុយក្រែន ខណៈដែលទីក្រុងញូវដែលីសម្លឹងមើលការរក្សាពាណិជ្ជកម្មជាមួយទីក្រុងមូស្គូ ។
ក្នុងចំណោមជម្រើសដែលត្រូវបានគេរាយការណ៍ថាកំពុងត្រូវបានពិចារណានោះគឺ ការទូទាត់តាមរយៈស្ថាប័នហិរញ្ញវត្ថុបរទេសដែលមិនដំណើរការនៅក្នុងប្រទេសដែលបានគាំទ្រវិធានការដាក់ទណ្ឌកម្មប្រឆាំងនឹងប្រទេសរុស្ស៊ី ការកំណត់ការបង់ប្រាក់តាមរយៈអ្នកឲ្យខ្ចីពីរុស្សីដែលមិនរងផលប៉ះពាល់ដោយការហាមឃាត់ពីប្រព័ន្ធទូទាត់អន្តរជាតិ SWIFT និងការជំរុញការរៀបចំប្រាក់ រ៉ូពី (Rupee) របស់ឥណ្ឌាទៅប្រាក់ រូប (Ruble) របស់រុស្ស៊ី ។
ធនាគារធំៗរបស់រុស្ស៊ីដូចជា Sberbank និង Gazprombank ត្រូវបានលើកលែងពីទណ្ឌកម្មចុងក្រោយបំផុតរហូតមកដល់ពេលនេះ ដោយសារតួនាទីសំខាន់របស់ពួកគេក្នុងដំណើរការទូទាត់សម្រាប់ការនាំចូលឧស្ម័ន និងប្រេងរបស់សហភាពអឺរ៉ុបពីប្រទេសរុស្ស៊ី ។
បើតាមការលើកឡើងរបស់មន្ត្រីរដ្ឋាភិបាលមួយរូប ដែលដកស្រង់ដោយសារព័ត៌មាន The Economic Times បានិយាយថា “យើងកំពុងពិនិត្យមើលរឿងនេះ ។ បើទោះជាធនាគារទាំងនេះប្រឈមនឹងទណ្ឌកម្មពីសហរដ្ឋអាមេរិកក៏ដោយ ក៏ការទូទាត់អាចត្រូវបានធ្វើឡើងជាប្រាក់អឺរ៉ូ ដោយសារប្រតិបត្តិការទាំងនេះនៅតែត្រូវបានអនុវត្តរហូតដល់ការដាក់ទណ្ឌកម្មបន្ថែមទៀត” ។
ការសងបំណុលរុស្ស៊ីតាមរយៈការដេញថ្លៃប្រាក់រូពីដែលធ្វើឡើងដោយធនាគារនៃប្រទេសរុស្ស៊ីត្រូវបានគេរាយការណ៍ថាជាជម្រើសមួយផ្សេងទៀតដែលកំពុងត្រូវបានពិចារណា ។ ការទូទាត់បែបនេះធ្វើឡើងតាមរយៈការនាំចេញទំនិញ និងសេវាកម្មដែលបានកំណត់អត្តសញ្ញាណ ។
ក្នុងឆ្នាំ ២០១៤ ឥណ្ឌា និងរុស្ស៊ីបានយល់ព្រមធ្វើការទូទាត់តាមរយៈពាណិជ្ជកម្មប្រាក់ រូពី-រូប បន្ទាប់ពីឥណ្ឌាប្រឈមមុខនឹងការគំរាមកំហែងនៃទណ្ឌកម្មបន្ទាប់បន្សំជុំវិញកិច្ចព្រមព្រៀងការពារជាតិជាមួយរុស្ស៊ី ខណៈក្រុងវ៉ាស៊ីនតោនក៏បានគំរាមក្រុងញូវដែលីជាថ្មីម្តងទៀតជាមួយនឹងការដាក់ទណ្ឌកម្មជុំវិញកិច្ចព្រមព្រៀងសព្វាវុធក្នុងសប្តាហ៍នេះ ។
គួរបញ្ជាក់ថា ពាណិជ្ជកម្មទ្វេភាគីរវាងឥណ្ឌា និងរុស្ស៊ីមានចំនួន ៨.១ ពាន់លានដុល្លារក្នុងឆ្នាំសារពើពន្ធបញ្ចប់ខែមីនា ឆ្នាំ ២០២១ ជាមួយនឹងការនាំចេញទៅរុស្ស៊ីមានចំនួន ២.៦ ពាន់លានដុល្លារ និងការនាំចូលចំនួន ៥.៥ ពាន់លានដុល្លារ ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ លោក ពូទីន ប្រាប់ពីមូលហេតុការលុកលុយ អ៊ុយក្រែន ហួសព្រំដែន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង