រុស្ស៊ី បញ្ចេញវីដេអូបាញ់មីស៊ីលផ្លោង Iskander ចំគោលដៅនៅ អ៊ុយក្រែន

ក្រសួងការពារជាតិរុស្ស៊ីបានបញ្ចេញវីដេអូបង្ហាញពីការបាញ់ប្រព័ន្ធមីស៊ីលផ្លោង Iskander អំឡុងពេលប្រតិបត្តិការពិសេសនៅអ៊ុយក្រែន ។

ខ្សែវីដេអូនេះបង្ហាញពីប្រតិបត្តិករមួយរូបកំពុងបាញ់កាំជ្រួចមីស៊ីល Iskander ខណៈមីស៊ីលនេះក៏ហោះបុកចំគោលដៅវាយប្រហាររបស់វាផងដែរ ដោយបណ្ដាលឲ្យមានផ្សែងហុយយ៉ាងសន្ធោសន្ធៅ ។

ក្នុងរយៈពេលមួយខែកន្លងមកនេះ កងកម្លាំងរុស្ស៊ីបាននឹងកំពុងប្រើប្រាស់កាំជ្រួច Iskander ដើម្បីវាយប្រហារប៉ុស្តិ៍បញ្ជាការអ៊ុយក្រែន កន្លែងផ្ទុកប្រេងឥន្ធនៈ ឃ្លាំងអាវុធ ប្រព័ន្ធការពារមីស៊ីល និងឧបករណ៍យោធាផ្សេងៗទៀតជាដើម ។

គួរបញ្ជាក់ថា ប្រតិបត្តិការពិសេសនៅអ៊ុយក្រែនបានចាប់ផ្តើមនៅចុងខែកុម្ភៈ ខណៈដែលទីក្រុងមូស្គូមានបំណងបញ្ឈប់សង្គ្រាមរយៈពេល ៨ ឆ្នាំនៅតំបន់ Donbass ។

ទន្ទឹមនោះ កងកម្លាំងរុស្ស៊ីក៏បាននិងកំពុងកំណត់គោលដៅលើហេដ្ឋារចនាសម្ព័ន្ធយោធាអ៊ុយក្រែនជាមួយនឹងអាវុធទំនើបៗក៏ដូចជាមីស៊ីលល្បឿនលឿនជាងសំឡេងផងដែរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ​៖ អ៊ុយក្រែន កំពុងត្រៀមខ្លួនប្រយុទ្ធក្នុងសមរភូមិដ៏ធំមួយទៀតជាមួយ រុស្ស៊ី នៅភាគខាងកើត