ព័ត៌មានអន្ដរជាតិ
រដ្ឋកាលីហ្វ័រញ៉ា បញ្ចេញថង់ខ្ចប់សាកសពថ្មី បម្រុងទុកសម្រាប់អ្នកស្លាប់ដោយកូវីដ
អភិបាលរដ្ឋកាលីហ្វ័រញ៉ាលោក Gavin Newsom បាននិយាយនៅឯសន្និសីទសារព័ត៌មានស្ដីពីជំងឺកូវីដ ១៩ កាលពីថ្ងៃអង្គារថា រដ្ឋកាលីហ្វ័រញ៉ាបានចែកចាយថង់ខ្ទប់សាកសពដែលបានទិញថ្មីចំនួន ៥,០០០ ថង់ និងទូទឹកកកក្លាស្សេសពទំហំ ១៦ ម៉ែត្រចំនួន ៦០ គ្រឿងសម្រាប់បម្រុងទុកនៅតាមទីក្រុង និងនៅមន្ទីរពេទ្យ ។
លោកអភិបាលរដ្ឋបាននិយាយថា ថង់ខ្ចប់សាកសពត្រូវបានបញ្ជូនទៅទីក្រុង San Diego ទីក្រុង Los Angeles និងទីក្រុង Inyo ។ លោកក៏បានព្រមានផងដែរថា នេះជាជំងឺដ៏កាចសាហាវ ហើយយើងចាំបាច់ត្រូវគិតពីកន្លែងដែលយើងស្ថិតនៅ ។
លោក Newsom បាននិយាយថា ចេតនារបស់គាត់មិនមែនដើម្បីបំភ័យប្រជាជនកាលីហ្វ័រញ៉ានោះទេ ប៉ុន្តែភាពធ្ងន់ធ្ងរនេះគឺជាការមិនអាចព្រងើយកន្តើយបានឡើយ ។
រដ្ឋកាលីហ្វ័រញ៉ាកាលពីថ្ងៃអង្គារបានរាយការណ៍ថាមានករណីឆ្លងជំងឺកូវីដ ១៩ ថ្មីចំនួន ៣២,២២៦ ករណីក្នុងរយៈពេល ២៤ ម៉ោងចុងក្រោយ និងមានអ្នកស្លាប់ចំនួន ១៤២ នាក់ ។ លោក Newsom បាននិយាយថា ជាមធ្យមមនុស្ស ១៦៣ នាក់បានបាត់បង់ជីវិតដោយសារវីរុសនេះជារៀងរាល់ថ្ងៃក្នុងរយៈពេល ៧ ថ្ងៃចុងក្រោយនេះ ។
ទន្ទឹមនោះចំនួនអ្នកឆ្លងជំងឺថ្មីរយៈពេលតែមួយថ្ងៃកាលពីថ្ងៃអង្គារគឺកើនឡើងខ្ពស់ជាប្រវត្តិសាស្ត្រ ខណៈចំនួនអ្នកស្លាប់ក៏ខ្ពស់ផងដែរចាប់តាំងពីរោគរាតត្បាតបានចាប់ផ្តើមក្នុងរដ្ឋនេះពោលកើនដល់ ២២៥ នាក់កាលពីថ្ងៃសុក្រ ។
បន្ថែមពីនេះអត្រាអ្នកចូលសម្រាកនៅមន្ទីរពេទ្យក៏ត្រូវបានគេមើលឃើញផងដែរថាមានការកើនឡើង ៦៨ ភាគរយក្នុងរយៈពេលពីរសប្តាហ៍កន្លងមកនេះ ។
គួរបញ្ជាក់ថា គិតត្រឹមពេលនេះសហរដ្ឋអាមេរិកគឺជាប្រទេសដែលរងគ្រោះខ្លាំងបំផុតលើពិភពលោកដោយមានករណីឆ្លងជំងឺកូវីដ ១៩ ចំនួន ១៧,១៤៣,៩៤២ ករណី និងមានអ្នកស្លាប់ចំនួន ៣១១,០៧៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)