Connect with us

ព័ត៌មានអន្ដរជាតិ

រំភើប! វ៉ាក់សាំងកូវីដរបស់ក្រុមហ៊ុន Pfizer-BioNTech មកដល់ប្រទេសសិង្ហបុរី ហើយ (មានវីដេអូ)

បានផុស

នៅ

ប្រទេសសិង្ហបុរីបានទទួលការបញ្ជូនវ៉ាក់សាំងកូវីដ ១៩ លើកដំបូងរបស់ខ្លួនកាលពីល្ងាចថ្ងៃចន្ទ ទី ២១ ធ្នូ ដែលធ្វើឲ្យប្រទេសនេះក្លាយជាប្រទេសដំបូងគេនៅអាស៊ីទទួលវ៉ាក់សាំងដែលបង្កើតដោយក្រុមហ៊ុនឱសថអាមេរិក Pfizer និងដៃគូសហការ BioNTech របស់អាល្លឺម៉ង់ ។

វ៉ាក់សាំងនេះត្រូវបានដឹកជញ្ជូនតាមជើងហោះហើរ SQ7979 តាមរយៈក្រុមហ៊ុនដឹកអ្នកដំណើរសិង្ហបុរីអ៊ែរឡាញ (SIA) ដែលបានចាកចេញកាលពីថ្ងៃអាទិត្យពីទីក្រុងព្រុចស៊ែល ហើយចុះចតនៅអាកាសយានដ្ឋានសិង្ហបុរី Changi នៅម៉ោង ៧ និង ៣៦ ល្ងាចថ្ងៃចន្ទ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះវ៉ាក់សាំងទាំងនេះត្រូវបានទទួលដោយរដ្ឋមន្រ្តីក្រសួងដឹកជញ្ជូនលោក Ong Ye Kung ហើយត្រូវបានបញ្ជូនទៅកន្លែងស្តុកទុកដ៏ត្រជាក់ និងដឹកជញ្ជូនតាមផ្លូវគោក ។

បន្ថែមពីនេះលោកនាយករដ្ឋមន្រ្តី Lee Hsien Loong បានប្រកាសកាលពីថ្ងៃទី ១៤ ធ្នូថា អាជ្ញាធរសិង្ហបុរីបានអនុម័តវ៉ាក់សាំងរបស់ក្រុមហ៊ុន Pfizer-BioNTech សម្រាប់ការប្រើប្រាស់លើរោគរាតត្បាត ហើយការដឹកជញ្ជូនលើកដំបូងនឹងមកដល់នៅចុងខែធ្នូនេះ ។

ការមកដល់នៃវ៉ាក់សាំងនេះកើតឡើងតែមួយសប្តាហ៍ប៉ុណ្ណោះមុនពេលដែលប្រទេសសិង្ហបុរីគ្រោងនឹងចូលដំណាក់កាលទី ៣ នៃការបើកដំណើរការសកម្មភាពសេដ្ឋកិច្ចឡើងវិញនៅថ្ងៃទី ២៨ ខែធ្នូខាងមុខនេះ ។

លោក Lee បាននិយាយកាលពីល្ងាចថ្ងៃចន្ទថា លោកមានសេចក្តីរីករាយដែលបានឃើញការមកដល់នៃការដឹកជញ្ជូនលើកដំបូងដោយជោគជ័យដោយពណ៌នាថាវាគឺជា “ការស្វាគមន៍” វត្តមានដែលយើងទាំងអស់គ្នាទន្ទឹងរង់ចាំ ។

នៅក្នុងការបង្ហោះតាមហ្វេសប៊ុកលោកបានថ្លែងអំណរគុណដល់ទីភ្នាក់ងារ និងបុគ្គលិកដែលធ្វើឲ្យការដឹកជញ្ជូននេះមានលទ្ធភាព ហើយបាននិយាយថា ក្រុមការងារពហុក្រសួងដែលគ្រប់គ្រងការផ្ទុះឡើងនៃជំងឺកូវីដ ១៩ នៅប្រទេសសិង្ហបុរីនឹងប្រកាសព័ត៌មានលម្អិតនៃការចាប់ផ្តើមកាប្រើប្រាស់តាមពេលវេលាកំណត់ ។

លោក Lee បាននិយាយថា ការចាក់វ៉ាក់សាំងនៅសិង្ហបុរីគឺជាការស្ម័គ្រចិត្ត ហើយអាទិភាពនឹងត្រូវបានផ្តល់ដល់អ្នកដែលមានហានិភ័យខ្ពស់បំផុតដូចជា បុគ្គលិកជួរមុខ និងបុគ្គលិកថែទាំសុខភាពក៏ដូចជាមនុស្សចាស់ និងជនងាយរងគ្រោះផ្សេងទៀត ។

បន្ទាប់មកគណៈកម្មាធិការជំនាញស្តីពីការចាក់វ៉ាក់សាំងកូវីដ ១៩ បានស្នើឲ្យចាក់វ៉ាក់សាំងជាបណ្តើរៗដល់ប្រជាជនដែលនៅសេសសល់ និងការពារមនុស្សគ្រប់រូបដែលចង់បានការចាក់វ៉ាក់សាំងនៅចុងឆ្នាំ ២០២១ ខណៈការចាក់វ៉ាក់សាំងនឹងឥតគិតថ្លៃសម្រាប់ប្រជាជនសិង្ហបុរីទាំងអស់ក៏ដូចជាអ្នករស់នៅរយៈពេលវែងដែលកំពុងរស់នៅក្នុងប្រទេសសិង្ហបុរីផងដែរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ផ្ទុះជំងឺថ្មី “កូវីដក្លាយពូជ” ដែលឆ្លងខ្លាំងជាងកូវីដ ១៩ ទៅទៀត

ចុចអាន ៖ ផ្អើលពេញយន្តហោះ អ្នកដំណើរម្នាក់ប្រកាច់ស្លាប់ដោយសារជំងឺកូវីដ១៩អំឡុងពេលធ្វើដំណើរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច៤៥ នាទី មុន

មរតកបសេដ្ឋ៖ ប្រែក្លាយតំបន់ចងគោរបស់កសិករ ទៅជាកន្លែងកសិទេសចរណ៍​

ព័ត៌មានជាតិ៥៩ នាទី មុន

កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី

ព័ត៌មានជាតិ២ ម៉ោង មុន

សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍

ព័ត៌មានជាតិ៣ ម៉ោង មុន

ខេត្តកែប បានបញ្ចប់ការវាស់វែងចុះបញ្ជីដីធ្លីមានលក្ខណៈជាប្រព័ន្ធឱ្យពលរដ្ឋ រួចរាល់ ១០០%

វប្បធម៌ ជំនឿ៣ ម៉ោង មុន

សាលាមធ្យមវិចិត្រសិល្បៈ ត្រូវបានជ្រើសរើសជាទីតាំងទស្សនកិច្ចរបស់ប្រតិភូស្ត្រីចក្រវាឡអន្តរជាតិ ២០២៤

ព័ត៌មានជាតិ១៦ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៤ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម