Connect with us

ព័ត៌មានអន្ដរជាតិ

តុលាការ​កំពូល​ថៃ បន្ធូរបន្ថយទោសស្តេចគ្រឿងញៀនឡាវ ពីប្រហារជីវិត មកជាប់គុកមួយជីវិត

បានផុស

នៅ

តុលាការ​កំពូល​ថៃ នៅ​ថ្ងៃ​អង្គារ៍​នេះ បាន​សម្រេច​សាលក្រមបន្ធូរបន្ថយទោស​ស្តេច​គ្រឿង​ញៀន​របស់​ប្រទេស​ឡាវ ឈ្មោះ Xaysana Keopimpha ពី​កាត់​ទោស​ប្រហារជីវិត មកជាប់​គុក​អស់​មួយ​ជីវិត ក្រោយ​រក​ឃើញ​ពិរុទ្ធ​ជន​រូប​នេះ ពិត​ជាប្រព្រឹត្តិការណ៍​អំពើ​ជួញ​ដូរគ្រឿង​ញៀន​ប្រភេទ​ថ្នាំ យ៉ាបា ជាងមួយ​លាន​គ្រាប់​ចូល​ក្នុង​ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​សម្រេច​សាល​ក្រម​ធ្វើ​ឡើងផ្អែក​លើ​សាលក្រម​របស់​តុលាការឧក្រិដ្ឋ​កម្ម​ក្នុង​ទីក្រុង​បាងកក សាលា​ដំបូង និង​សាលាឧទ្ធរណ៍។

តាម​ការ​បញ្ជាក់ ជន​ជាប់​ចោទ Xaysana ដែល​គេ​ស្គាល់​ជាស្តេច​គ្រឿង​ញៀន​របស់​ឡាវ កាល​ពី​ថ្ងៃ ៣០ កញ្ញា ឆ្នាំ២០១៦ បាន​បញ្ជូន​គ្រឿង​ញៀនប្រភេទ​មេតំហ្វតាមីន ជាង ១,២លានគ្រាប់ ចូល​ក្នុង​ប្រទេស​ថៃ ហើយ​ក្រោយមក​ត្រូវ​ចាប់​ខ្លួន​នៅ​ថ្ងៃ ១៩ មករា ឆ្នាំ២០១៧ នៅ​ឯអាកាស​យានដ្ឋាន​សុវណ្ណភូមិ ក្នុង​ក្រុង​បាងកក។

គួរ​បញ្ជាក់​ថា កាល​ពី​ថ្ងៃ ២០ មីនា ឆ្នាំ២០១៩ តុលាការឧក្រិដ្ឋកម្មប្រទេស​ថៃ បាន​សម្រេច​សាលក្រម​កាត់​ទោស​ប្រហារ​ជីវិតពិរុទ្ធជន​ឈ្មោះ Xaysana ប៉ុន្តែ​ត្រូវ​ជន​ជាប់​ចោទ​ប្តឹង​បន្ត​ទៅ​តុលាការ​កំពូល ដោយ​ចុងក្រោយ​សម្រួល​មក​ត្រឹម​ជាប់​គុកមួយ​ជីវិត៕

ប្រែសម្រួល៖ សុភា
ប្រភព៖ Bangkok Post

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម