ពលរដ្ឋខ្មែរកម្ពុជាក្រោមប្រារព្ធពិធីបុណ្យអុំទូក អកអំបុក សំពះព្រះខែ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ពលរដ្ឋខ្មែរកម្ពុជាក្រោមប្រារព្ធពិធីបុណ្យអុំទូក អកអំបុក សំពះព្រះខែ

Published

on

ពិធីបុណ្យអុំទូក អកអំបុក សំពះព្រះខែតាមប្រពៃណីរបស់ជនជាតិខ្មែរបានធ្វើឡើងនៅតំបន់ដីសណ្ដទន្លេមេគង្គខេត្ត Tra Vinh កាលពីយប់ថ្ងៃអាទិត្យទី២៥ខែតុលា។

ដើម្បីអបអរសាទរពិធីនេះដែលជាផ្នែកមួយនៃបេតិកភណ្ឌវប្បធម៌អរូបីជាតិ សកម្មភាពជាច្រើនត្រូវបានធ្វើឡើងរួមមានដូចជាការបង្ហាញវប្បធម៌និងទេសចរណ៍ ការតាំងពិព័រណ៍ស្តីពីទេសចរណ៍តំបន់ដីសណ្ដទន្លេមេគង្គ ពិព័រណ៍ផលិតផលកសិកម្ម ការប្រឡងបង្ហាញម៉ូដសម្លៀកបំពាក់បែបខ្មែររួមជាមួយសកម្មភាពកីឡាប្រពៃណីផ្សេងៗផងដែរ។

ប្រធានមន្ទីរវប្បធម៌ កីឡានិងទេសចរណ៍ខេត្តលោក Duong Hoang Sum បាននិយាយថា ក្រៅពីការជួយអភិរក្សនិងផ្សព្វផ្សាយវប្បធម៌របស់ប្រជាជនខ្មែរ ព្រឹត្តិការណ៍ដែលគ្រោងនឹងបន្តរហូតដល់ថ្ងៃទី៣១ខែតុលានេះក៏ជាឱកាសមួយដើម្បីបង្ហាញដល់ប្រជាជនក្នុងតំបន់និងសក្តានុពលទេសចរណ៍ដល់ភ្ញៀវទេសចរ លើកកម្ពស់ការតភ្ជាប់វិស័យទេសចរណ៍របស់ខេត្តនេះជាមួយបណ្តាមូលដ្ឋានផ្សេងទៀតនិងទាក់ទាញការវិនិយោគក្នុងវិស័យទេសចរណ៍ផងដែរ។

ពិធីបុណ្យអុំទូក អកអំបុក សំពះព្រះខែគឺជាពិធីបុណ្យមួយក្នុងចំណោមពិធីបុណ្យសំខាន់ៗទាំងបីដូចជាបុណ្យភ្ជុំបិណ្ឌនិងចូលឆ្នាំថ្មីដែលប្រជាជនខ្មែរប្រារព្ធធ្វើជារៀងរាល់ឆ្នាំ។ ពិធីបុណ្យទាំងនេះច្រើនតែកើតឡើងក្នុងអំឡុងពេលព្រះចន្ទពេញវង់នៃរដូវនីមួយៗ។

ប្រជាជនខ្មែរជឿថា ព្រះចន្ទគឺជាព្រះដែលគ្រប់គ្រងអាកាសធាតុនិងដំណាំ។ ប្រជាជនខ្មែរបានអរគុណដល់ព្រះចន្ទដែលផ្តល់ឲ្យពួកគេនូវអាកាសធាតុល្អនិងការប្រមូលផលដំណាំសមប្រកបហើយបួងសួងឲ្យដំណាំរបស់ពួកគេទទួលបានផលច្រើននៅឆ្នាំក្រោយ។

គួរបញ្ជាក់ថា ខេត្ត Tra Vinh មានប្រជាជនខ្មែររស់នៅជិត៣៣០,០០០នាក់ដែលស្មើនឹង៣១ភាគរយនៃប្រជាជនរបស់ខេត្តនេះ៕

ប្រែសម្រួលដោយ៖ Vann Vann

ប្រភព៖ Vietnam Plus

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ10 mins ago

លទ្ធផល​ជំរឿន​បង្ហាញថា ប្រជាជន​កម្ពុជា​ធ្លាក់ចុះ​នៃ​អត្រា​លទ្ធភាព​បង្កើតកូន​

ព័ត៌មានជាតិ17 mins ago

លោកជំទាវ​ម៉ែន សំអន ឧបត្ថម្ភ​ប្រាក់បៀវត្ស ដើម្បី​ចូលរួម​ជួយ​ដល់​ការប្រយុទ្ធប្រឆាំង​កូ​វីដ ១៩ រយៈពេល ៥​ខែ ជូនទៅ​ក្រសួងសុខាភិបាល

ព័ត៌មានជាតិ27 mins ago

លោកជំទាវ​ម៉ែន សំអន ផ្តាំផ្ញើ​ឲ្យ​ក្រុមការងារ​គណៈ​ចលនា​មហាជន ទូទាំង​ប្រទេស​បន្ត​ចុះ​ជួយ​ដោះស្រាយ​ទុក្ខ​លំបាក​ពលរដ្ឋ​ផ្ទាល់

ព័ត៌មានជាតិ40 mins ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ51 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

Sokha Hotels

ព័ត៌មានពេញនិយម

Helistar Cambodia - Helicopter Charter Services