ព័ត៌មានអន្ដរជាតិ
តើប្រទេសណាខ្លះថ្កោលទោស មីយ៉ាន់ម៉ា ចំពោះការប្រហារជីវិតសកម្មជន?
បណ្តាប្រទេសនៅអឺរ៉ុប និងអាស៊ី រួមទាំងសហរដ្ឋអាមេរិក ក៏ដូចជាចក្រភពអង់គ្លេសកាលពីថ្ងៃអង្គារ បានថ្កោលទោសយ៉ាងដាច់អហង្ការចំពោះការប្រហារជីវិតសកម្មជនគាំទ្រលទ្ធិប្រជាធិបតេយ្យចំនួន ៤ នាក់ដោយយោធាដែលកំពុងកាន់អំណាចរបស់មីយ៉ាន់ម៉ា ។
នៅក្នុងសេចក្តីថ្លែងការណ៍រួម សហភាពអឺរ៉ុប អូស្ត្រាលី កាណាដា ជប៉ុន នូវែលសេឡង់ ន័រវែស កូរ៉េខាងត្បូង ចក្រភពអង់គ្លេស និងសហរដ្ឋអាមេរិក បានហៅការប្រហារជីវិតនេះថាជាទង្វើប្រឆាំងនឹងសិទ្ធិមនុស្ស និងនីតិរដ្ឋ ។
សេចក្តីថ្លែងការណ៍បាននិយាយថា “ការប្រហារជីវិតរបស់យោធាមីយ៉ាន់ម៉ាចំពោះមេដឹកនាំគាំទ្រលទ្ធិប្រជាធិបតេយ្យ និងក្រុមប្រឆាំង គឺជាអំពើហិង្សាដែលត្រូវថ្កោលទោសជាដាច់ខាត ហើយវាក៏បង្ហាញភស្តុតាងបន្ថែមទៀតនៃរបបនេះចំពោះការមិនយកចិត្តទុកដាក់លើបញ្ហាសិទ្ធិមនុស្ស និងនីតិរដ្ឋ” ។
ទន្ទឹមនោះ បណ្តាប្រទេសនៅអឺរ៉ុប និងអាស៊ីក៏បានជំរុញឲ្យយោធាមីយ៉ាន់ម៉ាដោះលែងអ្នកដែលកំពុងជាប់ឃុំទាំងអស់ ហើយបំពេញកាតព្វកិច្ចរបស់ពួកគេក្រោមការឯកភាព ៥ ចំណុចរបស់សមាគមប្រជាជាតិអាស៊ីអាគ្នេយ៍ (អាស៊ាន) ដើម្បីស្វែងរកសន្តិភាពតាមរយៈការសន្ទនា មិនមែនជាអំពើហិង្សាបន្តទៀតនោះទេ ។
សេចក្ដីថ្លែងការណ៍បន្ថែមទៀតថា “យើងគាំទ្រប្រជាជនមីយ៉ាន់ម៉ាសម្រាប់សេរីភាព និងលទ្ធិប្រជាធិបតេយ្យរបស់ពួកគេ ហើយអំពាវនាវឲ្យរបបនេះបញ្ចប់ការប្រើប្រាស់អំពើហិង្សា គោរពឆន្ទៈរបស់ប្រជាជន និងស្តារមាគ៌ារបស់ប្រទេសឆ្ពោះទៅកាន់លទ្ធិប្រជាធិបតេយ្យ” ។
គួរបញ្ជាក់ថា កាលពីថ្ងៃចន្ទយោធាក្នុងប្រទេសមីយ៉ាន់ម៉ាបានប្រកាសការប្រហារជីវិតមនុស្ស ៤ នាក់ ក្នុងនោះមានដូចជា ឥស្សរជនប្រជាធិបតេយ្យ Kyaw Min Yu ដែលត្រូវបានគេស្គាល់ថា Jimmy, អតីតសមាជិកសភា Phyo Zayar Thaw, លោក Hla Myo Aung និង Aung Thura Zaw បន្ទាប់ពីត្រូវបានចាប់ខ្លួនកាលពីឆ្នាំមុន ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ អាមេរិក ជំរុញ ចិន ឲ្យថ្កោលទោស មីយ៉ាន់ម៉ា ក្រោយប្រហារជីវិតសកម្មជន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ