អង់គ្លេសបញ្ចេញតួលេខអ្នកចាក់វ៉ាក់សាំងកូវីដ ស្របពេលវីរុសកូរ៉ូណាក្លាយពូជថ្មីកំពុងវាយលុកខ្លាំង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អង់គ្លេសបញ្ចេញតួលេខអ្នកចាក់វ៉ាក់សាំងកូវីដ ស្របពេលវីរុសកូរ៉ូណាក្លាយពូជថ្មីកំពុងវាយលុកខ្លាំង

Published

on

រដ្ឋាភិបាលអង់គ្លេសបាននិយាយកាលពីថ្ងៃព្រហស្បតិ៍ ទី ២៤ ខែធ្នូ ថា ប្រជាជនជាង ៦០០,០០០ នាក់នៅចក្រភពអង់គ្លេសបានទទួលការចាក់ដូសដំបូងនៃវ៉ាក់សាំងកូវីដរបស់ក្រុមហ៊ុន Pfizer-BioNTech ចាប់តាំងពីការចាប់ផ្តើមចាក់ថ្នាំបង្ការនៅក្នុងប្រទេសកាលពីដើមខែនេះ ។

នាយកដ្ឋានសុខាភិបាល និងថែទាំសង្គមបាននិយាយនៅក្នុងសេចក្តីថ្លែងការណ៍មួយថា “រដ្ឋាភិបាលបានចេញផ្សាយតួលេខពីចំនួនប្រជាជនដែលបានទទួលការចាក់វ៉ាក់សាំងចន្លោះពីថ្ងៃទី ៨ ខែធ្នូដល់ថ្ងៃទី ២០ ខែធ្នូនៅក្នុងចក្រភពអង់គ្លេសគឺមានចំនួន ៦១៦,៩៣៣ នាក់” ។

ការបញ្ចេញតួលេខនៃការចាក់វ៉ាក់សាំងនេះកើតឡើង ចំពេលដែលប្រទេសអង់គ្លេសកំពុងប្រយុទ្ធប្រឆាំងនឹងវីរុសកូរ៉ូណាក្លាយពូជប្រភេទថ្មីដែលរីករាលដាលយ៉ាងឆាប់រហ័ស និងមានប្រសិទ្ធភាពចម្លងរហូតដល់ទៅ ៧០ ភាគរយជាពិសេសប្រសិទ្ធភាពរបស់វាចំពោះកុមារ ។

ទន្ទឹមនោះកាលពីថ្ងៃព្រហស្បតិ៍រដ្ឋមន្ត្រីក្រសួងសុខាភិបាលលោក Matt Hancock បាននិយាយថា ចក្រភពអង់គ្លេសបានរកឃើញករណីឆ្លងវីរុសកូរ៉ូណាក្លាយពូជប្រភេទថ្មីចំនួន ២ ករណីបន្ថែមទៀត ខណៈដែលប្រទេសនេះបានរឹតត្បិតការធ្វើដំណើរពីប្រទេសជាច្រើនលើពិភពលោក ។

នៅដើមខែនេះចក្រភពអង់គ្លេសបានក្លាយជាប្រទេសដំបូងគេនៅលើពិភពលោកដែលបានចាក់វ៉ាក់សាំងដែលផលិតដោយក្រុមហ៊ុនអាមេរិក Pfizer និងក្រុមហ៊ុនដៃគូ BioNTech របស់អាល្លឺម៉ង់ ខណៈប្រទេសនេះរំពឹងថានឹងទទួលបានវ៉ាក់សាំង ៤០ លានដូសបន្ថែមទៀតនៅចុងឆ្នាំនេះ ។

គួរបញ្ជាក់ថា គិតត្រឹមពេលនេះអង់គ្លេសមានករណីឆ្លងជំងឺកូវីដ ១៩ ចំនួន ២,១៨៨,៥៨៧ ករណី និងមានអ្នកស្លាប់ចំនួន ៦៩,៦២៥ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ជនជាតិអង់គ្លេសនាំវីរុសកូរ៉ូណាក្លាយពូជប្រភេទថ្មីមួយទៀតចូលប្រទេស

ចុចអាន ៖ អង់គ្លេសរកឃើញសញ្ញាណជំងឺកូវីដប្រភេទថ្មីដែលអាចចម្លងកាន់តែលឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ9 mins ago

ថ្ងៃនេះ​រក​ឃើញ​អ្នក​ពាក់ព័ន្ធ​៤០០នាក់ ជាមួយ​ជនជាតិចិន​ដែល​ឆ្លង​កូ​វីដ​១៩​នៅ​ខេត្តកោះកុង​

ព័ត៌មានជាតិ44 mins ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ55 mins ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ2 hours ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

ព័ត៌មានជាតិ2 hours ago

អ្នកជំនាញ​អះអាង​ថា តម្លៃ​ដំឡូង​មី​នៅ​ឆ្នាំនេះ​ខ្ពស់​ជាង​ឆ្នាំមុន

Sokha Hotels

ព័ត៌មានពេញនិយម

Helistar Cambodia - Helicopter Charter Services