ផ្ទុះកូវីដក្នុងចំណោមពលករថៃដែលធ្វើការនៅ កូរ៉េខាងត្បូង

យោងតាមក្រសួងការបរទេសថៃបានឲ្យដឹងថា ពលករថៃចំនួន៣២នាក់នៅក្នុងប្រទេសកូរ៉េខាងត្បូងបានធ្វើតេស្តវិជ្ជមានជំងឺកូវីដ១៩ខណៈបុគ្គលិកថែទាំសុខភាពនៅទីនោះកំពុងរង់ចាំលទ្ធផលតេស្តពលករចំនួន២៨នាក់បន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tanee Sangrat អគ្គនាយកនៃនាយកដ្ឋានព័ត៌មាននិងជាអ្នកនាំពាក្យក្រសួងបាននិយាយកាលពីថ្ងៃសុក្រថា អាជ្ញាធរកូរ៉េបានបញ្ជាក់កាលពីថ្ងៃព្រហស្បតិ៍ថា ពលករថៃចំនួន៣២នាក់បានធ្វើតេស្តឃើញមេរោគនេះហើយស្ថានទូតថៃប្រចាំនៅទីក្រុងសេអ៊ូលបានទាក់ទងជាមួយអ្នកជំងឺនិងត្រៀមផ្តល់ជំនួយ។

ករណីទី១គឺជាពលករថៃដែលត្រូវបានគេរាយការណ៍ថាបានឆ្លងមេរោគនេះពេលកំពុងធ្វើការនៅក្រុមហ៊ុនអាហារមួយ។ ពលកររូបនេះត្រូវបានគេនិយាយថា បានចូលភោជនីយដ្ឋានមួយដែលពេញនិយមក្នុងចំណោមពលករចំណាកស្រុកថៃនៅ Cheonan ដែលជាទីក្រុងមានចម្ងាយប្រហែល៨០គីឡូម៉ែត្រខាងត្បូងរដ្ឋធានី សេអ៊ូល។

អ្នកជំងឺបានទាក់ទងជាមួយពលករថៃចំនួន៩០នាក់ដែលរស់នៅក្នុងតំបន់នេះ។

លោកបាននិយាយថា ពលករ៩០នាក់ត្រូវបានធ្វើតេស្តហើយ៣១នាក់បានឆ្លងវីរុសនេះខណៈ៣១នាក់ផ្សេងទៀតអវិជ្ជមាន។ លោក Tanee បន្តថា កម្មករនៅសល់២៨នាក់ទៀតកំពុងរង់ចាំលទ្ធផលតេស្ត៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ កាសែតថៃ ចុះផ្សាយ អ្នកឆ្លងដែនខុសច្បាប់ពីកម្ពុជា ០១ នាក់ ឆ្លង​កូវីដ

ចុចអាន៖ ឡាវ ហាមនាំចូលគ្រឿងសមុទ្រពី ថៃ បន្ទាប់ពីផ្ទុះកូវីដនៅ សាមុត សាខន