ព័ត៌មានអន្ដរជាតិ

អាជ្ញាធរខេត្ត សាមុតសាខន សម្រេចយកទីតាំងមួយនេះធ្វើជាមន្ទីរពេទ្យដាក់អ្នកជំងឺកូវីដ

បានផុស

៣ years មុន

នៅ

ថ្ងៃអាទិត្យ ២៧ ធ្នូ ២០២០

ដោយ

ពហុកីឡដ្ឋានខេត្ត សាមុតសាខន ត្រូវបានគេយកធ្វើជាមន្ទីរពេទ្យបន្ថែមដើម្បីព្យាបាលអ្នកជំងឺកូវីដ ១៩ ដែលមានរោគសញ្ញាស្រាល បន្ទាប់ពីប្រជាជននៅក្នុងខេត្តជំទាស់នឹងសំណើរសុំប្រើប្រាស់ទីតាំងពីរផ្សេងទៀត ។

នៅក្នុងបទបញ្ជាដែលចុះហត្ថលេខាដោយអភិបាលខេត្តលោក Verasak Vichitsangsri កីឡដ្ឋានដែលមានទីតាំងនៅជិតលំនៅដ្ឋានរបស់អភិបាលខេត្តនឹងត្រូវប្រើជាមណ្ឌលថែទាំសម្រាប់ប្រជាជន សាមុតសាខន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះមនុស្សដែលគ្មានការអនុញ្ញាតត្រូវបានហាមឃាត់មិនឲ្យចូលទៅក្នុងតំបន់នោះ ហើយអ្នករំលោភបំពានត្រូវទទួលការផ្តន្ទាទោសដាក់ពន្ធនាគាររយៈពេលមួយឆ្នាំ ពិន័យជាប្រាក់ ១០០,០០០ បាត ឬត្រូវជាប់ទាំងពីរតែម្ដង ក្រោមច្បាប់ស្តីពីការការពារជំងឺឆ្លង ហើយនឹងជាប់ពន្ធនាគាររយៈពេល ២ ឆ្នាំ ពិន័យជាប្រាក់ចំនួន ៤ ម៉ឺនបាត ឬជាប់ទាំងពីរ ក្រោមអនុក្រឹត្យប្រកាសអាសន្នដើម្បីប្រយុទ្ធប្រឆាំងនឹងជំងឺកូវីដ ១៩ ។

មជ្ឈមណ្ឌលនេះត្រូវបានកំណត់ដើម្បីផ្តល់ការព្យាបាល និងថែទាំអ្នកជំងឺកូវីដ ១៩ ដែលកំពុងសម្រាកព្យាបាល ។

បន្ថែមពីនេះវានឹងត្រូវបានបំពាក់ដោយអង្គភាពរដ្ឋបាល ឡានដឹកទំនិញធុនធ្ងន់ និងប្រព័ន្ធគ្រប់គ្រងកាកសំណល់ដែលបង្កគ្រោះថ្នាក់ដល់ជីវឧស្ម័នជាដើម ។

បទបញ្ជារបស់លោកអភិបាលខេត្តធ្វើឡើង បន្ទាប់ពីការបើកមន្ទីរពេទ្យនៅផ្សារបង្គាដែលជាចំណុចផ្ទុះថ្មីនៃការឆ្លងជំងឺកូវីដ ១៩ ក្នុងចំណោមពលករចំណាកស្រុក ។

ស្របពេលជាមួយនេះគ្រែចំនួន ២០០ នឹងត្រៀមសម្រាប់អ្នកជំងឺកូវីដ ១៩ ដែលមានរោគសញ្ញាស្រាល ។ ចំនួនគ្រែត្រូវបានគេរំពឹងថានឹងកើនឡើងដល់ ៥០០ នាក់នៅដំណាច់ឆ្នាំនេះ ។

គួរបញ្ជាក់ថា ផែនការរបស់អាជ្ញាធរខេត្តក្នុងការបង្កើតមន្ទីរពេទ្យនៅឯសាកលវិទ្យាល័យកីឡាជាតិខេត្ត សាមុតសាខុន និងនៅសួនទឹក Phan Thai Norasing ត្រូវបានជំទាស់ដោយអ្នកស្រុកដែលមានការព្រួយបារម្ភអំពីការរីករាលដាលនៃវីរុសនេះ ៕