ប៉ូលិសចាប់ខ្លួនបុរសម្នាក់ពីបទលួចខោអាវទ្រនាប់របស់ស្រីៗ – Kampuchea Thmey Daily
Connect with us

ព័ត៌មានអន្ដរជាតិ

ប៉ូលិសចាប់ខ្លួនបុរសម្នាក់ពីបទលួចខោអាវទ្រនាប់របស់ស្រីៗ

Published

on

ប៉ូលិសប៉ុស្តិ៍តំបន់ Thung Luang បានចាប់ខ្លួនបុរសម្នាក់ឈ្មោះ Chaiphat ហៅ Jack  អាយុ ៤៦ ឆ្នាំនៅឯផ្ទះរបស់គាត់ក្នុងសង្កាត់ Pak Thor ខេត្ត Ratchaburi ប្រទេសថៃពីបទលួចខោអាវទ្រនាប់របស់ស្រីៗ ។

តាមរបាយការណ៍របស់ប៉ូលិសបានរកឃើញថាមានខោទ្រនាប់ជាង ៧០ អាវទ្រនាប់ចំនួន ៣ និង ខោខ្លីចំនួន ២ ព្រមទាំងថ្នាំមេតំហ្វេតាមីន និងថ្នាំអំហ្វេតាមីនមួយចំនួនតូចនៅក្នុងផ្ទះរបស់គាត់ ។

ប៉ូលិសបាននិយាយថា “ស្ត្រីពីរនាក់បានដាក់ពាក្យបណ្តឹងទៅប៉ុស្តិ៍ប៉ូលិសថា ចោរបានលួចចូលក្នុងផ្ទះរបស់ពួកគេ ហើយបានលួចខោអាវទ្រនាប់ ដូច្នេះទើបយើងបានតាមដានជនសង្ស័យ ហើយបានចាប់ខ្លួនគាត់នៅផ្ទះតែម្ដង” ។

លោក Chaiphat ដែលរកស៊ីទិញរបស់របរប្រើប្រាស់ដែលខូចពីប្រជាជនក្នុងតំបន់ ហើយលក់របស់របរទាំងនោះទៅហាងលក់រាយនានាបានសារភាពថា ខ្លួនបានលួចខោអាវទ្រនាប់នេះ ព្រោះគាត់មានអារម្មណ៍ឯកកោ បន្ទាប់ពីប្រពន្ធរបស់គាត់បានស្លាប់រយៈពេល ១០ ឆ្នាំមកហើយ ។ គាត់ក៏បានសារភាពផងដែរថា គាត់បានធ្វើអំពើស្មោកគ្រោកនេះ ហើយបានយកខោអាវទ្រនាប់ដែលបានលួចនោះមកហិត ។

Chaiphat បាននិយាយថា គាត់បានលួចរបស់របរទើបតែពីរបីដងប៉ុណ្ណោះ ប៉ុន្តែប៉ូលីសជឿជាក់ថា យោងតាមចំនួននៃភស្តុតាងគាត់បានធ្វើវាយ៉ាងហោចណាស់ ២០ ដង ។

ទន្ទឹមនោះប៉ូលិសកំពុងស្នើសុំឲ្យស្ត្រីរូបណាដែលបាត់ខោអាវទ្រនាប់របស់ពួកគេឲ្យមកប៉ុស្តិ៍ប៉ូលិស និងពិនិត្យមើលភស្តុតាងទាំងនេះ ។

គួរបញ្ជាក់ថា ជនសង្ស័យត្រូវបាននាំខ្លួនទៅប៉ុស្តិ៍ប៉ូលិស Thung Luang និងចោទប្រកាន់ពីបទលួចប្លន់ និងកាន់កាប់គ្រឿងញៀន ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ ក្រុមបាតុករថៃដង្ហែញ្ញត្តិទៅកាន់ស្ថានទូតអាល្លឺម៉ង់ដើម្បីស្នើឲ្យស៊ើបអង្កេតលើព្រះមហាក្សត្រ

ចុចអាន ៖ ភាពតានតឹងដែលកំពុងបន្តកើតមាននៅប្រទេសថៃបានគំរាមកំហែងដល់ការពង្រឹងទំនុកចិត្តអាជីវកម្ម

ចុច Like Facebook កម្ពុជាថ្មី

ព័ត៌មានពេញនិយម