នៅសុខៗ មេធាវីប្រាប់ឲ្យ Pacquiao ដករង្វាន់ដែលផ្តល់ជូនអ្នករកឃើញជនពាក់ព័ន្ធករណីស្លាប់នារីអូតែស
Connect with us
Helistar Cambodia - Helicopter Charter Services

ព័ត៌មានអន្ដរជាតិ

នៅសុខៗ មេធាវីប្រាប់ឲ្យ Pacquiao ដករង្វាន់ដែលផ្តល់ជូនអ្នករកឃើញជនពាក់ព័ន្ធករណីស្លាប់នារីអូតែស

បានផុស

នៅ

សមាជិកព្រឹទ្ធសភានិងជាស្តេចប្រដាល់ហ្វីលីពីន Manny Pacquiao និងលោក Eric Yap តំណាង ACT-CIS ត្រូវបានគេជំរុញឲ្យដកប្រាក់រង្វាន់ ដែលពួកគេបានផ្តល់ជាថ្នូរនឹងការចាប់ខ្លួនជនសង្ស័យពាក់ព័ន្ធករណីនារីអូតែស Christine Dacera វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេធាវី Mike Santiago ដែលជាអ្នកប្រឹក្សាយោបល់របស់ជនសង្ស័យ Clark Rapinan, Valentine Rosales, Rommel Galido និង John Pascual Dela Serna បាននិយាយថា រង្វាន់នេះបានធ្វើឲ្យជីវិតកូនក្តីរបស់គាត់មានគ្រោះថ្នាក់។

លោក Santiago បាននិយាយនៅក្នុងបទសម្ភាសន៍ជាមួយកម្មវិធី Headstart ថា “នេះគឺជាមូលហេតុដែលយើងកំពុងអំពាវនាវដល់សមាជិកសភា Yap ក៏ដូចជាដល់សមាជិកព្រឹទ្ធសភា Pacquiao ផងដែរ ឲ្យដករង្វាន់ដែលពួកគេនឹងផ្តល់ឲ្យព្រោះវាធ្វើឲ្យប៉ះពាល់ដល់សុវត្ថិភាពនិងសន្តិសុខរបស់សុភាពបុរសទាំងនេះ”។

លោកបានបន្ថែមថា ប្រាក់រង្វាន់ដែលផ្តល់ដោយលោក Yap និង Pacquiao គឺមិនចាំបាច់ទេព្រោះមានរឿងក្តីដែលបានប្តឹងមកកូនក្តីរបស់គាត់រួចទៅហើយ។

លោក Yap បានផ្តល់ប្រាក់រង្វាន់២,០៨០ដុល្លារចំណែក Pacquiao ផ្តល់១០,៣៩៩ដុល្លារដល់នរណា ដែលអាចរកឃើញអ្នកទទួលខុសត្រូវចំពោះករណីរបស់ Christine Dacera។

គួររម្លឹកឡើងវិញថា Christine បានចូលសណ្ឋាគារលំដាប់ផ្កាយ៤ City Garden Hotel ក្នុងទីក្រុង Makati នៃទីក្រុងម៉ានីលដើម្បីអបអរឆ្នាំថ្មីជាមួយមិត្តភក្តិ។

នារីអូតែសអាយុ២៣ឆ្នាំរូបនេះនៅជាមួយមិត្តរួមការងារជាច្រើននាក់ក្នុងពិធីជប់លៀងហើយម្នាក់ក្នុងចំណោមពួកគេឈ្មោះ Rommel Galida បានឃើញនាងដេកលក់នៅក្នុងបន្ទប់ទឹក។

លោក Galida និយាយថា គាត់បានយកភួយទៅដណ្តប់ឲ្យនាងមុនពេលវិលមកដេកវិញ។

នៅពេលគាត់ភ្ញាក់ម្តងទៀតនៅប៉ុន្មានម៉ោងក្រោយមក គាត់បានឃើញនាងសន្លប់ហើយស្លេកស្លាំង។

នាងត្រូវបានមិត្តភក្តិនិងបុគ្គលិកសណ្ឋាគារបញ្ជូនទៅមន្ទីរពេទ្យក្រុង Makati ប៉ុន្តែគ្រូពេទ្យបានប្រកាសថា នារីអូតែសរូបនេះបានស្លាប់នៅពេលមកដល់៕

ប្រែសម្រួលដោយ៖ Vann Vann

ប្រភព៖ Coconuts

 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

ខ្យល់​និរតី​ដែល​បក់​ពី​ឈូង​សមុទ្រ​ថៃ ​នឹង​មាន​ឥទ្ធិពល​ខ្លាំង​មក​លើ​កម្ពុជា​ ចាប់​ពី​ថ្ងៃទី១៤-១៦​ឧសភា

ព័ត៌មានខ្លីៗ៤៨ នាទី មុន

៣​ខែ​ឆ្នាំនេះ​កំពង់ផែ​ស្វយ័ត​ក្រុងព្រះសីហនុចំណេញ​ជាង​ ៩​លាន​ដុល្លារ ​កើនឡើង​ ៩៧​ភាគរយ

ព័ត៌មានជាតិ៥៤ នាទី មុន

កញ្ញា មាន​ ពេជ្រវីតា​​​​ បានចេញ​ពី​ពន្ធនាគារ​ជាស្ថាពរ​ហើយ

ព័ត៌មានជាតិ១ ម៉ោង មុន

ក្រុមហ៊ុន​ឯកជន​២​ក្រុម​ ប្រគល់​ស្បៀងអាហារ​ជាច្រើន​មុខ ជូន​រដ្ឋបាល​រាជធានី​ភ្នំពេញ ដើម្បី​ជួយឧបត្ថម្ភ​​ជូន​ប្រជាពលរដ្ឋ រង​ផល​ប៉ះពាល់​ធ្ងន់ធ្ងរ​ពី​កូ​វីដ​-១៩

ព័ត៌មានជាតិ១ ម៉ោង មុន

៣​ខែ​ឆ្នាំនេះ​កំពង់ផែ​ស្វយ័ត​ក្រុងព្រះសីហនុ​ទទួល​បាន​ប្រាក់ចំណេញ​ជាង​៩​លាន​ដុល្លារ ​កើនឡើង​៩៧​ភាគរយ

Sokha Hotels

ព័ត៌មានពេញនិយម

Helistar Cambodia - Helicopter Charter Services