ព័ត៌មានអន្ដរជាតិ
ម៉ាឡេស៊ីរាយការណ៍ពីមនុស្សស្លាប់ដោយសារទឹកជំនន់ ខណៈជិត ៥ ម៉ឺននាក់ត្រូវជម្លៀសចេញ
អាជ្ញាធរបាននិយាយកាលពីថ្ងៃសុក្រថា យ៉ាងហោចណាស់មនុស្ស ៦ នាក់បានស្លាប់ និងជិត ៥ ម៉ឺននាក់ត្រូវបានជម្លៀសចេញដោយសារតែទឹកជំនន់នៅក្នុងប្រទេសម៉ាឡេស៊ី បន្ទាប់ពីភ្លៀងមូសុងបានបោកបក់ឆ្នេរសមុទ្រភាគខាងកើតរបស់ប្រទេសនេះ ហើយវាជាគ្រោះមហន្តរាយដ៏អាក្រក់បំផុតនៅក្នុងពាក់កណ្តាលសតវត្សរ៍កន្លងមកនេះ ។
ក្រុមមន្ត្រីបាននិយាយថា ភ្លៀងធ្លាក់ខ្លាំងបានបន្តវាយប្រហារតំបន់ជាច្រើនកាលពីថ្ងៃសុក្រដោយធ្វើឲ្យ ចំនួនប្រជាជនដែលបោះបង់ចោលផ្ទះសម្បែងរបស់ពួកគេមានចំនួនច្រើនជាង ៤៧,០០០ នាក់ ខណៈក្រុមមន្ត្រីក៏បានបង្កើនប្រតិបត្តិការជួយសង្គ្រោះផងដែរ ។
ទឹកជំនន់បានវាយប្រហារតំបន់នេះក្នុងរដូវវស្សាជារៀងរាល់ឆ្នាំ ហើយជាទូទៅបណ្តាលឲ្យមានការជម្លៀសប្រជាជនជាច្រើន ។ ប៉ុន្តែអ្នកនៅតំបន់ដែលរងផលប៉ះពាល់និយាយថា ទឹកជំនន់ឆ្នាំនេះគឺអាក្រក់បំផុតក្នុងទសវត្សរ៍កន្លងមកនេះ ។
ទន្ទឹមនោះផ្លូវជាច្រើនរួមទាំងផ្លូវល្បឿនលឿនដែលភ្ជាប់រដ្ឋឆ្នេរសមុទ្រខាងកើតត្រូវបានបិទ ។
យោងតាមនាយកដ្ឋានសុខុមាលភាពសង្គមបានឲ្យដឹងថា រដ្ឋដែលរងគ្រោះខ្លាំងជាងគេគឺរដ្ឋ Pahang ដែលមានប្រជាជនប្រមាណ ២៧,០០០ នាក់ត្រូវបានជម្លៀសចេញនៅក្នុងប៉ុន្មានថ្ងៃថ្មីៗនេះ ។
ទន្ទឹមនោះនៅក្នុងភូមិមួយក្នុងរដ្ឋដែលត្រូវបានកាត់ផ្តាច់ដោយសារទឹកជំនន់អ្នកស្រុកត្រូវបានជម្លៀសចេញដោយគ្រឿងចក្រកាលពីថ្ងៃពុធ ខណៈដែលអ្នកផ្សេងទៀតត្រូវបានបង្ខំឲ្យហែលឆ្លងកាត់ទឹកជ្រៅ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង