វៀតណាមកំណត់ជើងហោះហើរក្នុងប្រទេសនៅមុនថ្ងៃបុណ្យចូលឆ្នាំថ្មី
Connect with us
Helistar Cambodia - Helicopter Charter Services

ព័ត៌មានអន្ដរជាតិ

វៀតណាមកំណត់ជើងហោះហើរក្នុងប្រទេសនៅមុនថ្ងៃបុណ្យចូលឆ្នាំថ្មី

Published

on

លោកនាយករដ្ឋមន្រ្តី Nguyen Xuan Phuc បាននិយាយថា ប្រទេសវៀតណាមនឹងកំណត់ជើងហោះហើរដែលនាំពលរដ្ឋមកប្រទេសវិញចាប់ពីពេលនេះរហូតដល់ចប់ពិធីបុណ្យចូលឆ្នាំថ្មីនៅពាក់កណ្តាលខែកុម្ភៈដើម្បីកាត់បន្ថយហានិភ័យនៃការឆ្លងជំងឺកូវីដ ១៩ ខណៈការជួបជុំទ្រង់ទ្រាយធំត្រូវបានគេរំពឹងថានឹងកើតឡើងអំឡុងពិធីបុណ្យនោះ ។

លោក Nguyen Xuan Phuc បាននិយាយថា ជាមួយនឹងវីរុសកូរ៉ូណាបម្លែងខ្លួនថ្មីកំពុងរីករាលដាលពាសពេញពិភពលោក និងបុណ្យចូលឆ្នាំថ្មីដែលនឹងមកដល់ក្នុងពេលឆាប់ៗនេះ ប្រទេសវៀតណាមអនុញ្ញាតឲ្យមានតែជើងហោះហើរចាំបាច់ប៉ុណ្ណោះចូលក្នុងប្រទេសក្នុងនោះមានដូចជា ក្រសួងសុខាភិបាល ក្រសួងការបរទេស ក្រសួងការពារជាតិ ក្រសួងសន្តិសុខសាធារណៈ និងដឹកជញ្ជូន ។

លោក Phuc បានបន្ថែមទៀតថា បន្ទាប់ពីបុណ្យចូលឆ្នាំថ្មីដែលនឹងចាប់ផ្តើមនៅថ្ងៃទី ១០ ដល់ ថ្ងៃទី១៦ ខែកុម្ភៈ ក្រសួងដឹកជញ្ជូននឹងសិក្សាពីលទ្ធភាពនៃការចាប់ផ្តើមជើងហោះហើរអន្តរជាតិឡើងវិញ ។

ប្រទេសវៀតណាមបានផ្អាករាល់ជើងហោះហើរពាណិជ្ជកម្មអន្តរជាតិក្នុងប្រទេសចាប់តាំងពីចុងខែមីនា ប៉ុន្តែរដ្ឋាភិបាលបាននិងកំពុងប្រតិបត្តិការជើងហោះហើរធ្វើមាតុភូមិនិវត្តន៍ដើម្បីនាំពលរដ្ឋវៀតណាមដែលជាប់គាំងនៅបរទេសត្រឡប់មកវិញចំពេលកំពុងមានរោគរាតត្បាត ។

ទន្ទឹមនោះជើងហោះហើរពិសេសមួយចំនួនដែលដឹកអ្នកជំនាញ និងវិនិយោគិនបរទេសក៏ត្រូវបានអនុញ្ញាតឲ្យហោះហើរចូលប្រទេសវៀតណាមវិញផងដែរ ។ ប្រជាជនទាំងអស់ដែលចូលក្នុងប្រទេសត្រូវចំណាយពេលធ្វើចត្តាឡីស័ករយៈពេល ១៤ ថ្ងៃ បន្ទាប់ពីកាលពីថ្ងៃអង្គារប្រទេសនេះបានផ្អាកជើងហោះហើរពីប្រទេសដែលមានវីរុសកូរ៉ូណាបម្លែងខ្លួនប្រភេទថ្មីក្រោយការរកឃើញនៅអង់គ្លេស និងអាហ្វ្រិកខាងត្បូង ។

គួរបញ្ជាក់ថា គិតត្រឹមពេលនេះវៀតណាមមានករណីឆ្លងជំងឺកូវីដ ១៩ ចំនួន ១,៥១៣ ករណី និងមានអ្នកស្លាប់ចំនួន ៣៥ នាក់ ខណៈប្រទេសនេះមិនបានរកឃើញករណីឆ្លងក្នុងស្រុករយៈពេល ៣៨ ថ្ងៃមកហើយ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ វៀតណាម ត្រៀមបិទជើងហោះហើរមកពីប្រទេសដែលមានវីរុសកូរ៉ូណាបម្លែងខ្លួនប្រភេទថ្មី

ចុចអាន ៖ សូមប្រុងប្រយ័ត្ន! វីរុសបម្លែងខ្លួនប្រភេទថ្មីមកដល់ប្រទេសជិតខាងកម្ពុជាហើយ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ2 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ3 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ4 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ5 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services