ម៉ាឡាវី ប្រកាសដាក់ប្រទេសក្នុងគ្រាអាសន្ន បន្ទាប់ពីរដ្ឋមន្ត្រីនិងមន្ត្រីជាន់ខ្ពស់ស្លាប់ជាបន្តបន្ទាប់ដោយសារកូវីដ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ម៉ាឡាវី ប្រកាសដាក់ប្រទេសក្នុងគ្រាអាសន្ន បន្ទាប់ពីរដ្ឋមន្ត្រីនិងមន្ត្រីជាន់ខ្ពស់ស្លាប់ជាបន្តបន្ទាប់ដោយសារកូវីដ

Published

on

ប្រធានាធិបតី ម៉ាឡាវីលោក Lazarus Chakwera បានប្រកាសដាក់ប្រទេសក្នុងគ្រាអាសន្នបន្ទាប់ពីរដ្ឋមន្រ្តី ២រូបស្លាប់ដោយសារជំងឺកូវីដ១៩ចំពេលមានការរីករាលដាលនៃជំងឺឆ្លងនេះ។

ប្រធានាធិបតី ម៉ាឡាវីលោក Lazarus Chakwera

អ្នកនាំពាក្យរដ្ឋាភិបាលបាននិយាយថា រដ្ឋមន្រ្តីក្រសួងដឹកជញ្ជូនលោក Sidik Mia និងរដ្ឋមន្រ្តីរដ្ឋាភិបាលក្នុងតំបន់លោក Lingson Berekanyama បានទទួលមរណភាពដោយសារជំងឺនេះកាលពីព្រឹកថ្ងៃអង្គារ។

រដ្ឋាភិបាលបានប្រកាសការកាន់ទុក្ខរយៈពេល៣ថ្ងៃ ដោយចាប់ផ្តើមពីថ្ងៃពុធនេះទៅ។

រដ្ឋមន្រ្តីក្រសួងដឹកជញ្ជូនលោក Sidik Mia

អ្នកទាំងពីរ ជាសមាជិកជាន់ខ្ពស់នៃគណបក្សសមាជម៉ាឡាវី (MCP) ដែលជាដៃគូដ៏សំខាន់នៅក្នុងសម្ព័ន្ធភាពមួយដែល ទម្លាក់លោកប្រធានាធិបតី Peter Mutharika កាលពីខែមិថុនាឆ្នាំមុន។

ការស្លាប់នេះបានកើតឡើង បន្ទាប់ពីមានកិច្ចប្រជុំគណៈរដ្ឋមន្រ្តីនិងការជួបជុំផ្សេងទៀត ដែលមានការចូលរួមពីអ្នកនយោបាយក្នុងឱកាសបុណ្យណូអែល ប៉ុន្តែក្រុមមន្រ្តីមិនបាននិយាយទេថាតើ ជនរងគ្រោះឆ្លងជំងឺនៅឯណា។

អតីតអភិបាលធនាគារកណ្តាលម៉ាឡាវី លោក Francis Perekamoyo

រដ្ឋាភិបាលបានប្រកាសថា អតីតអភិបាលធនាគារកណ្តាលម៉ាឡាវី លោក Francis Perekamoyo និងលេខាធិការនៃក្រសួងព័ត៌មាន លោក Ernest Kantchentche ក៏បានទទួលមរណភាពដោយសារជំងឺនេះផងដែរ។

គួរបញ្ជាក់ថា មកទល់ពេលនេះ ប្រទេសម៉ាឡាវី បានកត់ត្រាករណីឆ្លងជំងឹកូវីដ១៩ចំនួន ៩,០២៧ករណី ស្លាប់២៣៥នាក់និងជាសះស្បើយ ៦,៨៣៨នាក់៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ ប្រធានាធិបតីព័រទុយហ្គាល់ តេស្តវិជ្ជមានកូវីដ១៩

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services