ខឹងមិនក្រោកឈរគោរពភ្លេងជាតិ ស្រ្តីម្នាក់ទះកំផ្លៀងក្មេងស្រីសិស្សសាលា ជាការព្រមាន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ខឹងមិនក្រោកឈរគោរពភ្លេងជាតិ ស្រ្តីម្នាក់ទះកំផ្លៀងក្មេងស្រីសិស្សសាលា ជាការព្រមាន

Published

on

ក្មេងស្រីសិស្សសាលាអាយុ ១៥ ឆ្នាំម្នាក់ត្រូវបានទះកំផ្លៀងដោយអ្នកជាតិនិយមម្នាក់ដែលមានការខឹងសម្បារ នៅពេលក្មេងស្រីរូបនោះមិនក្រោកឈរឡើងគោរពភ្លេងជាតិនៅឯស្ថានីយ៍រថភ្លើងមួយក្នុងខេត្ត Phra Nakhon Si Ayutthaya នៃប្រទេសថៃ ។

កាលពីថ្ងៃអង្គារស្ត្រីម្នាក់ដែលស្លៀកពាក់ពណ៌ក្រហមបានដើរសំដៅទៅរកក្មេងស្រីនោះនៅម៉ោង ៦ ល្ងាចក្រោយការគោរពភ្លេងជាតិបានចប់ ហើយទះកំផ្លៀងក្មេងស្រីនោះតែម្ដង ខណៈដែលអ្នកផ្សេងទៀតក៏បានចូលទៅជួយដើម្បីកុំឲ្យមានអំពើហិង្សាកាន់តែធ្ងន់ធ្ងរឡើងផងដែរ ។

ក្រុមគ្រួសារក្មេងស្រីដែលបានមកទទួលយកទៅផ្ទះរបស់ក្មេងស្រីសិស្សសាលានោះបានដឹងថា ជនល្មើសគឺជាអ្នកលក់អាហារនៅស្ថានីយ៍នោះ ហើយអ្នកលក់រូបនោះបានសារភាពថា នាងបានទះកំផ្លៀងសិស្សសាលាដោយសារតែក្មេងស្រីរូបនោះមិនបានក្រោកឈរឡើងដើម្បីគោរពភ្លេងជាតិ ។

ក្រោយមកក្រុមគ្រួសារបានដាក់ពាក្យបណ្តឹងទៅកាន់ប៉ូលិសដោយស្នើឲ្យពួកគេចាប់ខ្លួនស្ត្រីនោះពីបទវាយដុំ ។ ពួកគេបានពន្យល់ថា ក្មេងស្រីនោះគឺកំពុងមករដូវ ហេតុដូច្នេះហើយបានសម្រេចចិត្តមិនក្រោកឈរឡើងក្នុងអំឡុងពេលគោរពភ្លេងជាតិ ។

ទន្ទឹមនោះហេតុការណ៍នេះបានបង្កឲ្យមានការរិះគន់យ៉ាងខ្លាំងតាមប្រព័ន្ធអនឡាញនៅប្រទេសថៃ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ សមាជិកសភាគណបក្សប្រឆាំងថៃ អារ ដៃខ្លួនឯងនៅក្នុងសភាដើម្បីតវ៉ាប្រឆាំងនឹងការបង្ក្រាបលើក្រុមអ្នកគាំទ្រលទ្ធិប្រជាធិបតេយ្យ

ចុចអាន ៖ ក្រុមបាតុករថៃដង្ហែញ្ញត្តិទៅកាន់ស្ថានទូតអាល្លឺម៉ង់ដើម្បីស្នើឲ្យស៊ើបអង្កេតលើព្រះមហាក្សត្រ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services