អ៊ីរ៉ង់ដាក់ទណ្ឌកម្មមន្ត្រីកំពូលៗរបស់អាមេរិកមានទាំង Trump ផងដែរ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ៊ីរ៉ង់ដាក់ទណ្ឌកម្មមន្ត្រីកំពូលៗរបស់អាមេរិកមានទាំង Trump ផងដែរ

Published

on

កាលពីថ្ងៃអង្គារអ៊ីរ៉ង់បានប្រកាសដាក់ទណ្ឌកម្មប្រឆាំងនឹងមន្ត្រីកំពូលៗនៅក្នុងរដ្ឋបាលអាមេរិកដែលផុតអាណត្តិរួមមានទាំងប្រធានាធិបតី Donald Trump និងលោក Mike Pompeo រដ្ឋមន្ត្រីក្រសួងការបរទេសផងដែរ ។

អ្នកនាំពាក្យក្រសួងការបរទេសអ៊ីរ៉ង់លោក Saeed Khatibzadeh បាននិយាយថា ការដាក់ទណ្ឌកម្មនេះគឺដោយសារតែពួកគេជាប់ពាក់ព័ន្ធនឹងការធ្វើឃាតមេបញ្ជាការយោធាកំពូលអ៊ីរ៉ង់លោកឧត្តមសេនីយ៍ Qassem Soleimani អ្នកវិទ្យាសាស្ត្រនុយក្លេអ៊ែរលោក Mohsen Fakhrizadeh និងសម្រាប់មន្រ្តីអាមេរិកដែលគាំទ្រចំពោះសកម្មភាពភេរវកម្មប្រឆាំងនឹងអ៊ីរ៉ង់ និងការដាក់ទណ្ឌកម្មសេដ្ឋកិច្ចប្រឆាំងនឹងអ៊ីរ៉ង់ជាដើម ។

សកម្មភាពនេះគឺជាផ្នែកមួយនៃដំណើរការអនុវត្តច្បាប់ដែលអ៊ីរ៉ង់បានអនុម័តនាពេលថ្មីៗនេះដើម្បីប្រឆាំងនឹងយុទ្ធនាការដាក់សម្ពាធអតិបរមារបស់សហរដ្ឋអាមេរិកប្រឆាំងនឹងអ៊ីរ៉ង់ ។

លោក Khatibzadeh បាននិយាយថា “វិធានការបង្ខំជាឯកតោភាគីដោយសហរដ្ឋអាមេរិកប្រឆាំងនឹងអ៊ីរ៉ង់គឺរំលោភលើធម្មនុញ្ញរបស់អង្គការសហប្រជាជាតិ និងគោលការណ៍ច្បាប់អន្តរជាតិ” ។

ទន្ទឹមនោះក្រៅពីលោក Trump និងលោក Pompeo មន្ត្រីអាមេរិកផ្សេងទៀតដែលត្រូវបានកំណត់គោលដៅគឺរដ្ឋលេខាធិការស្តីទីក្រសួងការពារជាតិលោក Christopher Miller រដ្ឋលេខាធិការក្រសួងរតនាគារលោក Steven Mnuchin នាយក CIA លោក Gina Haspel តំណាងពិសេសអាមេរិកប្រចាំអ៊ីរ៉ង់លោក Elliot Abrams និងការិយាល័យគ្រប់គ្រងទ្រព្យសម្បត្តិបរទេស (OFAC) លោក Andrea Gacki ។

បន្ថែមពីនេះមន្ត្រីរដ្ឋបាល Trump មួយចំនួនទៀតរួមទាំងទីប្រឹក្សាសន្តិសុខជាតិលោក John Bolton ប្រេសិតអាមេរិកប្រចាំអ៊ីរ៉ង់ Brian Hook និងរដ្ឋមន្រ្តីការពារជាតិ Mark Esper ក៏មានឈ្មោះនៅក្នុងបញ្ជីនេះដែរ ។

ក្រសួងការបរទេសអ៊ីរ៉ង់ទំនងជានឹងចេញសេចក្តីថ្លែងការណ៍លម្អិតស្តីពីការដាក់ទណ្ឌកម្មនេះមួយថ្ងៃមុនពេលប្រធានាធិបតីជាប់ឆ្នោតលោក Joe Biden ចូលកាន់តំណែងជាប្រធានាធិបតីថ្មីរបស់សហរដ្ឋអាមេរិក ចំពេលមានភាពតានតឹងកំពុងកើនឡើង ។

រដ្ឋបាល Trump ក្នុងរយៈពេលបួនឆ្នាំកន្លងមកនេះបានដាក់ទណ្ឌកម្មយ៉ាងខ្លាំងប្រឆាំងនឹងបុគ្គល និងអង្គភាពអ៊ីរ៉ង់ដែលជាផ្នែកមួយនៃយុទ្ធនាការដាក់សម្ពាធអតិបរមារបស់ខ្លួនប្រឆាំងនឹងទីក្រុងតេអេរ៉ង់ ។

ចំណែកមន្ត្រីអ៊ីរ៉ង់ដែលស្ថិតក្នុងចំណោមរដ្ឋបាល Trump ត្រូវបានដាក់ទណ្ឌកម្មមានរដ្ឋមន្រ្តីការបរទេស Javad Zarif រដ្ឋមន្រ្តីស៊ើបការណ៍សម្ងាត់ Mahmoud Alavi រដ្ឋមន្រ្តីប្រេង Bijan Namdar Zangeneh និងមន្រ្តីផ្សេងទៀតជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ លោក Trump ថ្លែងសារ លាជាលើកចុងក្រោយមុនពេលចុះចេញពីតំណែង

ចុចអាន ៖ បញ្ហាធំៗទាំង៧ដែលលោក Biden ត្រូវដោះស្រាយពេលចូលកាន់អំណាច

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ18 mins ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ40 mins ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ2 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ3 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

ព័ត៌មានជាតិ3 hours ago

អាជ្ញាធរស្រុកកៀនស្វាយទុកពេលឲ្យពលរដ្ឋ៤ថ្ងៃរុះរើសំណង់រំលោភផ្លូវសាធារណៈ

Sokha Hotels

ព័ត៌មានពេញនិយម

Helistar Cambodia - Helicopter Charter Services