Connect with us

ព័ត៌មានអន្ដរជាតិ

ប្រទេសវៀតណាមចាប់ផ្តើមសាកល្បងវ៉ាក់សាំងកូវីដ ១៩ លើសត្វស្វា

បានផុស

នៅ

ក្រសួងសុខាភិបាលវៀតណាមបានប្រកាសកាលពីថ្ងៃសុក្រ ទី៣០ ខែតុលា ថា វ៉ាក់សាំងកូវីដ ១៩ របស់វៀតណាមត្រូវបានធ្វើតេស្តលើសត្វស្វាចាប់តាំងពីថ្ងៃអង្គារមកម្ល៉េះ ។

លោក Vu Cong Long ប្រធានកសិដ្ឋានចិញ្ចឹមសត្វនៅមជ្ឈមណ្ឌលស្រាវជ្រាវ និងផលិតវ៉ាក់សាំង និងជីវសាស្រ្ត (Polyvac) ស្ថិតក្រោមក្រសួងសុខាភិបាលបាននិយាយកាលពីថ្ងៃសុក្រថា វ៉ាក់សាំងដែលផលិតដោយក្រុមហ៊ុនផលិតវ៉ាក់សាំង និងជីវសាស្ត្រ Vabiotech នៅទីក្រុងហាណូយត្រូវបានគេធ្វើតេស្តលើសត្វស្វា ១២ ក្បាលនៅភាគខាងជើងខេត្ត Quang Ninh ។ លោកបានបន្ថែមថា ការសាកល្បងនេះត្រូវបានរំពឹងថានឹងមានរយៈពេលប្រហែលមួយខែ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Long បាននិយាយថា សត្វស្វាដែលត្រូវបានធ្វើការសាកល្បងវ៉ាក់សាំងមានអាយុ ៣ ទៅ ៥ ឆ្នាំ ហើយមិនឆ្លងជំងឺឆ្លងដូចជាជំងឺ HIV (អេដស៍) ជាដើម ។ មុនពេលចាក់វ៉ាក់សាំងពួកគេពិនិត្យសីតុណ្ហភាព ឈាម និងសំណាកពីការតម្បាច្រមុះ និងបំពង់ ក និងត្រូវបានគេយកទៅរក្សាទុកក្នុងទ្រុង ។ លោកបានពន្យល់ថា បន្ទាប់មកសុខភាពរបស់ពួកគេនឹងត្រូវបានត្រួតពិនិត្យក្នុងអំឡុងពេល ៣ ខែទៀតមុនពេលសំណាកឈាមរបស់ពួកវាត្រូវបានបញ្ជូនទៅមជ្ឈមណ្ឌលស្រាវជ្រាវទីក្រុងហាណូយដើម្បីធ្វើតេស្ត ។

ចំណែកលោក Do Tuan Dat ប្រធានក្រុមហ៊ុន Vabiotech បាននិយាយថា ការធ្វើតេស្តលើសត្វស្វាគឺជាជំហានដំបូងនៃការសាកល្បងព្យាបាលជំងឺកូវីដ ១៩ ។ លោកបានកត់សម្គាល់ថា សត្វនឹងត្រូវចាក់វ៉ាក់សាំងចំនួន ២ ដងក្នុងមួយថ្ងៃៗមានចន្លោះពីគ្នា ១៨ ទៅ ២១ ថ្ងៃ ។ លោកបាននិយាយថា អ្នកជំនាញនឹងវាយតម្លៃការឆ្លើយតបភាពស៊ាំរបស់សត្វស្វាប្រហែលមួយខែ បន្ទាប់ពីការចាក់លើកទី ២ ។

រីឯលោកស្រី Nguyen Thu Van ប្រធានក្រុមប្រឹក្សាប្រតិបត្តិសម្រាប់កម្មវិធីជាតិនៃផលិតផលវ៉ាក់សាំងសម្រាប់ការប្រើប្រាស់លើមនុស្សបាននិយាយថា ការសាកល្បងវ៉ាក់សាំងជំងឺកូវីដ ១៩ លើសត្វស្វាគ្រាន់តែជាជំហានមួយនៅក្នុងការស្រាវជ្រាវទាំងមូលសម្រាប់វ៉ាក់សាំងកូវីដ ១៩ ប៉ុណ្ណោះ ។ លោកស្រីបានបន្ថែមថា មានសត្វជាច្រើនប្រភេទដែលអាចប្រើបានសម្រាប់ការសាកល្បងនេះរួមទាំងសត្វកណ្តុរ និងទន្សាយផងដែរ ។

លទ្ធផលនៃការសាកល្បងទាំងនេះនឹងត្រូវបង្ហាញនៅចំពោះមុខក្រុមប្រឹក្សាសុជីវធម៌របស់ក្រសួងសុខាភិបាលក្នុងរយៈពេល ៤ ខែទៀត ប្រសិនបើការពិសោធបង្ហាញថា វ៉ាក់សាំងពិតជាផលិតភាពស៊ាំ និងផ្តល់ការការពារប្រកបដោយប្រសិទ្ធភាពប្រឆាំងនឹងជំងឺកូវីដ ១៩ ។

បច្ចុប្បន្ននេះប្រទេសវៀតណាមមានស្ថាប័នស្រាវជ្រាវចំនួន ៤ ដែលកំពុងធ្វើការលើវ៉ាក់សាំងជំងឺកូវីដ ១៩ រួមមានក្រុមហ៊ុន Vabiotech ក្រុមហ៊ុន Polyvac វិទ្យាស្ថានវ៉ាក់សាំង និងជីវសាស្ត្រវេជ្ជសាស្ត្រ (Ivac) និងក្រុមហ៊ុនជីវវេជ្ជសាស្ត្រឱសថ Nanogen ។

គួរបញ្ជាក់ថា រហូតមកដល់ពេលនេះប្រទេសវៀតណាមបានកត់ត្រានូវករណីឆ្លងជំងឺកូវីដ ១៩ ចំនួន ១,១៧៧ ករណី និងមានអ្នកស្លាប់ ៣៥ នាក់ ហើយភាគច្រើនជាមនុស្សវ័យចាស់ដែលមានជំងឺដូចជាទឹកនោមផ្អែម ឬខ្សោយតំរងនោមជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ VNExpress

ចុចអាន ៖ (Update) ៖ អ្នកស្លាប់ដោយព្យុះ Molave នៅវៀតណាមកើនដល់ ៤០ នាក់

ចុចអាន ៖ Molave ជាព្យុះទីហ្វុងខ្លាំងបំផុតដែលវាយប្រហារប្រទេស វៀតណាម ក្នុងឆ្នាំនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ៣ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៤ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៥ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៥ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម