ព័ត៌មានអន្ដរជាតិ
អ្នកវិទ្យាសាស្ត្រក្រិក រកឃើញដើមឈើមានអាយុកាល២០លានឆ្នាំ
អ្នកវិទ្យាសាស្ត្រក្រិកនៅលើកោះ Lesbos និយាយថា ពួកគេបានរកឃើញដើមឈើរឹងដូចថ្មដ៏កម្រមួយដើម ដែលមែកនិងឫសរបស់វានៅដដែលបន្ទាប់ពីរយៈពេល២០លានឆ្នាំ។
ដើមឈើនេះត្រូវបានគេរកឃើញក្នុងអំឡុងការស្ថាបនាផ្លូវនៅក្បែរព្រៃបុរាណមួយ ដែលត្រូវបានគេអះអាងថាមានអាយុកាលរាប់លានឆ្នាំមកហើយ នៅលើកោះភាគខាងកើតសមុទ្រមេឌីទែរ៉ាណេ ហើយត្រូវបានដឹកចេញពីកន្លែងនោះដោយប្រើដែកអបនិងជើងទម្រពិសេស។
សាស្រ្តាចារ្យ Nikos Zouros មកពីសារមន្ទីរប្រវត្តិសាស្ត្រធម្មជាតិនៃព្រៃឈើបុរាណកោះ Lesbos បាននិយាយថា វាជាលើកដំបូងហើយដែលដើមឈើត្រូវបានគេរកឃើញនៅក្នុងស្ថានភាពល្អបែបនេះ ចាប់តាំងពីការជីករុករកបានចាប់ផ្តើមក្នុងឆ្នាំ១៩៩៥មក។
លោកនិយាយថា “វាគឺជាការរកឃើញតែមួយគត់។ វាត្រូវបានអភិរក្សនៅក្នុងស្ថានភាពដ៏ល្អឥតខ្ចោះហើយពីការសិក្សាអំពីហ្វូស៊ីល យើងនឹងអាចកំណត់ប្រភេទដើមឈើនោះបាន”។
ព្រៃបុរាណក្នុងទំហំផ្ទៃដី១៥,០០០ហិកតារបស់កោះ Lesbos ដែលត្រូវបានការពារដោយអង្គការ UNESCO គឺកកើតឡើងដោយការផ្ទុះភ្នំភ្លើងកាលពី២០លានឆ្នាំមុន ដែលបានបំផ្លាញប្រព័ន្ធអេកូឡូស៊ីព្រៃឈើត្រូពិករបស់កោះនេះ។
ដើមឈើរឹងដូចថ្មនេះ ត្រូវបានការពារដោយស្រទាប់ផេះភ្នំភ្លើងយ៉ាងក្រាស់។ ស្លឹកនៃដើមឈើហូបផ្លែមួយចំនួនធំក៏ត្រូវបានគេរកឃើញនៅកន្លែងតែមួយផងដែរ រួមជាមួយឆ្អឹងសត្វមកពីតំបន់នានា៕
ប្រែសម្រួលដោយ៖ Vann Vann
ប្រភព៖ Tuoi Tre
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង