ព័ត៌មានអន្ដរជាតិ
អ្នកវិទ្យាសាស្រ្តរុស្ស៊ីជំនាញខាងសារធាតុគីមីបំផ្លាញសរសៃប្រសាទដ៏សាហាវ កំពុងផលិតថ្នាំកម្ចាត់កូវីដ
ជីវគីមីវិទូម្នាក់ដែលបានជួយបង្កើតសារធាតុគីមីបំផ្លាញសរសៃប្រសាទ Novichok ដ៏សាហាវរបស់រុស្ស៊ី បានបង្កើតថ្នាំថ្មីមួយដើម្បីកម្ចាត់ជំងឺកូវីដ១៩។
លោកបណ្ឌិត Leonid Rink បានចូលរួមនៅក្នុងការអភិវឌ្ឍសម្ងាត់របស់សូវៀតលើសារធាតុគីមីដែលត្រូវបានគេចោទប្រកាន់ថាបានប្រើដោយចារកម្មរុស្ស៊ីដើម្បីបំពុលលោក Sergei និងនិងនាង Yulia Skripal ក្នុងទីក្រុង Salisbury កាលពីឆ្នាំ ២០១២និងអ្នករិះគន់វិមានក្រឹមឡាំងលោក Alexei Navalny នៅតំបន់ស៊ីបេរីកាលពីឆ្នាំមុន។
ថ្នាំកូវីដថ្មីដែលមានឈ្មោះថា Immofon គឺផ្អែកលើថ្នាំរបស់សហភាពសូវៀតដែលត្រូវបានប្រើប្រឆាំងនឹងរោគឃ្លង់។ វាត្រូវបានបង្កើតឡើងពីថ្នាំអង់ទីប៊ីយ៉ូទិក Dapsone ហើយត្រូវបានផលិតឡើងដើម្បីបង្កើតជាលិការំលាយអាហារ និងជំរុញដំណើរការបង្កើតកោសិកាឡើងវិញ។
អ្នកវិទ្យាសាស្ត្រវ័យ៧៤ឆ្នាំដែលគម្រោងរបស់គាត់បានបង្ហាញភាពវិជ្ជមាននៅក្នុងប្រព័ន្ធផ្សព្វផ្សាយរដ្ឋរុស្ស៊ីបាននិយាយថា “វាមានប្រសិទ្ធភាពប្រឆាំងនឹងមេរោគឆ្លង”។
វាលុបបំបាត់ Cytokine Storm ដែលបើយោងតាមអ្នកជំនាញជាច្រើនបានអះអាងថា ជាបុព្វហេតុមួយនៃការស្លាប់ដោយសារជំងឺកូវីដ១៩។
Cytokine Storm គឺជាដើមចមធ្វើឲ្យខូចដល់ការឆ្លើយតបនៃប្រព័ន្ធភាពស៊ាំទៅនឹងវីរុស ដែលអ្នកជំនាញជាច្រើនជឿថា ស្ថិតនៅពីក្រោយករណីធ្ងន់ធ្ងរបំផុតនៃជំងឺកូវីដ១៩។
លោកអះអាងថា ថ្នាំនេះត្រូវបានធ្វើតេស្តលើអ្នកស្ម័គ្រចិត្តវ័យចំណាស់ប្រមាណ៧០០នាក់ ហើយវាមិនមានករណីធ្ងន់ធ្ងរឬការស្លាប់សូម្បីតែម្នាក់បន្ទាប់ឆ្លងជំងឺកូវីដ១៩។
អ្នកជំនាញជីវគីមីរូបនេះបាននិយាយថា ក្រុមហ៊ុន InterVita របស់គាត់កំពុងផលិតថ្នាំ Immofon ដើម្បីសាកល្បងប្រសិទ្ធភាពរបស់ខ្លួនប្រឆាំងនឹងជំងឺផ្សេងៗរួមទាំងកូវីដ១៩ផងដែរ ហើយការចរចាកំពុងធ្វើឡើងជាមួយក្រសួងសុខាភិបាលរុស្ស៊ី។
បន្ថែមពីលើការប្រយុទ្ធប្រឆាំងនឹងជំងឺកូវីដ១៩ ថ្នាំថ្មីនេះមានគោលបំណងព្យាបាលជំងឺរលាកសន្លាក់រ៉ាំរ៉ៃ, រលាកស្បែក, អាឡ័កស៊ី, មហារីកឈាមនិងជំងឺសួត៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ផ្ទុះកូវីដក្នុងមន្ទីរពិសោធន៍វីរុសធំបំផុតរបស់អង់គ្លេស ព្រោះអ្នកវិទ្យាសាស្រ្តបំពានគោលការណ៍សុវត្ថិភាព
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង