បុរសចិនដែលតុលាការច្រឡំដាក់គុក២៧ឆ្នាំ ទទួលបានសំណងខ្ទង់លានដុល្លារ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

បុរសចិនដែលតុលាការច្រឡំដាក់គុក២៧ឆ្នាំ ទទួលបានសំណងខ្ទង់លានដុល្លារ

Published

on

បុរសម្នាក់ឈ្មោះ Zhang Yuhuan មកពីខេត្ត Jiangxi ដែលត្រូវបានតុលាការច្រឡំដាក់គុកអស់រយៈពេលប្រហែល២៧ឆ្នាំបានទទួលសំណងជាទឹកប្រាក់ពីរដ្ឋជាង៤.៩៦លានយ័ន (១,០១២,៦៥១ដុល្លារអាមេរិក) កាលពីថ្ងៃសុក្រ។

យោងតាមសេចក្តីសម្រេចរបស់តុលាការប្រជាជនជាន់ខ្ពស់ខេត្ត Jiangxi បានឲ្យដឹងថា សំណងនេះរួមមាន៣.៣៩លានយ័នសម្រាប់ការឃុំខ្លួនខុសរបស់លោក Zhang និង១.៥៧លានយ័នសម្រាប់ភាពតប់ប្រមល់ខាងផ្លូវចិត្តរបស់គាត់។

បងប្រុសរបស់លោក Zhang ដែលទទួលសំណងនេះក្នុងនាមលោក Zhang បាននិយាយថា “យើងទទួលយកលទ្ធផលទោះបីជាយើងមានការខកចិត្តបន្តិចបន្តួចចំពោះចំនួនទឹកប្រាក់នេះក៏ដោយ”។

កាលពីថ្ងៃទី៤ខែសីហា តុលាការជាន់ខ្ពស់បានច្រានចោលសាលក្រមដើមដែលក្នុងនោះលោក Zhang ត្រូវបានកាត់ទោសប្រហារជីវិតពីបទមនុស្សឃាតដោយចេតនាហើយបានរកឃើញថា បុរសអាយុ៥២ឆ្នាំរូបនេះមិនមានកំហុសទេពីព្រោះភស្តុតាងនៅក្នុងសំណុំរឿងរបស់គាត់មិនមានភាពរឹងមាំដើម្បីបង្ហាញពីការផ្តន្ទាទោសរបស់គាត់ឡើយ។

ថ្ងៃនោះ លោក Zhang ត្រូវបានដោះលែងហើយវិលត្រឡប់ទៅផ្ទះវិញ។ នៅពេលដោះលែង គាត់ត្រូវបានគេរាយការណ៍ថាជាអ្នកទោសដែលជាប់គុកដោយច្រឡំយូរជាងគេនៅក្នុងប្រទេស។

កាលពីថ្ងៃទី២ខែកញ្ញា គាត់បានដាក់ពាក្យទាមទារសំណងរដ្ឋចំនួន២២.៣លានយ័ន។

ទោះបីជាលោក Zhang ទទួលបានទឹកប្រាក់ទាបជាងការដាក់ពាក្យទាមទារក៏ដោយតែវាអាចជាសំណងខ្ពស់បំផុតក្នុងកំណត់ត្រាសម្រាប់មនុស្សដែលត្រូវបានលើកលែងទោសនៅក្នុងប្រទេសនេះ៕

ប្រែសម្រួលដោយ៖ Vann Vann

ប្រភព៖ China Daily

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ1 hour ago

សម្តេចតេជោ ចេញវិធានការ២បន្ទាន់ចំពោះខេត្តព្រះសីហនុដែលកំពុងកើនឡើងអ្នកវិជ្ជមានកូវីដ-១៩

ព័ត៌មានជាតិ1 hour ago

អ្នកវិជ្ជមាន​កូវីដ១៩មួយគ្រួសារ ក្នុង​បុរី​ ប៉េង ហួត ភូមិ​ក្តី​តាកុយ សង្កាត់វាលស្បូវ ត្រូវ​ក្រុម​គ្រូពេទ្យ​ចុះ​យក​ទៅព្យាបាល

ព័ត៌មានជាតិ2 hours ago

Update !!! ទីតាំង​ប្រឈម​នឹង​កូវីដ១៩ នៅក្នុង​បុរីប៉េងហួត កើន​ដល់​៦ទីតាំង​ហើយ

ព័ត៌មានជាតិ2 hours ago

រកឃើញ​អ្នក​រត់​កង់​បី​ ៣​នាក់ ​ដឹក​ស្ត្រី​ជនជាតិ​វៀតណាម​មាន​វិជ្ជមាន​កូ​វីដ​១៩​នៅ​ស្វាយរៀង​ហើយ

ព័ត៌មានជាតិ3 hours ago

​Breaking News រដ្ឋបាល​ខេត្ត​ព្រះ​សីហនុ​ ប្រកាសរក​អ្នក​បើក​រថយន្ត​ដឹក​ភ្ញៀវ​ សណ្ឋាគារ​ហ័ង​ហ្គ័នជាយី​ ទៅ​ធ្វើ​តេស្ត​កូវីដ១៩ ក្រោយ​រក​ឃើញ​ស្ត្រីជន​ជាតិចិន​មាន​វិជ្ជមាន​កូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services