ព័ត៌មានអន្ដរជាតិ
បារាំងបិទព្រំដែនជាមួយបណ្តាប្រទេសមិនមែនអឺរ៉ុបទាំងអស់ ដើម្បីទប់ស្កាត់វីរុសកូរ៉ូណាបម្លែងខ្លួនប្រភេទថ្មី
ប្រទេសបារាំងនឹងបិទព្រំដែនរបស់ខ្លួនជាមួយបណ្តាប្រទេសដែលមិនមែនជាសហភាពអ៊ឺរ៉ុប (EU) ក្នុងកិច្ចប្រឹងប្រែងដើម្បីបញ្ឈប់ការរីករាលដាលនៃវីរុរកូរ៉ូណាបម្លែងខ្លួនប្រភេទថ្មី ។
លោកនាយករដ្ឋមន្រ្តី Jean Castex បានប្រកាសកាលពីថ្ងៃសុក្រថា រាល់ការមកដល់ពីប្រទេសខាងក្រៅសហភាពអឺរ៉ុបនឹងត្រូវហាមឃាត់ចាប់ពីថ្ងៃអាទិត្យលើកលែងតែការធ្វើដំណើរចាំបាច់ប៉ុណ្ណោះ ។
ប្រទេសនេះបានដាក់វិធានការណ៍តឹងរ៉ឹងនៅពេលយប់កាលពីពីរសប្តាហ៍មុនដោយបង្កើនការចាប់ផ្តើមនៃបម្រាមគោចររយៈពេលពីរម៉ោងចាប់ពីម៉ោង ៦ ល្ងាច ។
ប៉ុន្តែចំនួននៃការឆ្លងជំងឺកូវីដ ១៩ ប្រចាំថ្ងៃនៅតែខ្ពស់ប្រមាណ ២០,០០០ ករណី ។ ប្រហែលជា ១០ ភាគរយនៃពួកគេត្រូវបានគេជឿថាពាក់ព័ន្ធនឹងវីរុសកូរ៉ូណាបម្លែងខ្លួនប្រភេទថ្មី ។
លោកនាយករដ្ឋមន្រ្តីបាននិយាយថា មជ្ឈមណ្ឌលផ្សារទំនើបធំៗដែលមិនលក់អាហារនឹងត្រូវបញ្ឈប់ពីប្រតិបត្តិការ ហើយប៉ូលិសនឹងបង្ក្រាបអ្នករំលោភបម្រាមគោចរ ។
វិធានការនេះត្រូវបានគេមើលឃើញថាជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាលដើម្បីចៀសវាងការរឹតត្បិតកាន់តែធ្ងន់ធ្ងរថែមទៀត ។
លោក Castex បាននិយាយថា “កាតព្វកិច្ចរបស់យើងគឺធ្វើអ្វីគ្រប់យ៉ាងដែលយើងអាចធ្វើបានដើម្បីជៀសវាងការបិទប្រទេសសាជាថ្មី” ។
គួរបញ្ជាក់ថា គិតត្រឹមពេលនេះប្រទេសបារាំងមានករណីឆ្លងជំងឺកូវីដ ១៩ ចំនួន ៣,១៥៣,៤៨៧ ករណី និងមានអ្នកស្លាប់ចំនួន ៧៥,៦២០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ បារាំងសាងសង់នាវាដឹកយន្តហោះដើរដោយថាមពលនុយក្លេអ៊ែរថ្មី
ចុចអាន ៖ EU ព្រមានបារាំងអំពីសេរីភាពសារព័ត៌មាន ខណៈរដ្ឋាភិបាលលោក Macron បន្តជំរុញច្បាប់សន្តិសុខ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង