ព័ត៌មានអន្ដរជាតិ
យោធាមីយ៉ាន់ម៉ាបញ្ជាក់ច្បាស់ៗ ពាក់ព័ន្ធការប៉ុនប៉ងធ្វើរដ្ឋប្រហារ
នៅថ្ងៃសៅរ៍នេះ យោធាមីយ៉ាន់ម៉ាបានបញ្ជាក់ច្បាស់ៗថា ខ្លួននឹងការពារហើយគោរពរដ្ឋធម្មនុញ្ញរបស់ប្រទេស និងធ្វើសកម្មភាពស្របតាមច្បាប់ចំពេលមានការព្រួយបារម្ភនៅក្នុងប្រទេសថា កងកម្លាំងប្រដាប់អាវុធអាចនឹងព្យាយាមដណ្តើមអំណាច។
នៅក្នុងសេចក្តីថ្លែងការណ៍ផ្លូវការមួយ យោធាបាននិយាយថា ការលើកឡើងនាពេលថ្មីៗនេះដោយឧត្តមសេនីយ៍កំពូលរបស់ខ្លួនអំពីការលុបចោលរដ្ឋធម្មនុញ្ញ គឺត្រូវបានបកស្រាយខុសដោយប្រព័ន្ធផ្សព្វផ្សាយនិងអង្គការមួយចំនួន។
កាលពីថ្ងៃអង្គារទី២៦ខែមករា យោធាដ៏មានឥទ្ធិពលរបស់ប្រទេសមីយ៉ាន់ម៉ាបានលើកឡើងពីជម្រើសធ្វើរដ្ឋប្រហារ ខណៈខ្លួនទាមទារកាន់តែខ្លាំងឲ្យមានការស៊ើបអង្កេតអំពីការលួចបន្លំនៅក្នុងការបោះឆ្នោតកាលពីឆ្នាំមុន ដែលឈ្នះដោយគណបក្សកាន់អំណាចរបស់លោកស្រី អ៊ួងសាន ស៊ូជី។
គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) បានឈ្នះឆ្នោតភ្លូកទឹកភ្លូកដីកាលពីខែវិច្ឆិកា ប៉ុន្តែត្រូវបានក្រុមអង្គការសិទ្ធិមនុស្សរិះគន់ថា មិនគោរពសិទ្ធិអ្នកបោះឆ្នោតនៅក្នុងតំបន់ដែលមានជម្លោះ។
គណបក្សប្រឆាំងដែលមានសម្ព័ន្ធភាពជាមួយយោធាបានជំទាស់នឹងលទ្ធផលនេះ ខណៈកងទ័ពបានចោទប្រកាន់អំពីភាពមិនប្រក្រតីនៃកាតបោះឆ្នោត ដោយអះអាងថាបានរកឃើញការក្លែងបន្លំចំនួន៨.៦លានករណី។
អ្នកនាំពាក្យយោធាលោកឧត្តមសេនីយ៍ Zaw Min Tun កាលពីថ្ងៃអង្គារបានអំពាវនាវជាថ្មីដល់គណៈកម្មការរៀបចំការបោះឆ្នោតរបស់ប្រទេសនេះ ឲ្យផ្តល់នូវបញ្ជីឈ្មោះអ្នកបោះឆ្នោតចុងក្រោយសម្រាប់ការត្រួតពិនិត្យ ហើយការទាមទាររហូតមកដល់ពេលនេះមិនទាន់ត្រូវបានធ្វើតាមនៅឡើយទេ៕
ប្រែសម្រួលដោយ៖ Vann Vann
ប្រភព៖ Reuters
ចុចអាន៖ កងទ័ពមីយ៉ាន់ម៉ាព្រមានពីជម្រើសធ្វើរដ្ឋប្រហារដើម្បីតវ៉ាការលួចបន្លំក្នុងការបោះឆ្នោត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង