លោក ត្រាំ ចូលប្រគល់ខ្លួននៅពន្ធនាគារក្នុងទីក្រុង Atlanta

នៅថ្ងៃសុក្រ ទី២៥ ខែសីហា អតីតប្រធានាធិបតីអាមេរិក លោក ដូណាល់ ត្រាំ បានចូលប្រគល់ខ្លួននៅពន្ធនាគារ Fulton County ក្នុងទីក្រុង Atlanta នៃរដ្ឋ Georgia ខណៈគាត់ប្រឈមមុខនឹងការចោទប្រកាន់ ពាក់ព័ន្ធការព្យាយាមលុបចោលលទ្ធផលបោះឆ្នោតប្រធានាធិបតីឆ្នាំ២០២០ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ​ ក្រោយមក មហាសេដ្ឋី​ដែល​ប្រែក្លាយជា​អ្នកនយោបាយ​រូបនេះ ​ត្រូវបាន​ដោះលែង​វិញ​ភ្លាមៗ ដោយសារតែ​កិច្ចព្រមព្រៀង​ធានា​នៅក្រៅ​ឃុំ។

លោក ត្រាំ បានយល់ព្រមបង់លុយនៅក្រៅឃុំចំនួន ២០ម៉ឺនដុល្លារ ក៏ដូចជាលក្ខខណ្ឌផ្សេងទៀត រួមទាំងការមិនប្រើប្រាស់ប្រព័ន្ធផ្សព្វផ្សាយសង្គម ដើម្បីវាយប្រហារសហចុងចោទ និងសាក្សីក្នុងសំណុំរឿងនេះផងដែរ។

មេធាវីតំបន់ Fulton លោកស្រី Fani Willis បានបង្ហាញការចោទប្រកាន់ចំនួន៤១ករណីប្រឆាំងនឹងអតីតប្រធានាធិបតី និងសហការីចំនួន១៨នាក់កាលពីដើមខែនេះ ខណៈសហ​ចុង​ចោទ​មួយ​ចំនួន​ ត្រូវ​បាន​ឃុំ​ខ្លួន​ក្នុង​ពន្ធនាគារ​រួចទៅ​ហើយ រួម​ទាំង​អតីត​អភិបាល​ក្រុង​ញូវយ៉ក​លោក Rudy Giuliani ផងដែរ ដែល​បាន​ប្រគល់​ខ្លួន​កាល​ពី​ថ្ងៃ​ពុធ។

គួរបញ្ជាក់ថា បច្ចុប្បន្នលោក ត្រាំ កំពុងប្រឈមនឹងការចោទប្រកាន់ពីបទឧក្រិដ្ឋផ្សេងទៀតនៅក្នុងសំណុំរឿង Fulton County នៃរដ្ឋ Georgia។ គាត់ត្រូវបានចោទប្រកាន់ពីបទបំពានច្បាប់ឧក្រិដ្ឋកម្មរបស់រដ្ឋ ក៏ដូចជាការឃុបឃិតជាច្រើនដើម្បីជ្រៀតជ្រែកក្នុងការបោះឆ្នោត ការភូតកុហក ការសុំឲ្យមន្ត្រីរដ្ឋបំពានលើសម្បថរបស់ពួកគេ និងករណីផ្សេងៗទៀតជាដើម ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ត្រាំ ប្រកាសមិនចូលរួម ការជជែកដេញដោល ប្រធានាធិបតី ខាង គណបក្ស សាធារណរដ្ឋ