ទីបំផុត វៀតណាមរកឃើញករណីវីរុសបម្លែងខ្លួនប្រភេទថ្មីមួយទៀត ជាលើកដំបូង

ប្រទេសវៀតណាមបានរកឃើញវីរុសកូរ៉ូណាបម្លែងខ្លួនប្រភេទថ្មីដែលមានដើមកំណើតនៅប្រទេសអាហ្វ្រិកខាងត្បូង ក្នុងខ្លួនអ្នកជំនាញបរទេសម្នាក់ដែលត្រូវបានគេដាក់ឲ្យនៅដាច់ដោយឡែកចាប់តាំងពីពេលមកដល់ទីក្រុងហាណូយកាលពីខែធ្នូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំងឺដែលជាអ្នកជំនាញអាហ្វ្រិកខាងត្បូងអាយុ២៥ឆ្នាំ បានមកដល់អាកាសយានដ្ឋានអន្តរជាតិ Noi Bai ក្នុងរដ្ឋធានីកាលពីថ្ងៃទី១៩ខែធ្នូ។

គាត់បានធ្វើតេស្តវិជ្ជមានវីរុសកូរ៉ូណាកាលពីថ្ងៃទី២៣ខែធ្នូ ហើយគាត់ត្រូវបានបញ្ជាក់ថា ជាអ្នកជំងឺកូវីដ១៩ទី ១,៤២២របស់ប្រទេសវៀតណាម។

អ្នកជំងឺត្រូវបានបញ្ជូនទៅមន្ទីរពេទ្យ National Hospital for Tropical Diseases ក្នុងទីក្រុងហាណូយដើម្បីព្យាបាល។

វិទ្យាស្ថានជាតិអនាម័យនិងរោគរាតត្បាតបានពិនិត្យតាមដានវីរុសនេះ ហើយកំណត់ថា អ្នកជំងឺកំពុងផ្ទុកវីរុសកូរ៉ូណាបម្លែងខ្លួនប្រភេទថ្មីដែលមានដើមកំណើតនៅ អាហ្វ្រិកខាងត្បូង។

នេះជាលើកទីមួយហើយដែលវីរុសបម្លែងខ្លួនប្រភេទថ្មី ត្រូវបានកត់ត្រានៅក្នុងប្រទេសអាស៊ីអាគ្នេយ៍មួយនេះ។

កាលពីដើមខែមករា ករណីនាំចូលលើកដំបូងនៃវីរុសបម្លែងខ្លួនមួយទៀតដែលមានដើមកំណើតនៅចក្រភពអង់គ្លេសត្រូវបានប្រកាស។

វីរុសនេះត្រូវបានរកឃើញនៅក្នុងខ្លួនស្ត្រីអាយុ៤៤ឆ្នាំម្នាក់ ដែលវិលត្រឡប់មកវៀតណាមពីប្រទេសអង់គ្លេស។ គាត់ត្រូវធ្វើចត្តាឡីស័កនៅពេលមកដល់ហើយត្រូវបានបញ្ជាក់ថាមានផ្ទុកវីរុសនេះនៅថ្ងៃទី២៤ខែធ្នូ៕

ប្រែសម្រួលដោយ៖ Vann Vann

ប្រភព៖ Tuoi Tre

ចុចអាន៖ វៀតណាម អនុម័តឲ្យប្រើប្រាស់វ៉ាក់សាំង AstraZeneca បន្ទាប់ពីរកឃើញការឆ្លងក្នុងសហគមន៍ថ្មី ៣៤ករណី