ព័ត៌មានអន្ដរជាតិ
ថ្ងៃនេះ ថៃបន្តរកឃើញអ្នកឆ្លងកូវីដ ៨៣៦ ករណី ខណៈឆ្លងក្នុងសហគមន៍ ៨៣២ ករណី
មជ្ឈមណ្ឌលគ្រប់គ្រងស្ថានភាពជំងឺកូវីដ ១៩ ថៃ (CCSA) នៅថ្ងៃចន្ទនេះបានរាយការណ៍ថាមានករណីឆ្លងថ្មីនៃជំងឺកូវីដ ១៩ ចំនួន ៨៣៦ ករណីដែលក្នុងនោះ ៨៣២ ករណីជាករណីឆ្លងក្នុងសហគមន៍ និង ៤ ករណីជាករណីនាំចូល ខណៈ ៧៩៣ ករណីជាករណីសកម្ម ។
លោកស្រី Apisamai Srirangsan ជំនួយការអ្នកនាំពាក្យរបស់ CCSA បាននិយាយថា ក្នុងចំណោមករណីឆ្លងថ្មី ៨៣២ ករណីក្នុងនោះ ៣៩ ករណីគឺការធ្វើតេស្តក្នុងសហគមន៍ ហើយកើតឡើងលើមនុស្សដែលទៅលេងតំបន់មានហានិភ័យខ្ពស់ដូចជាខេត្ត សាមុតសាខន ៣២ ករណី ទីក្រុងបាងកក ៥ ករណី ខេត្ត Ratchaburi ២ ករណី ។
លោកស្រីបន្តថា ទន្ទឹមនោះ ៧៩៣ ករណីជាករណីសកម្ម ហើយក្នុងនោះគ្រាន់តែខេត្ត សាមុត សាខន មានករណីឆ្លងចំនួន ៧៨២ ករណី ។
រីឯករណីនាំចូល ៤ ករណីគឺជនជាតិថៃ ២ នាក់ដែលត្រឡប់មកពីម៉ាឡេស៊ី និងអង់គ្លេស ។ បុរសជនជាតិអាមេរិកម្នាក់ និងវិស្វករជនជាតិប៊ែលហ្សិកម្នាក់ដែលបានហោះហើរមកពីប្រទេសរៀងៗខ្លួនក៏បានធ្វើតេស្តវិជ្ជមានផងដែរ ។
គិតត្រឹមថ្ងៃចន្ទនេះចំនួនករណីឆ្លងជំងឺកូវីដ ១៩ ដែលបានបញ្ជាក់នៅក្នុងប្រទេសថៃបានកើនឡើងដល់ ១៩,៦១៨ ករណី ហើយចំនួនអ្នកស្លាប់នៅតែមាន ៧៧ នាក់ដដែល ។
យោងតាមគេហទំព័រ Worldometer បានឲ្យដឹងថា ករណីឆ្លងជំងឺកូវីដ ១៩ នៅទូទាំងពិភពលោកនៅពេលនេះបានកើនឡើងដល់ ១០៣.៥៣ លាននាក់ ក្នុងនោះ ៧៥.១៣ លាននាក់បានជាសះស្បើយ និងមានអ្នកស្លាប់ ២.២៤ លាននាក់ ។
ប្រទេសថៃជាប់ចំណាត់ថ្នាក់ទី ១១៦ ក្នុងបញ្ជីករណីឆ្លងនៅលើពិភពលោក ។ សហរដ្ឋអាមេរិកឈរនៅលើគេក្នុងបញ្ជីដែលមានករណីឆ្លង ២៦.៧៦ លាននាក់ បន្ទាប់មកគឺឥណ្ឌា ១០.៧៦ លាននាក់, ប្រេស៊ីល ៩.២ លាននាក់, រុស្ស៊ី ៣.៨៣ លាននាក់ និងចក្រភពអង់គ្លេស ៣.៨ លាននាក់ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation
ចុចអាន ៖ ចង់បានលាភសំណាងពេក ប្រជាជនថៃកាន់បាច់ផ្កាដេកក្នុងមឈូសដូចសាកសព
ចុចអាន ៖ សាកលវិទ្យាល័យមួយរបស់ថៃនឹងចាប់ផ្ដើមសាកល្បងវ៉ាក់សាំងកូវីដរបស់ខ្លួនលើមនុស្ស
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?