Connect with us

ព័ត៌មានអន្ដរជាតិ

រុស្ស៊ីបង្ហាញវ៉ាក់សាំងកូវីដ ២ ផ្សេងទៀតមានសុវត្ថិភាពគួរប្រើប្រាស់ ក្រៅពី Sputnik V

បានផុស

នៅ

អនុប្រធានក្រុមប្រឹក្សាសន្តិសុខរុស្ស៊ីលោក Dmitry Medvedev បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយរុស្ស៊ីថា វ៉ាក់សាំងរបស់រុស្ស៊ីប្រឆាំងនឹងជំងឺកូវីដ ១៩ ចំនួន ៣ ត្រូវបានគេធ្វើតេស្ត ហើយត្រូវបានគេរកឃើញថាមានសុវត្ថិភាព ហើយគួរតែប្រើប្រាស់វ៉ាក់សាំងទាំងនេះ ។

យោងតាមលោក Medvedev បានឲ្យដឹងថា ប្រទេសរុស្ស៊ីក៏ដូចជាប្រទេសដទៃទៀតដែរបានវាយតម្លៃវ៉ាក់សាំងដោយផ្អែកលើគោលការណ៍ប្រសិទ្ធភាព និងសុវត្ថិភាព ។ មន្ត្រីរូបនោះបានលើកឡើងពីវ៉ាក់សាំងរុស្ស៊ីចំនួន ៣ ប្រភេទគឺ Sputnik V ដែលត្រូវបានអភិវឌ្ឍដោយវិទ្យាស្ថាន Gamaleya ដែលមានមូលដ្ឋាននៅទីក្រុងម៉ូស្គូ វ៉ាក់សាំង EpiVacCorona បង្កើតដោយមជ្ឈមណ្ឌលស្រាវជ្រាវស៊ីបេរី និងវ៉ាក់សាំងដែលបង្កើតឡើងដោយវិទ្យាស្ថានស្រាវជ្រាវ Chumakov ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Medvedev បាននិយាយថា “វ៉ាក់សាំងទាំងនេះមានលក្ខណៈខុសគ្នាទាក់ទងនឹងសមាសធាតុជីវសាស្ត្រ និងវិទ្យាសាស្ត្រប្រឆាំងនឹងវីរុសនេះត្រូវបានប្រើ ។ ខ្ញុំចាំបានថា វ៉ាក់សាំង Sputnik V ពឹងផ្អែកលើការប្រើប្រាស់វីរុសអាដេណូ (Adenoviruses) ដែលមានសមាសធាតុពីរផ្សេងគ្នា ខណៈវ៉ាក់សាំង EpiVacCorona ផ្ទុកប្រូតេអ៊ីនសំយោគពិសេសដែលតំណាងឲ្យបំណែក និងធាតុនីមួយៗនៃវីរុសកូរ៉ូណាដែលសំខាន់បំផុតសម្រាប់មនុស្សម្នាក់ដើម្បីបង្កើតភាពស៊ាំ” ។

វ៉ាក់សាំងដែលត្រូវបានបង្កើតឡើងដោយវិទ្យាស្ថានស្រាវជ្រាវ Chumakov គឺជាវ៉ាកសាំងកម្រិតខ្ពស់បំផុតចាប់តាំងពីវាផ្ទុកវីរុសអសកម្មនៃជំងឺរលាកសួតប្រភេទកូវីដ ១៩ ហើយវ៉ាក់សាំងនេះមានប្រសិទ្ធភាពលើគោលការណ៍ដូចគ្នានឹងវ៉ាក់សាំងដែលបានធ្វើការអស់រយៈពេល ២០០ ឆ្នាំហើយ ។

មន្ត្រីរូបនេះបានសង្កត់ធ្ងន់ថា “យើងបានសាកល្បងវ៉ាក់សាំងទាំងនេះ ។ ពួកគេត្រូវបានគេទទួលស្គាល់ថាមានសុវត្ថិភាព ។ ពួកគេត្រូវតែប្រើ ហើយនេះគឺជាអ្វីដែលយើងផ្តោតលើ” ។

យោងតាមលោក Medvedev បានឲ្យដឹងថា ប្រទេសរុស្ស៊ីមិនបញ្ចេញវ៉ាក់សាំងរបស់ខ្លួនលើប្រទេសផ្សេងទៀតទេ ។ ភារកិច្ចចម្បងគឺផលិតចំនួនវ៉ាក់សាំងដែលមានប្រសិទ្ធិភាពគ្រប់គ្រាន់សម្រាប់ប្រជាជនរុស្ស៊ី ហើយកិច្ចប្រជុំបន្ទាប់របស់ក្រុមប្រឹក្សាសន្តិសុខនឹងត្រូវផ្តោតទៅលើបញ្ហាផលិតកម្មវ៉ាក់សាំងទាំងនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ទីបំផុត លោក ពូទីន ចុះហត្ថលេខាលើសេចក្ដីព្រាងច្បាប់ពង្រីកសន្ធិសញ្ញាអាវុធនុយក្លេអ៊ែរជាមួយអាមេរិក

ចុចអាន ៖ អ្នកវិទ្យាសាស្ត្ររុស្ស៊ីបញ្ចេញរូបភាពវីរុសកូរ៉ូណាបម្លែងខ្លួនប្រភេទថ្មី ថតពីមីក្រូទស្សន៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

រដ្ឋបាលខេត្តសៀមរាប បើកយុទ្ធនាការតេស្តរក សារធាតុញៀនលើមន្ត្រីរាជការរបស់ខ្លួន

ព័ត៌មានជាតិ១៣ នាទី មុន

អ្នកជំនាញអន្តរជាតិ ចែករំលែកបទពិសោធដល់អង្គភាពប្រឆាំងអំពើពុករលួយ លើការគ្រប់គ្រងទំនាស់ផលប្រយោជន៍

ជីវិតកម្សាន្ដ១៥ នាទី មុន

នាដការី សុខគា គឹមលាង មោទនភាពកើតជាកូនខ្មែរចូលរួមកិច្ចការពារថែរក្សាសម្បត្តិបេតិកភណ្ឌជាតិ

ព័ត៌មានជាតិ១៨ នាទី មុន

ក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន ផ្លាស់ប្ដូរ អនុស្សរណៈយោគយល់គ្នាជាមួយ វិទ្យាស្ថានពហុបច្ចេកទេសកម្ពុជា និងបើកវគ្គបណ្ដុះបណ្ដាលការងារកំបោរក្នុងវិស័យសំណង់

ព័ត៌មានជាតិ២៥ នាទី មុន

បន្ទប់រង់ចាំពិសេសនៅព្រលានយន្តហោះសៀមរាបមាន ៥ បន្ទប់ បែងចែកខុសៗគ្នាតាមឋានៈតួនាទី

Sokha Hotels

ព័ត៌មានពេញនិយម