អ្នកឆ្លងកូវីដនៅថៃកើនលើស ២ ម៉ឺនករណី ក្រោយថ្ងៃនេះរកឃើញ ៨៣៦ ករណី និងស្លាប់ ២ នាក់បន្ថែម
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ្នកឆ្លងកូវីដនៅថៃកើនលើស ២ ម៉ឺនករណី ក្រោយថ្ងៃនេះរកឃើញ ៨៣៦ ករណី និងស្លាប់ ២ នាក់បន្ថែម

Published

on

មជ្ឈមណ្ឌលគ្រប់គ្រងស្ថានភាពជំងឺកូវីដ ១៩ (CCSA) នៅថ្ងៃអង្គារនេះបានរាយការណ៍ថាមានករណីឆ្លងថ្មីនៃជំងឺកូវីដ ១៩ ចំនួន ៨៣៦ ករណី និងការស្លាប់ចំនួន ២ នាក់ ក្នុងនោះ ៨១៩ ករណីជាករណីឆ្លងក្នុងសហគមន៍ និង ១៧ ករណីជាករណីនាំចូល ។

ក្នុងចំណោមករណីឆ្លងក្នុងសហគមន៍ ៨១៩ ករណីក្នុងនោះចំនួន ១០៩ ករណីបានកើតឡើងអ្នកដែលទៅទស្សនាតំបន់ដែលមានហានិភ័យខ្ពស់ ក្នុងនោះខេត្តសាមុតសាខនឈរនៅលើគេក្នុងបញ្ជីមានអ្នកឆ្លង ៩៩ ករណី ។ ចំណែក ១០ ករណីទៀតគឺកើតឡើងលើទារកអាយុ ២៦ ថ្ងៃម្នាក់ នៅទីក្រុងបាងកក ៧ ករណី និង ២ ករណីទៀតនៅខេត្ត Samut Songkhram ។

ទន្ទឹមនឹងនេះ ៧១០ ករណីកើតឡើងលើអ្នកកំពុងសម្រាកព្យាបាលក្នុងនោះ ៦៨៨ ករណីត្រូវបានរកឃើញនៅខេត្តសាមុតសាខន និង ២២ ករណីនៅទីក្រុងបាងកក ។

ចំណែកករណីនាំចូល ១៧ ករណីក្នុងនោះ ១០ ករណីគឺជាជនជាតិថៃបានវិលត្រឡប់មកពីប្រទេសស្វីស នីហ្សេរីយ៉ា សហរដ្ឋអាមេរិក កាណាដា និងម៉ាឡេស៊ី ។ រីឯ ៧ ករណីទៀតគឺជនជាតិស៊ុយអែតម្នាក់បានធ្វើដំណើរមកពីប្រទេសដាណឺម៉ាក ជនជាតិកាណាដាម្នាក់ បារាំង ២ នាក់ ស្វីស ២ នាក់ និងជនជាតិឥណ្ឌាម្នាក់បានហោះហើរពីប្រទេសរបស់ពួកគេរៀងៗខ្លួន ។

លោកវេជ្ជបណ្ឌិត Taweesin Visanuyothin អ្នកនាំពាក្យរបស់ CCSA បាននិយាយថា ក្នុងនោះប្រទេសថៃក៏មានអ្នកស្លាប់ដោយសារជំងឺកូវីដ ១៩ ចំនួន ២ នាក់ទៀតផងដែរដែលធ្វើឲ្យចំនួនអ្នកស្លាប់កើនឡើងដល់ ៧៩ នាក់ ។

ស្ត្រីជនជាតិថៃដែលមានជំងឺលើសឈាមអាយុ ៧៥ ឆ្នាំមានទីលំនៅនៅខេត្តសាមុតសាខនបានវិវត្តរោគសញ្ញាកាលពីថ្ងៃទី ២៥ ខែមករា បន្ទាប់ពីមានទំនាក់ទំនងជាមួយប្តីដែលឆ្លងជំងឺ ។ ដំបូងលោកស្រីមានរោគសញ្ញាតិចតួចប៉ុណ្ណោះ ។ លោកស្រីត្រូវបានគេបញ្ជាក់ថាតេស្តវិជ្ជមាននៅថ្ងៃទី ២៨ ខែមករានៅពេលលោកស្រីចាប់ផ្តើមមានការនឿយហត់ និងពិបាកដកដង្ហើម ។ លោកស្រីបានទទួលមរណភាពនៅមន្ទីរពេទ្យខេត្តសាមុតសាខននៅថ្ងៃទី ៣០ ខែមករា ។

ចំណែកអ្នកស្លាប់ម្នាក់ទៀតជាបុរសជនជាតិថៃអាយុ ៦៨ ឆ្នាំដែលមានជំងឺទឹកនោមផ្អែម និងជំងឺតម្រងនោមដំណាក់កាលចុងក្រោយបានទៅច្រៀងនៅបន្ទប់ខារ៉ាអូខេមួយកន្លែងនៅខេត្តសាមុតសាខន ។ គាត់មានអាការៈក្អក ហៀរសំបោរ និងឈឺសាច់ដុំកាលពីថ្ងៃទី ៣០ ខែធ្នូ ហើយគាត់ត្រូវបានបញ្ជាក់ថាតេស្តវិជ្ជមាននៅថ្ងៃទី ៧ ខែមករា ហើយបានស្លាប់នៅថ្ងៃទី ១ ខែកុម្ភៈ ។

គិតត្រឹមថ្ងៃអង្គារនេះប្រទេសថៃមានករណីឆ្លងជំងឺកូវីដ ១៩ ចំនួន ២០,៤៥៤ ករណី ហើយចំនួនអ្នកស្លាប់បានកើនឡើងដល់ ៧៩ នាក់ ។ ប្រទេសថៃជាប់ចំណាត់ថ្នាក់ទី ១១៥ ក្នុងបញ្ជីករណីឆ្លងលើពិភពលោក ។ សហរដ្ឋអាមេរិកឈរនៅលើគេក្នុងបញ្ជីដែលមានអ្នក ២៦.៩១ លាននាក់ បន្ទាប់មកគឺឥណ្ឌា ១០.៧៧ លាននាក់, ប្រេស៊ីល ៩.២៣ លាននាក់, រុស្ស៊ី ៣.៨៦ លាននាក់ និងចក្រភពអង់គ្លេស ៣.៨៣ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ សាលារៀនទាំងអស់នៅទីក្រុងមួយរបស់ថៃបើកមិនទាន់បានមួយម៉ោងត្រូវបិទវិញ ក្រោយសិស្សតេស្តវិជ្ជមានកូវីដ

ចុចអាន ៖ ចង់បានលាភសំណាងពេក ប្រជាជនថៃកាន់បាច់ផ្កាដេកក្នុងមឈូសដូចសាកសព

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ3 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ3 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ5 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ5 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services