ព័ត៌មានអន្ដរជាតិ
អាមេរិកកាត់ផ្តាច់ជំនួយបន្ទាប់ពីទទួលស្គាល់ថា មីយ៉ាន់ម៉ាពិតជាមានរដ្ឋប្រហារមែន
កាលពីថ្ងៃអង្គារទី២ខែកុម្ភៈ ទីក្រុងវ៉ាស៊ីនតោនបានកំណត់ជាផ្លូវការថា យោធាមីយ៉ាន់ម៉ាបានធ្វើរដ្ឋប្រហារ ហើយតម្រូវឲ្យបញ្ចប់ការផ្តល់ជំនួយរបស់សហរដ្ឋអាមេរិកដល់រដ្ឋាភិបាល។
ដោយប្រើឈ្មោះកាលពីអតីតរបស់មីយ៉ាន់ម៉ា មន្ត្រីក្រសួងការបរទេសអាមេរិកបាននិយាយថា “បន្ទាប់ពីការពិនិត្យឡើងវិញយ៉ាងយកចិត្តទុកដាក់លើអង្គហេតុនិងកាលៈទេសៈ យើងបានវាយតម្លៃថា លោកស្រីអ៊ុងសានស៊ូជីដែលជាមេដឹកនាំគណបក្សកាន់អំណាចភូមានិងលោក Win Myint ដែលជាប្រមុខរដ្ឋាភិបាលជាប់ឆ្នោត ត្រូវបានទម្លាក់នៅក្នុងរដ្ឋប្រហារយោធា”។
មន្ត្រីដដែលបាននិយាយថា “យើងបន្តអំពាវនាវដល់ថ្នាក់ដឹកនាំយោធាភូមាឲ្យដោះលែងពួកគេនិងសង្គមស៊ីវិលដែលត្រូវបានឃុំខ្លួនទាំងអស់ ព្រមទាំងមេដឹកនាំនយោបាយជាបន្ទាន់និងដោយគ្មានលក្ខខណ្ឌ”។
យោងតាមច្បាប់សហរដ្ឋអាមេរិក សហរដ្ឋអាមេរិកនឹងត្រូវហាមឃាត់មិនឲ្យជួយរដ្ឋាភិបាលនេះប៉ុន្តែផលប៉ះពាល់មិនទាន់ត្រូវបានគេដឹងទេ ព្រោះជំនួយស្ទើរតែទាំងអស់នៅក្នុងប្រទេសមីយ៉ាន់ម៉ាត្រូវបានផ្តល់ទៅឲ្យបណ្តាញមិនមែនរដ្ឋាភិបាល។
នៅពេលសួរថាតើថវិកាចំនួនប៉ុន្មានដែលត្រូវឆ្លងកាត់រដ្ឋាភិបាល មន្ត្រីដដែលបាននិយាយក្នុងលក្ខខណ្ឌមិនបញ្ចេញឈ្មោះថា “តិចតួចណាស់ឬស្ទើរតែមិនមានទាល់តែសោះ”។
កងទ័ពមីយ៉ាន់ម៉ាបានស្ថិតនៅក្រោមការដាក់ទណ្ឌកម្មរបស់អាមេរិករួចទៅហើយ ជុំវិញយុទ្ធនាការឃោរឃៅរបស់ខ្លួនប្រឆាំងនឹងជនជាតិភាគតិចរ៉ូហ៊ីងយ៉ា។
មន្រ្តីក្រសួងការបរទេសបាននិយាយថា “ទីក្រុងវ៉ាស៊ីនតោននឹងរក្សាកម្មវិធីមនុស្សធម៌រាប់បញ្ចូលទាំងសម្រាប់ជនជាតិរ៉ូហ៊ីងយ៉ាផងដែរ ប៉ុន្តែក៏នឹងធ្វើការពិនិត្យទូលំទូលាយលើជំនួយរបស់យើងទៅកាន់ប្រទេសមីយ៉ាន់ម៉ាផងដែរ”៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ គ្រូពេទ្យមីយ៉ាន់ម៉ាគំរាមឈប់ធ្វើការទោះកូវីដកំពុងផ្ទុះខ្លាំង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?